హవ్వ!! కిడ్నాపులు "తప్పనిసరి" అట, మరి మర్డర్ల మాటేమిటి??

4/28/2012 - రాసింది karthik at Saturday, April 28, 2012
కొద్ది సేపటి క్రితం ఒకానొక కమ్యూనిస్టు మితృడు తన బ్లాగులో వెలిబుచ్చిన అమూల్యమైన అభిప్రాయాలకు మైండ్ బ్లాక్ అయ్యి ఏం చెయ్యాలో అర్థం కాక ఈ టపా రాస్తున్నాను.. ఆ టపా లంకె ఇక్కడ చూడగలరు..

ఒడిషా, ఛత్తిస్ ఘడ్     రాష్ట్రాలలో మావో యిస్టులు చేస్తున్న కిడ్నాపులు "తప్పనిసరి" అట..  వాటి గురించి రాజ్యం అపోహలకు గురి చేస్తోందట.. ఇంకా నయం  వాళ్ళందరూ  వేసవి విహార యాత్రకు వెళ్ళారని చెప్పలేదు..  ఇక కిడ్నాపులు ఆపరేషన్ గ్రీన్ హంట్ ను కొంతవరకూ నియంత్రించేందుకు చేస్తున్నవట..సరే! ఎదురుగా పోరాడలేక ఇలా దొంగ దెబ్బ తీస్తున్నారు. ఇది కమ్యూనిస్టులకు కొత్తా కాదూ, ఇదే చివరా కాబోదు..
ఇక్కడ  మన మితృడు రాసిన మరొక విషయం  " ఏ నేరమూ చేయని ఆదివాసులను మావోయిస్ట్ సానుభూతిపరుల పేరుతో వందలాది మందిని జైళ్ళలో కుక్కుతూ వారికి న్యాయ సహాయం అందకుండా చేస్తున్న రాజ్య వికృత రూపాన్ని బట్ట బయలు చేసేందుకు ఇదో ప్రతిఘటనా రూపంగా విప్లవ పార్టీ ఎంచుకున్న మార్గం."
వారికి న్యాయ సహాయం అందకుండా రాజ్యం చేస్తోంది అనేది వీరి ఆరోపణ.. అసలు  మావోయిస్టులు ఈదేశ న్యాయ వ్యవస్థ మీదనే నమ్మకం లేదని తుపాకి గొట్టాన్ని నమ్ముకున్న గుంపు, మళ్ళీ వీళ్ళు న్యాయ సహాయం అందడం లేదని వాదించడం ఏ లాజిక్ కు అందని ఎర్ర లాజిక్.. మరొక విషయం, న్యాయ సహాయం నిజంగా కావాలంటే  తగినంత రెమునరేషన్ ఇస్తే వీళ్ళ కేస్ తీసుకునే లాయర్లే కరువయ్యారా??  డబ్బులు లేవని కహానీలు చెప్పకండి, తుపాకులకు, క్లైమర్ మైన్లకు వచ్చే డబ్బులు న్యాయ సహాయానికి రావా??
ఇదే వ్యాసం లో ఉన్న మరొక వాక్యం "ఇదే సందర్భంలో అమెరికన్ అపవిత్ర కలయికకు పుట్టిన దేశం ఇజ్రాయిల్ వారి వద్ద నుండి అత్యంతాధునిక ఆయుధాలను కొనుగోలు చేస్తూ మానవ రహిత విమానాల ద్వారా ఆదివాసీ ప్రాంతాలపై నిఘాత పాటు దాడులకు పూనుకుంటున్నది రాజ్యం."
అంటే ఇజ్రాయెల్ నుంచీ కాకుండా చైనా, రష్యాల నుంచీ  ఆయుధాలు దిగుమతి చేసుకుని వాటితో కాలిస్తే మావోయిస్టులకు సమ్మగా స్వర్గం లో తేలుస్తున్నట్టు ఉంటుందా??  ఈ వాక్యం ఇజ్రాయెల్ అంటే కమ్యూనిస్టులకు ఉన్న అపరిమిత ద్వేషాన్ని, ఇంకా చెప్పాలంటే అంతర్లీనంగా ఉండే భయాన్ని తెలియచెబుతుంది. ఎవరు ఒప్పుకున్నా ఒప్పుకోకున్నా ఈనాడు ప్రపంచాన్ని శాసిస్తున్న దేశం ఇజ్రాయెల్ మాత్రమే.. ఒకానొక చిన్న దేశం  ఐదు దశాబ్దాల కాలం లో ఇంత బలంగా ఎలా అయ్యింది అనేది ఆలోచించి, ఆ స్పూర్తితో  మనం కూడా అభివృధ్ధి వైపు పయనించాలి.. అంతే కానీ, బాగుపడ్డ ప్రతీవాడినీ demonize చేస్తూ బ్రతకడం  అసమర్థతకు నిదర్శనం..   

ఈ వ్యాసం మొత్తం లో అత్యంత ముఖ్యమైన పాయింట్ ఏమిటంటే "ఇలా రాజ్యం బహుముఖంగా తన దాడిని విస్తరిస్తూ ఉద్యమం మనుగడను ప్రశ్నార్థకంగా మార్చ జూసే క్రమంలో కిడ్నాప్ ఎత్తుగడ మొదలైంది."

Ladies and Gentlemen!
finally a communist confessed that they have become obsolete and they have to do something to stay in the news. అతడు సినిమా లో ఒక డయలాగ్ ఉంది "ఇలానే ఉంటే కొన్ని రోజులకు మీడియా వాళ్ళు ఆ తర్వాత ప్రజలు మనల్ని మర్చిపోతారు" అని, ప్రస్తుతం కమ్యూనిస్టుల పరిస్థితి అలానే ఉంది.  మునుపటిలాగ యువత వీళ్ళను నమ్మడం లేదు.  బ్రాహ్మణ ద్వేషాన్ని/హిందూ ద్వేషాన్ని పైసలుగా  మార్చుకునే రోజులు పోయాయి, యువత తమ సమస్యలకు ఇంకొకరు బాధ్యులు  చేసే ధోరణిని క్రమంగా విడిచి పెడుతున్నారు. ఇది కమ్యూనిస్టుల కు గొడ్డలిపెట్టుగా మారింది.They are just unable to accept this reality and are frustrated. These kidnaps are a clear indication of that frustration.

ఇక వీళ్ళు చెప్పే మరొక పెద్ద జోక్ ఆదీవాసుల హక్కులు, వాళ్ళ జీవనం. ఆదివసులు ఖచ్చితంగా మన సమజాం లో ఒక విశిష్ఠమైన స్థానం కలిగిన వారు, అందులో ఏమాత్రం అనుమానం లేదు. కానీ ఆదివాసుల రక్షణ అంటే తుపాకీ పోరాటం కాదు, ఆదివాసుల రక్షణ అంటే  కమ్యూనిజం కాదు.. ఆదివాసుల రక్షణ అంటే నగరవాసుల చావు అసలే కాదు.

పైన రాసిందంతా నాణేనికి ఒక వైపు మాత్రమే, ఇప్పుడు కిడ్నాపులు తప్పని సరి అయ్యాయి అంటున్నారు  మరి బలిమెల లో నిరాయుధులైన పోలీసులక్ను పాశవికంగా చిత్రహింసలు పెట్టి చంపారు.. మరి అప్పుడు గ్రీన్ హంట్ లేదు కదా కామ్రెడ్స్?? మరి అప్పుడు న్యాయ సహాయం గుర్తు రాలేదా కామ్రెడ్స్?? ఇలాంటి లాజిక్కులు మాట్లాడుతారు కాబట్టే గురివింద గింజ కూడా మిమ్మల్ని చూసి సిగ్గుపడుతుంది.

-కార్తీక్