Showing posts with label ఆవేదన. Show all posts
Showing posts with label ఆవేదన. Show all posts

Facebook నుంచీ కాపీ చేసిన టపా!!! 

8/06/2014 - రాసింది karthik at Wednesday, August 06, 2014
Copied from FB



నోరు విప్పితే ఆంధ్రా వాళ్లపై దాడి. దగా- మోసం- కుట్ర…. ఈ మూడు పదాలు నిత్యం రామ నామ జపంలా జపించి తెలంగాణ ప్రజల్ని నమ్మించి నట్టేట ముంచాడు కేసీఆర్. విభజనకు ముందు నిపుణులు, ఏపీ ముఖ్యమంత్రి గొంతి చించుకుని చెప్పారు తెలంగాణ ఆంధ్రమీద, ఆంధ్ర తెలంగాణ మీద ఆధారపడి ఉంది. ఈ రాష్ట్ర విభజన ఇరు రాష్ట్రాలకు అన్యాయం చేస్తుంది అని నెత్తీనోరు మొత్తుకున్నారు. అయినా వినలేదు. మభ్యపెట్టి… ఏదో ఒకలా ఇచ్చేయండని అన్నారు. ఈరోజు తెలంగాణ పొలాలు ఎండిపోయాయి. ఉత్తర తెలంగాణకు రైస్ బౌల్ అని పేరున్న మెదక్ జిల్లా పొలాలు గొంతెండి చూస్తున్నాయి. అవన్నీ బోరు బావుల పంటలు. కరెంటు ఉంటేనే పంటకు నీరు. దీనికి తోడు వర్షాభావం. దీంతో మెట్టరైతులు పంట వేయలేక అన్యాయం అయిపోతే బోరు బావుల కింద రైతులు పంటలు వేసి కరెంటు కోసం చూసి చూసి అది రాక అన్యాయం అయిపోయారు. హైదరాబాదు నగరానికి రోజుకు ఐదు గంటలు కోతలు పెట్టినా, అన్ని జలాశయాలు నిండుకుండలా మారినా తెలంగాణకు అవసరమైన విద్యుత్తు అందడం లేదు. ఎందుకంటే… ఈ పొలాలన్నీ ఇంతకాలం ఆంధ్రా నుంచి వచ్చే విద్యుత్తుతో పండేవి. ఇపుడు అది వేరే రాష్ట్రం, ఇది వేరే రాష్ట్రం. ఆ రాష్ట్రం తన అవసరాలు చూసుకోవడంతో తెలంగాణ రైతులు అన్యాయం అయిపోయారు.
దీనికి ఎవరు కారణం?

కచ్చితంగా తొలి దోషి టీఆర్ఎస్. ఎన్నికల ముందు అంత ఆఘమేఘాల మీద విభజన చేయాల్సిన అవసరం ఏమొచ్చింది. ఈరోజు రెండు రాష్ట్రాల ప్రజలను నడిరోడ్డున నిలబెట్టాల్సిన పరిస్థితి. తెలంగాణకు కరెంటు ప్రాణం, ఆంధ్రకు రాజధాని ప్రాణం. ఆంధ్రకు రాజధాని పోయి వారు తీవ్రంగా ఆదాయాన్ని కోల్పోయి నష్టపోతే… తెలంగాణలో ఉన్న వ్యవసాయం, పరిశ్రమలు నడపటానికి కీలకమైన కరెంటును నష్టపోయి ఇక్కడి ప్రజలు తీవ్రంగా నష్టపోతున్నారు.
ఇంత ఘోరమైన విభజన చేయకపోతే విభజన కు పార్లమెంటు సాక్షిగా డెడ్ లైన్ పెట్టి మూడేళ్లలో ఇటు కరెంటు ఉత్పత్తిని పెంచి, అటు రాజధానిని నిర్మించి రాష్ట్రాన్ని విడదీసి ఉంటే ఇరు ప్రాంతాల ప్రజలు భరోసాతో జీవించేవారు. రెండు రాష్ట్రాలు క్షేమంగా ఉండేవి. కానీ కాంగ్రెస్, టీఆర్ఎస్ అధికార దాహం ఇరు ప్రాంతాల ప్రజల పాలిట శాపమైంది. హైదరాబాదులో వేలసంఖ్యలో చిన్న, మధ్యతరహా పరిశ్రమలు మూతపడే ప్రమాదం పొంచిఉంది. అక్టోబరు నుంచి నిరంతర కరెంటు సరఫరా ఉండే ఆంధ్రకు ఈ చిన్న పరిశ్రమలు తరలిపోయినా పెద్ద ఆశ్చర్యమే లేదు. ఎందుకంటే వాటిని తరలించడం చాలా సులభం. పైగా వాటికి విద్యుత్తు అత్యంత అవసరం. ఈ నేపథ్యంలో వారికి ఆంధ్ర మెరుగైన ఆప్షన్ అవుతుంది.

ఏ మొహం పెట్టుకుని ఆంధ్రాను అడుగుతారు ?

నిస్సిగ్గుగా, నిర్మొహమాటంగా తన తప్పులను పక్కన పెట్టి ఎదుటి వారిని వేలెత్తిచూపడంలో నోబెల్ అవార్డు అంటూ ఉంటే అది కేసీఆర్ నే వరిస్తుంది. అధికారం కోసం అత్యాస పడిన కేసీఆర్ ఇపుడు కరెంటు ఇవ్వడం చేతకాక చంద్రబాబు తాజాగా ఆగ్రహం వ్యక్తంచేశారు.
వీటీపీఎస్ నుంచి 500 ముద్దనూరు నుంచి 210 మెగావాట్లు విద్యుత్తు రావాల్సి ఉన్నా ఆంధ్రా సీఎం అడ్డుకుంటున్నారని రైతులకు ఆయన చంద్రబాబును చూపిస్తున్నారు. మరి ఇదే బుద్ధి ఫీజు రీఎంబర్స్ మెంటు విషయంలో ఏమైంది. మా పిల్లలకే ఫీజులు ఇస్తాం, మీకేం నొప్పి అని బడాయి చెప్పిన ఆయన అటు ఆంధ్రప్రదేశ్ రాష్ట్రం మాత్రం ఆ ప్రజలకు తన సొంత విద్యుత్తు ఇవ్వడంలో తప్పేముంది. తెలంగాణలో దశాబ్దాలుగా స్థిరపడి ఇక్కడే పుట్టి పెరిగిన వారినే పట్టించుకోనపుడు ఆ రాష్ట్రం తెలంగాణ గురించి ఎందుకు పట్టించుకుంటుంది? ఎందుకు పట్టించుకోవాలి.
విభజన చట్టం ఉల్లంఘించి ఉన్నత విద్యా మండలి పెట్టినపుడు గుర్తురాలేదా అదే చట్టం ఉల్లంఘించి వారు విద్యుత్తు ఆపేయవచ్చని?. ఉమ్మడి రాష్ట్ర జీవోను ఉల్లంఘించి ఆంధ్ర వాహనాలపై పన్ను వేసినపుడు గుర్తురాలేదా… అదే ఉల్లంఘన వారు కూడా చేయగలరని? మా రాష్ట్రం, మా విద్యావిధానం మా ఇష్టం అన్నపుడు గుర్తురాలేదా … వారు కూడా మా రాష్ట్రం మా విద్యుత్తు మా ఇష్టం అంటారని? మాకు కర్ణాటక ఎంతో ఆంధ్రా అంతే అన్నపుడు గుర్తురాలేదా… ఆంధ్రప్రదేశ్ కూడా మాకు కర్ణాటక ఎంతో, తెలంగాణ అంతే అని అనగలదని.
ఇతర రాష్ట్రాల సీఎంలు మాత్రం తమ ప్రజల ప్రయోజనాలు త్యాగం చేసి తెలంగాణకు విద్యుత్తు ఇవ్వాలా? ఎవడు నేర్పిన న్యాయం ఇది! నీ ప్రయోజనాలకు సంబంధించి చట్టం ప్రకారం జరగాలి. ఇతరుల ప్రయోజనాలకు సంబంధించిన విషయాలు అయితే కేసీఆర్ ఇష్టం ప్రకారం జరగాలా? విభజనకు ముందు ఆంధ్రోళ్లను కడుపులో పెట్టుకుని చూసుకుంటాం అన్న మాటలు మరిచిపోయి ఆంధ్రోడు అన్న మూలం ఎక్కడున్నా వేటాడుతున్న కేసీఆర్ కు ఆ ఆంధ్రోడు ఎందుకు విద్యుత్తు ఇవ్వాలి?

(నోట్ : లాఠీ ఛార్జి జరిగితే తెలంగాణ బిడ్డలను రాక్షసంగా అణచివేస్తారా అన్న కేసీఆర్ ఈరోజు కరెంటు అడిగిన పాపానికి మెదక్ జిల్లాలో రైతులపై లాఠీ ఛార్జి చేయించాడు. పదిమంది రైతులకు ఈ సందర్భంగా తీవ్ర గాయాలయ్యాయి. అధికారులు, పోలీసుల తీరుపై రైతులు తిరగబడటంతో రాత్రి పొద్దుపోయాక కేసీఆర్ … దీనికంతటికీ బాబే కారణం అంటూ ఆంధ్ర వైపు వేలెత్తి చూపాడు. ఈ కథనం నేపథ్యం ఇది.)

3 వ్యాఖ్యలు

Labels: ,

సమస్యలు: అటూ, ఇటూ .. 

7/31/2013 - రాసింది karthik at Wednesday, July 31, 2013
చివరకు కేంద్రం తెలంగాణ ప్రకటించింది. ఇప్పటిదాకా తిట్టుకున్న తిట్లన్నీ మర్చిపొయి ఇప్పుడు అందరం సోదరభావంతో ఉందామని ప్రముఖులంతా ప్రకటనిస్తున్నారు.. సరే, సంతోషం!  నేను ఆ విషయం గురించి ఏమీ చెప్పదలుచుకోలేదు. విభజన కరెక్టా, కాదా అనే చర్చ కూడా ఇప్పుడు అప్రస్తుతం. ఎందుకంటే ప్రజలలో మానసికంగా విభజన జరిగి ఒక ఐదారేళ్ళకు పైగానే అయింది. ఒకరు విగ్రహాలు పగులగొట్టినప్పుడు, కవిత్వం పేరుతో బూతు పురాణాలు ప్రచురించినప్పుడు, మరొకరు ఆత్మాహుతి దళం గా మారుతాం అన్నప్పుడే మానసిక విభజన్ ఏ స్థాయిలోఓ ఉందో చూశాం.. 

ఒక సమైక్యవాదిగా సారీ ఇప్పుడు ఈమాటకు విలువ లేదు కదా, సరే ఒక సీమబిడ్డగా ఈ నిర్ణయం వల్ల మా నాకు కనిపిస్తున్న నష్టాలు:

1. హైదరాబాదు నుంచీ సీమాంధ్ర ప్రాంతాలకు బస్సు చార్జీలు పెరగడం. ఎందుకంటే అంతరాష్ట్రాల మధ్య ఉండే టాక్స్ అదనంగా కట్టాలి. ఇది సీమాంధ్రులకు మాత్రమే నష్టం కాదు. అంతకంటే ఘనుడు ఆచంట మల్లన్న అని ఇరు ప్రాంతాల వారూ మొహమాటం లేకుండా ఈ టాక్స్ వేసుకుంటారు.

2. కరెంట్ కష్టాలు అధికమవడం. సీమాంధ్రులకు సింగరేణి బొగ్గు, సాగర్ నుంచీ కరెంట్ రెండు కష్టమే.. ఎందుకంటే తెలంగాణ ప్రాంతానికే ఇవి సరిపోవడం కష్టం. కాబట్టి ఇక సీమాంధ్రులు ఎంచక్కా కరెంట్ తీగలపై బట్టలారేసుకోవచ్చు.

3. రాయలసీమలో, యస్ నా సీమలో తాగడానికి కూడా నీళ్ళు దొరకవు. కరువుసీమలో పుట్టిన పాపానికి సాగు నీళ్ళ గురించి ఆలోచించడం అత్యాసే కానీ ఇప్పుడు తాగు నీరు కూడా కష్టమే. కడప, అనంతపురం జిల్లాలో అతి త్వరలో ఎడారులుగా మారే అవకాశాలు పుష్కలం.

4. ఉద్యోగాలలో ఇబ్బందులు వస్తాయి అని ఒక వాదన. కానీ ఈరోజులలో ప్రభుత్వ ఉద్యోగాలు ఉండేదే చాలా తక్కువ పోను పోను ఇంకా తగ్గిపోతాయి. కాబట్టి ఇది పరిగణలోకి తీసుకోలేము.

ఈ సమస్యలు పక్కన పెడితే ఈ తెలంగాణ ఏర్పాటు వల్ల కనీసం ఈ క్రింద చెప్పిన సమస్యలు తీరినా నేను సంతోషిస్తాను:

1. ఫ్లోరైడ్ సమస్య: మన ప్రభుత్వాల చేతగానితనానికి నిలువెత్తు నిదర్శనంగా నిలుస్తున్న ఈ సమస్య తీరితే అంతే చాలు.
2. ఐ.ఐ.టి. హైదరాబాద్ అంతర్జాతీయ సాంకేతిక కళశాలగా రూపుదిద్దుకోవాలి.
3. హైదరాబాదులో ఉన్న చిన్న చిన్న పరిశ్రమలకు నిరంతరంగా కరెంట్ ఇచ్చి అవి వేరే రాష్ట్రాలకు పోకుండా చూడాలి.
 
తెలంగాణ ఏర్పాటు వల్ల ఈ మాత్రం మేలు జరిగినా ఉద్యమానికి సార్థకత చేకూరినట్లే..


సర్వేజనా సుఖినోభవంతు
-కార్తీక్


1 వ్యాఖ్యలు

Labels: , , ,

దూసుకొచ్చిన కారు; తల్లీ పిల్లలు దుర్మరణం! 

రాసింది karthik at Wednesday, July 31, 2013
న్యూఢిల్లీ, జూలై 30: ఈ రోజు సాయంత్రం ఏడుగంటల ప్రాంతం లో రాజధాని ఢిల్లీ నగరంలో JANPATH10 నంబర్ కల గులాబీ రంగు కారు ఫుట్ పాత్ పైకి దూసుకోపోవడం తో తల్లి, ఆమె పిల్లలు అక్కడిక్కడే అకాల మరణం పొందారు. ఈ దుర్ఘటన పొరపాటున జరిగింది కాదని, యస్.గాంధీ అనే విదేశీ వనిత తన కుమారుడైన రాహువును అందలమెక్కించడానికి చేస్తున్న అనేక ప్రయత్నాలలో ఒకటని అభిజ్ఞ వర్గాల భోగట్టా. ఇంతకు మునుపు ఇదే రాహువు కోసం యస్.గాంధీ బీహారీ చాత్ పూజలు చెయ్యడం, లక్నో కబాబులు తినడం లాంటి ప్రయత్నాలు కూడా చేసింది. అవి రెండూ బెడిసికొట్టడం తో నిస్సహాయురాలైన ఈ మృతురాలిని లక్ష్యం గా చేసుకుని ఈ ఘోరకలికి పాల్పడినట్టు తెలుస్తోంది. ఈ దుర్ఘటనలో ఎలాంటి పొరపాట్లు కాకుండా పిగ్విజయ్ సింగ్, గులాం ఆజాద్నహీ అనే డ్రైవర్ల దగ్గర నుంచీ సలహాలు తీస్కున్నట్టు తెలిసింది. 
మృతురాలి స్వస్థలం గోదావరీ, కృష్ణ పరివాహక ప్రాంతమని తన వాళ్ళందరూ అనాథగా వదిలివేయడంతో ఢిల్లీ రోడ్ల మీద బ్రతుకుతున్నట్టు విశ్వసనీయ సమాచారం. మరణించిన వారి వివరాలు:

 పేరు: తెలుగు తల్లి
పిల్లలు: శాంతి, తేజ

 మరణించిన వారి ఆత్మలకు పుణ్యలోకాలు కలగాలని కోరుకుందాం!

 మరణించిన వారిపై రాసిన పాటను క్రింది వీడియో చూడగలరు:



ఈ విషయం ఈరోజు హిందూ పేపర్లో వచ్చిన ఈ లేఖను ఒకసారి చూద్దాం. 
It looks like political expediency, not development, is behind the formation of a separate Telangana. The Congress is aware that Chief Minister Kiran Kumar Reddy is from Rayalaseema and has never openly backed the demand for Telangana. It is evident that his views were not taken seriously by the party high command which appears to have made up its mind after the BJP’s strident support for the cause.
The Congress will gain nothing from its latest move. It has lost its identity in all three regions of Andhra Pradesh. The party leaders from Telangana cannot hope to perform a magic in the region as the TRS, which has been pursuing the demand since 2001, will gain an upper hand. It may well turn out to be a straight contest between the TRS and the TDP. One thing is certain. Andhra Pradesh is heading for a long phase of uncertainty and violence.
V. Sriharsha,
New Delhi
నిన్ను రక్షించుకోలేకపోయిన దౌర్భాగ్యపు జాతి మాది. క్షమించు తెలుగు తల్లీ, క్షమించు!  

 ఆశ్రునయనాలతో
-కార్తీక్

3 వ్యాఖ్యలు

Labels: , ,

అవినీతి; అన్నా హజారే; నా అభిప్రాయాలు 

8/23/2011 - రాసింది karthik at Tuesday, August 23, 2011
ప్రస్తుతం దేశం లో అవినీతి పై ఎంత చర్చ జరుగుతుందో మనం చూస్తూనే ఉన్నాం.. ఈ చర్చలో ఏదో నాకు తోచిన నా రెండు పైసలు ఇలా రాస్తున్నాను..
స్థూలంగా ఈ అవినీతి పై చర్చకు రెండు పార్శాలు..
1. ఒకటి అసలు ఇండియాలో అవినీతిని ఎలా అంతమొందించాలి??
2. రెండవది అన్నా హజారే చేస్తున్నది సబబేనా??
మొదటి విషయానికి వస్తే, మన ప్రియతమ ప్రధానమంత్రి గారూ తన దగ్గర మంత్రదండేమేదీ లేదని, పరిష్కారం కుదరదనీ, తానూ నిమిత్త మాత్రుణ్ణనీ, సెలవిచ్చారు.. ఒక పాత కథలో ఎవరో ఒక పండితుడు కాశీకి పొయ్యి పెద్ద చదువులు చదివి తన సొంత బాష మరిచిపోయాడట, (ఆయనకు తిరిగి తన బాషా జ్ఞానం కలిగించడానికి గాడిదతో తన్నించాల్సి వచ్చిందట.. ఆ కథ మనకెందుకులేండి వదిలేయండి.. మళ్ళీ పెటా సభ్యులు గానీ చూస్తే ఇబ్బంది)  అలా ఉంది మన సింగు గారు చెప్పిన విషయం.. ఇక నా విషయానికి వస్తే, నేను ప్రధానమంత్రినీ కానూ , ఆర్థిక శాస్త్రం అసలు చదువుకోలేదు, హార్వార్డ్ డిగ్రీలు అంతకుముందే లేవు.. కనుక ఎంచక్కా నా ఆలోచనలు రాసేస్తున్నాను.. (మరే నా బ్లాగుకు నేనే సుమన్ :)) .. అవినీతి అనే కాక ఏ విషయం అయినా వ్యక్తి స్థాయిలో మార్పు రాకుండా సమాజం మారాలని ఆశించడం అర్థ రహితం.. ఈ వాదన నేను 100% ఒప్పుకుంటా, కానీ వ్యక్తి స్థాయిలో మార్పు రాలేదు కాబట్టి వ్యవస్థ అలానే ఉండాలని అనుకోవడం ఇంకా ఘోరం.. ఇక వ్యక్తి స్థాయిలో మార్పు అంటామా, అది రావడానికి మన సమాజం పరిస్థితులు ఎలా ఉన్నాయి??  మన విద్యా వ్యవస్థ పతనావస్థ లో ఉంది.. మన విద్యా సంస్థల నుంచీ సాఫ్ట్ వేర్ నిపుణులు, రీసెర్చ్ స్కాలర్స్ వస్తున్నారేమో కానీ సమాజిక బాధ్యత తెలిసిన వాళ్ళు ఎంతమంది ఉన్నారు??  సామాజిక బాధ్యత వరకూ ఎందుకు మన సొంత మనుషుల పట్ల ఎంతమాత్రం బాధ్యతతో ఉన్నాం?? ప్రతీ వందమందిలో నలభై మంది మహిళలు గృహ హింస బారీన పడుతున్నారు (This number might be over rated but 20-25% looks reasonable to me).. ఆడపిల్ల గడపదాటితే ఎవడు ఆసిడ్ పోస్తాడో అని జనాలు భయపడుతున్నారు.. ఇక తల్లి దండ్రులు గురువుల కు మనం చూపిస్తున్న గౌరవం గురించి ఎంత తక్కువ చెప్పుకుంటే అంత మంచిది.. ఒక తండ్రీ/గురువు కామెడీ క్యారెక్టర్ కానీ సినిమా వచ్చి ఎన్ని రోజులయింది??  ఇన్ని రుగ్మతలతో ఉన్న ఈ తరాన్నుంచీ అవినీతిని కాక ఇంక ఏమాశించగలం??జవాబు కష్టంగా ఉంది కదూ.. శ్రమ ఎందుకు లేండీ, వదిలేయండి!!
ఒక 3-4 సంవత్సరాల క్రింద మాట, ఒక ప్రఖ్యాత సంస్థ నుంచీ విఖ్యాత కోర్స్ చదివి ఫైనల్ సెమిస్టర్ లో ప్లేస్మెంట్ జరగలేదని ఒక అమ్మాయి ఆత్మహత్య చేసుకుంది.. మూడు రోజుల పాటూ శవం సీలింగ్ ఫ్యానుకు వేలాడుతూ ఉంది.. అంటే మూడు రోజులుగా తమ తోటి విద్యార్థిని మెస్ కు రాలేదు, క్లాసులకు రాలేదు అన్న సృహ కూడా ఎవరికీ కలగలేదు.. ఇంతకంటే ఏం చెప్పాలండీ మన సామాజిక బాధ్యత గురించి??  బాధగా ఉంది కదూ, సరే అయితే వదిలేయండి.    
ఒక రెండు నెలల క్రితం మా నాన్న గారూ ఆంధ్రప్రదేశ్ రాష్ట్ర రోడ్డు రవాణా సంస్థ నుంచీ పదవీ విరమణ చేశారు. ఆయన పదవీ విరమణ చేసిన రోజు జరిగిన కార్యక్రమం లో దాదాపు 200 మంది పాల్గొన్నారు.. 1987 లో మా నాన్న తో కలిసి పని చేసిన వాళ్ళు కూడా ఆ రోజు అక్కడికి వచ్చారు.. సో కాల్డ్ MNC ఉద్యోగులూ, ఒక్కసారి ఆలోచించండి మనం పదవీ విరమణ అంటూ చేస్తే (మనకు అంత అదృష్టం కూడానా, పింక్ స్లిప్పులు రాకుంటే అదే చాలు!!) .. ఆ రోజు మనకు Best Wishes అని చెప్పడానికి ఎంతమందికి తీరిక ఉంటుందంటారు?? పోనీ మన పాత టీముల్లో కలిసి పని చేసిన వాళ్ళలో ఎంత మందితో మనం ఫేస్ బుక్ హలో లు కాక మనస్పూర్తిగా బాగున్నావా అని అడిగాము??  మరీ పర్సనల్ గా ఉంది కదూ సరే అయితే ఇది కూడా వదిలేయండి.
ఒక జాతిగా మనం ఎంతగా దిగజారామో మన రాజకీయ నాయకులు కూడా అలానే ఒక్కో మెట్టూ పైకెక్కుతూ మనకు అందని స్టేజికి చేరుకున్నారు. యథప్రజా తథా రాజా.. ప్రజస్వామ్యం కదా అందుకని సామెత కూడా మారింది.  

ఇక ఈ చర్చ లో రెండవ విషయానికి వద్దాం " అన్నా హజారే చేస్తున్నది సబబేనా?? " లోక్ పాల్ తో అద్భుతాలు జరిగిపోవు, ఇప్పుడు ఉద్యమం చేస్తున్న వాళ్ళల్లో ఎంతమంది లంచాలివ్వకుండా పనులు చేసుకుంటున్నారు అనేది ఒక ప్రశ్న.  నిజమే వాళ్ళల్లో చాలామంది లంచాలిచ్చి అవసరానికి తమ పనులు జరిపించుకుంటూ ఉండవచ్చు కానీ అది వాళ్ళు కావాలని చేస్తున్నారా లేక వాళ్ళ నిస్సహయత అలా చేయిస్తోందా అనేది చూడాలి..  ప్రతీ ఒక్కరికీ లంచాలివ్వకుండా తట్టుకుని నిలబడే స్థోమత/పరపతి/ధైర్యం ఉండాలి కదా.. లంచం ఇవ్వకపోతే అంతులేని జాప్యాలు అర్థం లేని తిరస్కరణలు.. బ్రతుకు భారం తో కృశించిపోతున్న సగటు మనిషి మరింత భారం మోసే పరిస్థితుల్లో లేడు కదా.. దాని ఫలితమే ఈ అవినీతి!! ఈ అవినీతిని ప్రశ్నించే హక్కు ప్రజలకు లేదంటారా?? ఏమో నాకైతే తెలియదు. కానీ నాకు ఒక్క విషయం మాత్రం ఖచ్చితంగా తెలుసు, నీతి నిజాయితీలు కలిగిన వాళ్ళు మన సమాజం లో ఇంకా ఉన్నారు. వాళ్ళను సమర్థించే వాళ్ళూ ఇంకా ఉన్నారు. వాళ్ళ గురించి ఎవరికీ పెద్దగా తెలియదు ఎందుకంటే వాళ్ళు సినిమా స్టార్లు కాదు, క్రికెటర్లు అసలు కాదు.. మేతావులు అసలే కాదు(అథోగతి రాయ్ గురించి అనుకుంటున్నారా?అయితే మీకు 120 మార్కులు).. వాళ్ళంతా ఊరూ పేరూ లేని Stupid Common Indians.. బాబా రాందేవ్ వెంట అంతమంది నడిచినా, అన్నా హజారే యూత్ ఐకాన్ గా మారినా ఇదంతా వాళ్ళ పుణ్యమే!!


నావరకూ ఫ్రీడం పార్క్ కు వెళ్ళిన రెండు సార్లు చాలా ఆత్మ సంతృప్తి తో ఇంటికి వచ్చాను. ఈ దేశానికి ఇంకా భవిష్యత్తు ఉంది అని నాకు నమ్మకం కలిగించిన ఉద్యమం ఇది.
జై హింద్!!! 


ఈ టపా రాయడానికి ప్రేరణనిచ్చిన టపాలలో కొన్ని:



4 వ్యాఖ్యలు

Labels: ,

సోదరులారా!! ఒక విన్నపం 

3/11/2011 - రాసింది karthik at Friday, March 11, 2011
ముందుగా, మీ సమయం వెచ్చించి నా బ్లాగుకు వచ్చినందుకు శిరస్సు  వంచి నమస్కరిస్తున్నాను..

ముందుగా ఒక చిన్న చందమామ కథ చెబుతాను శ్రమ అనుకోకుండా చదవండి..

ఒకానొక కాలం లో బోధిసత్వుడు కాశీ రాజుగా జన్మించాడు.. ఆయన ఒకరొజు తన రథం లో విహరిస్తుండగా ఒకానొక ఇరుకైన మార్గం లో రథం పోవలసి వచ్చింది.. ఆ మార్గం లో సగం దూరం వెళ్ళాక మరొక వైపు నుంచీ  మరొక రథం వచ్చి ఎదురుగా నిల్చింది.. ఇరుకైన ఆ మార్గం లో ఎవరో ఒక రథం వారు వెనక్కు మళ్ళితే తప్ప మరొకరు ముందుకు పోవడం కుదరదు.. ఇంతలో అటు వైపు రథ సారథి ఆ రథం లో ఉండేది మరొక దేశం యొక్క రాజని అందువల్ల బోధిసత్వుని రథం వెనక్కు మళ్ళించమని చెప్పాడు.. బోధిసత్వుని రథసారథి కూడా ఈ రథం లో ఉండేది కాశీరాజని కనుక ఆ రథాన్ని వెనక్కు మళ్ళించడం కుదరదని జవాబిచ్చాడు.. ఇలా మొదలైన సంవాదం వివాదం లా మారి మా రాజ్యం గొప్ప అంటే మా రాజ్యం గొప్ప అనే స్థాయికి చేరింది.. అందులోను ఎవరి వాదన పైచేయి  కాలేదు కనుక మా రాజు గొప్ప అంటే మా రాజు గొప్ప అనే వాదన మొదలింది.. ఆ సందర్భం లో ఆ రథసారథి తమ రాజు భృత్యులను రక్షిస్తాడని ప్రేమించేవారిని అభిమానిస్తాడని ద్వెషించేవారిని శిక్షిస్తాడని చెబుతాడు.. అది విన్న కాశీ రథ సారథి తమ రాజు భృత్యులను ఆదరిస్తాడని ద్వేషించిన వారిని ప్రేమతో జయిస్తాడని చెబుతాడు.. ఈమాట విన్న వెంటనే మరొక రథం లో ఉండే రాజు బోధిసత్వుని దగ్గరకు వచ్చి ఆయన గొప్పతనానికి శిరస్సు వంచి తన గురువుగా ఉండమని వేడుకుంటాడు..(ఆఖరి సంభాషణ పద్యాలలో జరుగుతుంది.. ఆ పద్యాలు చాలా బాగుంటాయి.. కానీ నేను మరిచిపోయాను)

ఈ కథ చెప్పడానికి కారణం ఈరోజు జరిగిన దుస్సంఘటన అని వేరే చెప్పక్కర్లేదు కదా!! ప్రస్తుతం మన రాష్ట్రం లో కూడా సీమాంధ్ర-తెలంగాణ అనే రెండు రథాలు  ఒకే మార్గం దగ్గర నిలిచిపోయాయి.. ఈ రోజు జరిగిన దాన్ని గుణపాఠం గా తీసుకుని ఇకనైనా ఈ ద్వేష ప్రచారాన్ని ఆపుదాం.. ఈ విషయం నేను తెలంగాణా మితృలకు చెబితే వాళ్ళు అర్థం చేసుకోకపోవచ్చు.. కనీసం సీమాంధ్ర సోదర/సోదరీమణులన్నా జరిగినది ఒక పీడకలగా భావించి ఎటునుంచి ఏం జరిగినా మన మనస్సులో ద్వేషమనే భావనకు ఆస్కారం ఇవ్వకుండా తెలంగాణ సోదరులను ఆదరించాలని విజ్ఞప్తి చేస్తున్నాను.. మితృలారా! ద్వేషాన్ని జయించగల ఏకైక ఆయుధం ప్రేమ/అభిమానం మాత్రమే.. తెలంగాణ ప్రజలు మనల్ని ఈరోజు ద్వేషించచ్చు మనకు గురుతుల్యులైన వాళ్ళ విగ్రహాలు ధ్వంసం చేసి ఉండచ్చు కానీ మనం మాత్రం వారిని మునుపుకంటే ఎక్కువ ఆదరం తో చూద్దాం.. ఎందుకంటే, the need of the hour is not winning enemies but enemity..

జరిగినదానికి మొత్తం బాధ్యత తెలంగాణ వాళ్ళదే అని, మాకు ఏం సంభందం లేదని అనుకోవడం ప్రస్తుత పరిస్థితులలో కుదరదు.. ఇది మన కోసం మన భవిష్యత్ తరాల కోసం చేయాల్సిన గురుతర బాధ్యత.. మండుతున్న తెలంగాణ ను క్రోధం తో కప్పెట్టేదానికంటే అభిమానం తో చల్లార్చాలి.. వాళ్ళు తాలిబన్ పనులు చేశారని మనం అమెరికా లా దమనకాండకు దిగడం ఎంతవరకూ సబబు??   కనుక జరిగిన దానికి తెలంగాణ వారి పై కోపాన్ని ప్రదర్శించక ప్రేమ/అభిమానం తో వాళ్ళను  అర్థం చేసుకోండి.. ఈరోజు కాకపోయినా రేపైనా మన జాతి ఉమ్మడిగా నిలబడాలంటే ఇది మన తక్షణ కర్తవ్యం.. శాంతం  సముద్రం కంటే గొప్పది సోదరా!
ఇది చాలా కష్టమైన పని అని తీసిపారేయకండి, ఈ దేశం లో హిందువులు ముస్లింలు కలిసి బ్రతుకుతున్నప్పుడు తెలంగాణ-సీమాంధ్ర ప్రజలు ఎందుకు బ్రతకలేరు?? ఔరంజేబు కాలం లో బ్రాహ్మణులను చంపి వారి జంధ్యాలతో నీళ్ళు కాచుకుని ఔరంగజేబ్ స్నానం చేసేవాడట.. అలాంటిది ఈ రోజు మనం ఒక ముస్లిం ను భారత రాష్ట్ర పతిగా చేశాం.. అలాంటప్పుడు తెలుగు వారందరూ పరస్పర ద్వేషాన్ని ఎందుకు జయించలేరు?? కానీ ఎవరు మొదటి అడుగు వేస్తారనేదే అసలు ప్రశ్న?? ప్రస్తుతం ఉన్న పరిస్థితిలో సీమాంధ్ర ప్రజలే ఈ శాంతిస్థాపనకు పూనుకోవాలి.. కనుక నా వంతుగా "తెలబాన్లు" అనే పదాన్ని బ్లాగుల్లో మనం త్యజించాలని అందరికీ విజ్ఞప్తి చేస్తున్నా..
 నేను ఈ క్రింద ఇచ్చిన సందేశాన్ని నా తెలంగాణ సోదరులందరికీ పంపుతున్నాను.. మీ అందరినీ కూడా మీకు తెలిసిన అందరు తెలంగాణ వాస్తవ్యులకు, విదేశాలలో ఉండే తెలంగాణ సోదరులకు పంపమని మనవి చేస్తున్నాను.. 

Dear Telangana friend,

Today's incident at Tankbund have immensely hurt my sentiments as I have an emotional attachment with those statues..this is completely unexpected and uncalled for.. Words like horriible, miserable will not suffice to explain the agony I'm going through.. Having said that, I still respect brotherhood that we share and promise you all my support in the hour of any need.. All I want to convey is few sweet  words, which goes like "I BELONG TO YOU"

Hugs and wishes,

urs ever,
-Karthik

నేను చెబుతున్న ఈ విషయం చాలామందికి ఒక అర్థం లేని పనిగా అనిపించవచ్చు.. కానీ మిత్రమా, మానవ మనుగడకు పరస్పర అనుభందం కంటే పెద్ద కారణం లేదని విజ్ఞులైన పాఠకులకు చెప్పాల్సిన పనిలేదనుకుంటా.. ఒక్కసారి మన పొరుగుదేశం లో ఏం జరుగుతుందో చూడండి, ప్రతీ రోజు ఒక బాంబు దాడి, పదులలో ప్రజలు దుర్మరణం..  అర్థం లేని ద్వేషం తో ఒక సమాజం ఎలా కుదేలైపోతుంది అనేదానికి అంత కంటే పెద్ద ఉదాహరణ అవసరమా??? గత దశాబ్దంగా జరుగుతున్న ఈ విషపర్వానికి స్వస్తి వాచకం పలుకుదాం.. లేకుంటే మరొక 20ఏళ్ళ తర్వాత మనం కూడా మరో పాకిస్తాన్ లా మారుతాం అనే దాన్లో నాకు ఎటువంటి సందేహం లేదు.. బయటకు వెళ్ళిన మీ పిల్లలు ఇంటికి తిరిగివస్తారనే నమ్మకం లేని రోజులను మీరు చూడాలనుకుంటున్నారా?? ఎన్నాళ్ళీ ద్వేషపాశం?? ఎంత కాలం ఈ వీధిపోరాటాలు???

పరమేశ్వర కృపా కటాక్ష సిద్దిరస్తు,
సర్వేజనా సుఖినోభవంతు
-కార్తీక్

4 వ్యాఖ్యలు

Labels:

కమ్యూనిజం అంటే??? 

12/01/2010 - రాసింది karthik at Wednesday, December 01, 2010


కమ్యూనిజం గురించి తెలుసుకోవాలంటే...


 మసకబారిన మానవత్వానికి మూగసాక్షిగా నిలిచిన తియోన్మెన్ స్క్వేర్ ను అడుగు..
ఖ్మేర్ రోగం తో కుప్పకూలిన సగటు కంబోడియా పౌరుడినడుగు..
అనువుగాని చోట అధికులమని ఆఫ్ఘన్ లో ఆశపడ్డ రష్యానడుగు..
ఇంకా తెలియలేదా కామ్రేడ్??

టిబెట్ పౌరల మృత్యుహేళి కమ్యూనిజం..
కోరియా విస్పోటనం కమ్యూనిజం..
బీటలు వారిన జర్మన్ గోడ కమ్యూనిజం.. 

ఇక మన బ్లాగు కామ్రేడ్లు చేస్తున్న గోబెల్స్ ప్రచారాన్ని చూద్దాం:
కమ్యూనిజం అంటే శాంతి సామరస్యలతో కూడిన సమ సమాజం నిర్మాణం. దాని భావం అదే.

ROFL.. ప్రపంచం లో ఎక్కడైనా కమ్యూనిస్టులు అధికారం లో ఉండి ప్రశాంతంగా ఉన్న రాజ్యాలు ఉన్నాయా?? చైనా నుంచీ అల్బేనియా వరకూ కమ్యూనిజం దెబ్బకు కుదేలవని సమాజం ఎక్కడైనా ఉందా కామ్రెడ్స్??
పాపం, ఆ కంబోడియా అంత చిన్న దేశం లో మూడేళ్ళలో తమరి కామ్రెడ్స్ దాదాపుగా రెండు మిలియన్ల ప్రజలను లేపేశారట (అంటే ఆ దేశ జనాభాలో అక్షరాలా 21% హాం ఫట్!).. ఇక స్టాలిన్ గురించి ఎంత తక్కువ మాట్లడుకుంటే అంతమంచిది.. బ్రాందీ సీసాల మధ్య సోడా బాటిల్లా  ఉన్న క్యూబా మాత్రమే కొంతవరకూ మినహాయింపు..అక్కడ కూడా లోపల ఏం జరుగుతోంది అనే విషయం ఎవరికీ తెలియదు.. కనుక కామెంటు చెయ్యలేం..  క్యాస్ట్రో నాయకత్వ పటిమ వల్ల మనుగడ సాగిస్తున్నారని నా అభిప్రాయం..

NEXT:
ఈ లాభాలు గుట్టల్లా పేరుకుపోయి ఆ శ్రామికుల డబ్బును సొంతం చేసుకుంటాడు. అదే పెట్టుబడి మోసమంటే.
మరి ఆ పెట్టుబడి మోసమైతే రతన్ టాటాను బెంగాల్ లో పెట్టుబడి పెట్టమని బుద్దదేవ్ గారు అంత కిందా మీదా ఎందుకు పడ్డారు?? ఆ మాత్రం కార్ల ఫ్యాక్టరీ బెంగాల్ గవర్నమేంట్ చేత పెట్టించలేకపోయారా??
పెట్టుబడి అంతే కేవలం డబ్బు మాత్రమే కాదు కామ్రెడ్స్.. ఒక వ్యక్తి/బృందం యొక్క ఆలోచనలు/పని తత్వం కూడా.. ఆ ఆలోచనలతో నలుగురికి ఉపాధి కల్పించి వారి కడుపు నింపడం ఏ రకంగానూ తప్పు కాదు.. ఇక వీళ్ళ లాజిక్ ప్రకారం అది కడుపు నింపడం కాదు కడుపు కొట్టడం అంటే అసలు ఆ ఫ్యాక్టరీయే లేకపోతే ఉపాధి ఎక్కడి నుంచీ వస్తుంది?? ఒక విషయం వినండి కామ్రేడ్స్, మీ దృష్టిలో పెట్టుబడిదారులుగా, మీ వర్ణనలలో దోపిడీదారులుగా ఉన్న టాటా కుటుంబం తమ లాభాలలో 2/3 వంతులు సమాజం కోసం ఖర్చుపెడుతుంది..

NEXT..

ఆ తర్వాత కంపెనీ అరాచకాలను అడుగడుగునా ఎదురు నిల్చి ప్రాణాలను తృణప్రాయంగా భావించి ఉరికంభమెక్కిన భగత్‌సింగ్‌ కమ్యూనిస్టుగాక మరెవరు. అంతేనా నైజాం అరాచకాలను..తెలంగాణా దొర వ్యవస్థను..రజాకార్లను తరిమితరిమి నీళ్లుతాగించిన తెలంగాణా రైతాంగ సాయుధ పోరాటానికి నేతృత్వం వహించింది కూడా కమ్యూనిస్టేలే.
ఈ విషయం లో నేను చాలావరకూ ఏకీభవిస్తాను.. రజాకార్ల ఉద్యమంలో కమ్యూనిష్టుల పాత్ర ఎంతో ఘనమైనది. దానికి ఆ యోధులకు శిరసు వంచి లాల్ సలాం! కానీ ఆ ఉద్యమం కేవలం వారిది మాత్రమే అనడం కరెక్ట్ కాదు.. ఎందుకంటే ఒక వైపు కమ్యూనిష్టులు ఎంతగా పోరాడారో మరో వైపు ఆర్యసమాజ్ కార్యకర్తలు కూడా ఎంతో శ్రమలకోర్చి ప్రజలలో చైతన్యాన్ని తీసుకువచ్చారు.. ఒక రకంగా చెప్పాలంటే రజాకార్ ఉద్యమానికి కమ్యూనిష్టులు, ఆర్యసమాజ్ రెండు కళ్ళ లాంటి వారు.. అందుకు మన తరాలు వాళ్ళకు ఎంతగానో రుణపడి ఉన్నాయి..


ఇక 2జీ కుంభకోణాం గురించి, కమ్యూనిష్టులు మాత్రం నీతి నిజాయితీలు కలిగే ఉంటారన్న గ్యారంటీ ఏమిటి?? దేశాలకు దేశలు దోచుకున్న కమ్యూనిష్టు నేతలు ఉన్నారు.. మనిషిలోని అలివి కానీ స్వార్థానికి కమ్యూనిజమైనా ఏ ఇజమైనా తలవంచాల్సిందే, కనుక అవినీతి రహిత సమాజాన్ని నిర్మించాలంటే మార్పు అనేది వ్యక్తి స్థాయిలో మొదలై సమాజం స్థాయికి చేరాలి, అంతే తప్ప కమ్యూనిష్ట్లుగా మారండి నీతిమంతులు అయిపోండి అనడం మత మార్పిడుల వంటిదే.. అక్కడ దేవుడిని చూపిస్తారు ఇక్కడ ఇజాన్ని చూపిస్తారు అంతే తేడా!!


ఇక అతి కామెడీ విషయం ఒకటుంది.. ఎంత మంది గమనించారో తెలీదు.. కానీ ఈ రెండు వాక్యాలు చూడండి..
ఇది మూడవ లైనులో రాశారు..
మన దేశంలో మావోయిస్టులు పేరిట చలామణి అవుతున్నవారు ఒకరకంగా చెప్పాలంటే ఉగ్రవాదులు. తీవ్రవాదులు. వీరు..కమ్యూనిస్టులు ఒకటి కాదు. వీరికీ..కమ్యూనిస్టులకు అసలు పొంతన లేదు.
 పదమూడవ లైనులో ఇది రాశారు..

  ఇక మన మావోయిస్టుల గురించి చెప్పాలంటే వారు దారితప్పిన కమ్యునిస్టు సోదరులు అని చెప్పవచ్చు.



ROFL..

పట్టుమని పది లైన్ల పాటూ ఒకే మాట మీద నిలబడలేని మిమ్మల్ని చూస్తుంటే జాలేస్తోంది కామ్రెడ్స్.. ఇప్పటి వరకూ కమ్యూనిష్టులు ఎందుకు సగటు మనిషికి దూరంగా ఉన్నారో తెలుసుకోవడానికి ఇంతకంటే మంచి ఉదాహరణ అవసరం లేదేమో!!

-ఇంద్రకంటి కార్తికేయ

Few References for further reading:

http://en.wikipedia.org/wiki/Tiananmen_Square_protests_of_1989

http://en.wikipedia.org/wiki/Khmer_Rouge

http://en.wikipedia.org/wiki/Soviet_war_in_Afghanistan

8 వ్యాఖ్యలు

Labels: , , ,

పెన్ టెర్రరిజం-1 

7/04/2010 - రాసింది karthik at Sunday, July 04, 2010
సాధారణంగా ఇలాంటి టపాలు రాయటం నాకంత ఇష్టం ఉండదు. కానీ రోజు రోజుకూ సమాజం లో ఈ పీడ ఎక్కువైపోతోంది అందుకే రాయాల్సివస్తోంది. మూడు సంఘటనలను చూద్దాం:

ఆర్ట్ ఆఫ్ లివింగ్ భూమి గురించి గొడవ:
రెండు రోజుల క్రితం ఎన్.డి.టి.వి. లో ఆర్ట్ ఆఫ్ లివింగ్ వారు ఒక ఎన్.ఆర్.ఐ. భూమి కబ్జా చేశారని ఒక వార్త ప్రసారం చేశారు. దాని గురించి ఒక రెండు రోజుల పాటు వాళ్ళ సైట్ లో ఒక చిన్న సెక్షన్ కూడా పెట్టారు. ఆ లంకెను ఇక్కడ నొక్క గలరు.
దాని సారాంశం ఇది:
ఆర్ట్ ఆఫ్ లివింగ్ సంస్థ బెదిరింపులు వస్తున్నాయని కేసు పెట్టిన తరువాత పాల్ అనే ఒక ప్రవాస భారతీయుడు ఆర్ట్ ఆఫ్ లివింగ్ సంస్థ తన భూమిని కబ్జా చేసిందని ఆరోపించాడు. మోహన్ అనే రైతు నుంచీ సదరు పాల్ భూమి ని కొన్నారు. కాని లీగల్ ఫార్మాలిటీస్(తెలుగు పదం??) పూర్తి చేసే లోపు మోహన్ చనిపోయారు. దాని గురించి కోర్టులో కేస్ నడుస్తోంది. ఇంతలో ఆ రైతు కొడుకు ఆ భూమిని ఆర్ట్ ఆఫ్ లివింగ్ సంస్థకు ఇచ్చాడు. శ్రీశ్రీ రవిశంకర్ ఈ వ్యవహారం సెటిల్ చేద్దామని రెండేళ్ళ క్రితం చెప్పారు కాని ఇప్పుడు ఆ భూమిని మర్చిపొమ్మంటున్నారు అని ఆ ప్రవాస భారతీయుని ఆరోపణ. ఇప్పుడు ఈ విషయంగా ఆ భూమి గురించిన వ్యవహారం సెటిల్ చెయ్యమని ఈ ప్రవాస భారతీయుడు అగ్ని శ్రీధర్ అనే జర్నలిస్ట్ గా మారిన రౌడీ ని అడిగాడట. (మక్కీ కి మక్కీ అనువదించటానికి ప్రయత్నిస్తున్నాను అర్థం అయ్యింది కదా!).. ఇదే వ్యక్తి బెదిరింపులకు దిగుతున్నాడని ఆర్ట్ ఆఫ్ లివింగ్ సంస్థ కేసు పెట్టింది.

ఇప్పుడు కొన్ని విషయాలు ఆలోచిద్దాం:
1. భూ కబ్జా అంటే భూమి కొనుక్కోవడమా?? ఆ రైతు కొడుకు ఆ భూమిని అమ్మేస్తే దానికి కబ్జా అనడం ఎంత వరకూ సబబు??
2. 12 సంవత్సరాల క్రితం కొన్న భూమిని 2007 లో ఆర్ట్ ఆఫ్ లివింగ్ సంస్థకు ఇచ్చారు. ఈ మధ్య కాలంలో సదరు ప్రవాస భారతీయుడు సెటిల్చేసుకోవడానికి ఎందుకు ప్రయత్నించలేదు??
3. అసలు కబ్జా అన్న పదం ఈ విషయం లో ఎంతవరకూ కరెక్ట్??
ఇవన్నీ పక్కన పెడితే అసలు సెటిల్ చెయ్యమని జర్నలిస్టును అడగటం ఏమిటి? ఆ జర్నలిస్టేమన్నా ఒక పెద్దమనిషా?? ఇప్పటి వరకూ రౌడిలు ముదిరి రాజకీయ నాయకులు అవుతారు అనుకున్నాను.. కానీ ఇకనుంచీ గూండాలు ముదిరి జర్నలిస్టులు అవుతారని అనుకోవాలేమో..

26/11, రతన్ టాటా సహాయం:
26/11 గురించీ మళ్ళీ సెపరేటుగా చెప్పకర్లేదు. అది జరిగిన తరువాత రతన్ టాటా తన సంస్థ ఉద్యోగులను, ఆ చుట్టు ప్రక్కల ప్రజల్ను ఎలా ఆదుకున్నాడో ఎవరికైనా తెలుసా?? ఆ వివరాల మెయిల్ నాకు ఫార్వర్డ్ గా వచ్చింది. అది మొత్తం అలాగే పెడితే ఈ టపా చాలా పెద్దదైపోతుందని నా ఇంగ్లీష్ బ్లాగ్ లో పెట్టాను.. దాని కోసం ఇక్కడ చూడండి.
ఇంత చేసిన రతన్ టాటా గురించి మన మీడియాలో ఒక్క వార్త కూడా రాలేదు.. యస్పీ గారి కుక్క తప్పి పోయింది, మినిష్టర్ గారి పిల్లి చచ్చిపోయింది లాంటి వార్తల కంటే ఇది తీసిపోయిందా?? ( నేను స్వతహాగా టాటాల అభిమానిని నాదృష్టిలో జాతిపితగా గాంధీ కంటే జమ్షడ్జీ టాటా ను పెట్టాల్సింది అని నా అభిప్రాయం. ప్రస్తుతం ఆ చర్చ ఇక్కడ వద్దు.)

యెం.యెఫ్.హుసేన్ జలుబు - ది హిందు పత్రిక తుమ్ములు:
యెం యెఫ్ హుసేన్ కతార్ పోతానంటే ది హిందు పత్రిక యాజమాన్యం చొంగ కార్చుడు చేష్టలు చూశి ఒళ్ళు మండి వాళ్ళకు ఒక మెయిల్ చేశాను. అది కనీసం వాళ్ళ రీడర్స్ ఒపీనియన్ లో వెయ్యను కూడా లేదు. ముందు నా మెయిల్ చూడండి :
Dear Sir,

This is in response to the article by Mr. N. Ram about M.F. Husain. I request you to publish this in the reader's response section.

I fail to understand how Husain's episode is a sorriest chapter in independent secular India. In a country like India where religion is a sensitive issue he should not have gone to hurt others' sentiments. The claim that he loves his country of birth never looked convincing. If he is so keen to be in India then he should learn to respect his fellow Indian's sentiments.

"He breathes the spirit of modernity, progress and tolerance": Does modernity mean offending others?? Does progress mean spoiling harmony by paintings?? And any high school going child can say tolerance never mean "Attacking others". I wonder why The Hindu is so keen in making a issue out of this trivial happening.

Overall the article stands as a new low touched by The Hindu

My Address:

Karthikeya Indrakanti

ఇక్కడ నేను చెప్పేది వాళ్ళు నా మెయిల్ వెయ్యలేదని కాదు. అసలు ఆ ముసలి నక్కను విమర్సిస్తూ ఒక్క అభిప్రాయం కూడా ప్రచురించలేదు. ఇది దిగజారుడు జర్నలిజం. ప్రజల నాడిని అలాగే చూపించడం పత్రికల ధర్మం (పిల్లల గురించి, దేశ రహస్యాలను గురించి కొన్ని మినహాయింపులు ఉన్నాయి). మరీ దేశం మొత్తం ఆ నక్కను గురించి బాధపడుతున్నారని చూపించడం పైత్యం కాక మరేమిటి??
if The Hindu mgt declares itself as a money making organization what they did is fine. but doing these kind of things they dont deserve to talk about things like "Freedom of speech, liberty etc etc"


ఇప్పుడు మరొక సంఘటన చెబుతాను:
2006లో నేను కులదీప్ నయ్యర్ గారిని మా కేంపస్ లో కలిశాను. అపుడు నేను రెండు ప్రశ్నలు అడిగాను:
1. న్యాయ వ్యవస్థ మీద ప్రజలకు నమ్మకం కలిగించడం ఎలా?
2. పత్రికలలో వచ్చేది నిజమని ఎలా నమ్మడం?
ఆయన సమాధానం: " నాకూ తెలీదు, నా మితృలలో కొందరు ప్రెస్ మీట్ కు హాజరయ్యి సరిగ్గా నోట్స్ కూడా రాసుకోరు. ఆ కాఫీ, బిస్కేట్లు ముగించి వాళ్ళకు బుద్ది పుట్టింది ఏదో ఒకటి రాస్తుంటారు" (ఆయన చెప్పిన భావం ఇదే, అనువదింపు దోషాలు గట్రా ఉండొచ్చు)

కొసమెరుపు: మా బంధువులలో ఒక వ్యక్తి మునుపు కేబుల్ టీవీ వ్యాపారం చేసేవాడు ఇప్పుడు జర్నలిస్టుగా మారి మునుపటికంటే ఎక్కువే సంపాదిస్తున్నాడు. ఖర్చులు చాలా తగ్గాయి.. పేపర్లో రాస్తానని బెదిరించి చౌక డిపోల నుంచీ ఇంటికి కావాల్సినవన్నీ తెచ్చుకుంటే ఖర్చులు తగ్గవా చెప్పండి??

ఇది నేటి జర్నలిజం!
అసలు ఈ విషయం గురించి ఒక టపా తో సరిపుచ్చుదామనుకున్నాను కానీ ఇప్పుడే ఒక మితృనితో మాట్లాడాక ఒక సీరీస్ గా 2-3 రాస్తే బాగుంటుందనిపిస్తోంది. మరికొంత పెన్ టెర్రరిజం గురించి మరొక టపాలో..

-కార్తీక్

11 వ్యాఖ్యలు

Labels: ,

మరొక దాడి 

6/30/2010 - రాసింది karthik at Wednesday, June 30, 2010
ఇప్పుడే పడుకునేముందు ఒకసారి వార్తలు చూద్దామని ఐ.బీ.యెన్. ఒపన్ చేశాను. దానిలో రేండు వార్తలు ఒకటి 26మంది రిజర్వ్ పోలీసులను అన్నలు చంపేశారట  అసలు ఈ అన్నలగా పిలబడేవాళ్ళు ఎప్పుడైనా మనుషులా ప్రవర్తించారా?  నాకు తెలిసి ఎప్పుడు చూసినా వాళ్ళు అక్కడ పట్టాలు కోసేశారు, ఇక్కడ బస్సులు కాల్చేశారు అని తప్ప ఎక్కడైనా ఒక బడి గానీ, అనాధ శరణాలయం గానీ మొదలుపెట్టినట్టు చరిత్రలో ఉందా? నేను సెటైర్ వేయటం లేదండీ బాబూ (ఎంటో ఈ రోజుల్లో ప్రనా అన్నా మంచి పదమైపోతోంది :( )   నిజంగానే అడుగుతున్నాను.. ఎవరికైనా తెలిస్తే చెప్పండి లేదా లింకులివ్వండి.. ఏ చెహోవ్ రచనలు చదవమని, కలరులీడరమ్మ రచనలు చదివి అర్థం చేసుకోమని ఐదు పైసల సలహాలు నాకొద్దు బాబూ, ఆయనే ఉంటే బోడిగుండెందుకని అవి అర్థం అయ్యే ఓపికే ఉంటే బ్లాగులెందుకు .. కామెంట్లు డిసేబుల్ చేసి నేనే ఎంచక్కా నాలగైదు కౌముది లాంటి వెబ్ మ్యాగజైన్లు మొదలుపెట్టేవాడిని.   
అన్నల దృష్టిలో మనుషులంటే ఎవరు? పోలీసులతో వాళ్ళకు ఉండేది వర్గ వైరమా లేక అదే వాళ్ళ అస్తిత్వమా? వీళ్ళకంత జనాదరణే ఉంటే అడువుల్లో ఎందుకు ఉంటారు? ఎన్నికలను ఎందుకు బహిష్కరిస్తారు?  ఒక ఎన్నికలంటే ఏమో అనుకోవచ్చు.. ప్రతీ ఎన్నికలూ అలవాటుగా బహిష్కరిస్తారు.. అసలు మనదేశం లో ఉన్నంత బలమైనా ప్రజాస్వామ్యం ఎన్ని దేశాలలో ఉంది? (మనమే అత్యుత్తమం అని నేను చెప్పటం లేదు, గమనించగలరు)   ఇక్కడ ఇంకా కామెడీ ఏమిటంటే ఈ అన్నలు పనిచేసే సంస్థల్లోనే ప్రజాస్వామ్యానికి దిక్కు లేదు, ఇక వీళ్ళా ప్రజల గురించి మాట్లాడేది? హవ్వ!
అన్నల కథ సరే ఈ కమ్యూనిజం పరిస్థితి ఏమిటి?  ఇంత వరకూ ఈ దేశం లో వారు చారిత్రక తప్పిదాలు కాక ఇంకేమైనా చేశారా?? అసలు రజాకార్ ఉద్యమం కాక కమ్యూనిస్టులు చేసిన  ప్రొడక్టివ్ ఉద్యమం అంటూ ఏమైనా ఉందా??( ఇక్కడ ప్రొడక్టివ్ అనేది కరెక్ట్ పదం కాదేమో కానీ నాకు అంతకంటే మంచి పదం గుర్తు రావట్లేదు)..   వీళ్ళ ప్రభుత్వాలు ఎక్కడ కాలుమోపుతారో అక్కడ అరాచకాలు, ఆందోళనలు బందులు మట్టీ మశానం..  ఏదో ఆ టూరిజం బాగుంది కాబట్టి సరిపోయింది లేకుంటే కేరళ కూడా బెంగాల్ లా ఎప్పుడో మునిగిపోయేది.. ఈ విషయం చెప్పటానికి నేనేమీ స్టాటిస్టిక్స్ వగైరా చదవక్కరలేదు.. ఒక్కసారి కలకత్తా  ఎయిర్ పోర్టుకు వెళ్ళండి చాలు మీకు తెలుస్తుంది ఆ ఊరు మిగతా దేశం కంటే ఎంత వెనుకబడి ఉందో,     మనదేశం గురించి వదిలేద్దాం అసలు ప్రపంచం లో కమ్యూనిజం వల్ల బాగుపడ్డ దేశాలేవైనా ఉన్నాయా?? నేను అర్థం చేసుకున్నంతలో కమ్యూనిజం వల్ల వ్యక్తులు బాగు పడ్డారు తప్ప సమాజాలు కాదు. ఈ రకంగా చూస్టే కమ్యూనిజం కూ క్యాపిటలిజం కూ ఆట్టే తేడా లేదు.  అక్కడ యజమానులు దోచుకుంటారు ఇక్కడ సదరు నాయకులు దోచుకుంటారు..  దీనికి లెనిన్ కూడా మినహాయింపు కాదు.. ఇలిచ్ వ్యావ్నోవ్ (లెనిన్ అసలు పేరు) అనే పేరుతో ఒక స్విస్ బ్యాంక్ అకౌంట్ ఉండేదని ఒకసారి ఈనాడు బుక్ లో చదివాను..  ఇక స్టాలిన్ లాంటి నిరంకుశ, నరరూప రాక్షసుడి గురించి ఎంత చెప్పుకున్నా తక్కువే.. ఒక స్టాలిన్ ఒక పోల్ పాట్ (ఈ జీవి గురించి ఇక్కడ చదవండి) వగైరా చాలా సులభంగా దొరుకుతారు.. ఇలాంటి వారి మధ్య గంజాయి వనంలో తులసిమొక్కలా ఉండేది ఒక ఫిడేల్ క్యాస్ట్రో మాత్రమే..   
ఇక కమ్యూనిజం వల్ల బాగుపడ్డ దేశాలకోశం వెతికితే ఒక్క దేశం కూడా కనపడదు.. చైనా అని చెప్ప్కండి చైనా చెప్పేదొకటి చేసేదొకటి, వాళ్ళు కమ్యూనిజం వదిలేసి చాలా రోజులయింది.  రష్యాలో మట్టికొట్టుకుని పోయారు, చైనా కమ్యూ"నిష్ఠ" ను వదిలేశారు, ఇక వీళ్ళు ఉండేది ఎక్కడ?    
ఇక నేను చూసిన రెండవ వార్త, నేషనల్ హ్యూమన్ రైట్స్ కమీషన్ పోలీసులకు చివాట్లు పెట్టిందట ఆ ఎంకౌంటర్లలో చనిపొయిన వారికి మర్యాదలు జరగటం లేదని.. ఇంకా నయం వాళ్ళకు ప్రభుత్వ సొమ్ముతో సంవత్సరీకాలు, తద్దినాలు పెట్టమని డిమాండ్ చేయలేదు.. అసలు అన్నల చేతిలో చనిపోయే పోలీసులు మనుషులు కారా??  వాళ్ళకు హక్కులుండవా?  ఈపౌర సంఘాలు పోలీసుల మరణాలను కనీశం ఖండించను కూడా ఖండించవు.. మరి అన్నల ముఖాల మీద మాస్కులు వీళ్ళే కదా , ఖండిస్తే పార్టీ నుంచీ పీకేస్తారని భయం కాబోలు.. 
NHRC: Notorious Heinous Rogues committee



4 వ్యాఖ్యలు

Labels:

నాకు భయమేస్తోంది.. 

5/30/2010 - రాసింది karthik at Sunday, May 30, 2010
అవును నిజం నాకు భయమేస్తోంది.. కర్ణుడి చావుకి చాలా కారణాలు అలాగే నాకు భయమేయడానికి కూడా చాలానే కారణాలు.. వాటిల్లో కొన్ని ఇవి:

రాకెట్ ఎక్కాలంటే భయం.
ఇప్పుడు రాకెట్ ఎందుకు ఎక్కాలంటారా?? పచారి కొట్టులో ధరలను అందుకోవాలంటే రాకెట్లు, చంద్రయాన్ తప్పేలా లేవు..

రైలు ఎక్కాలంటే భయం.
ఏ అన్నకో కోపం వచ్చి కొన్ని పట్టాలను కోసుకొని పాత సామాన్లకు వేసుంటాడని భయం.

విమానం ఎక్కాలంటే భయం.
టెక్నాలజీ సౌజన్యంతో ఏ లోయలోకో తీసుకెళ్ళి బ్రతికుండగానే తగలబెడతారని భయం.

బస్సు ఎక్కాలన్నా భయం.
ఏ సందు మలుపులోనో పొంచి ఉన్న కరెంటు తీగ సున్నితంగా ముద్దాడి మక్కువ తీర్చుకుంటుందేమోనని భయం.

సాయంత్రం సరదాగా మాల్ కు పోవాలన్నా భయం.
ఏ జిహదీనో పైలెట్ ప్రాజెక్ట్ కింద ఆ మాల్ లో ఒక అరడజను బాంబులు పెట్టుంటాడని భయం.

భక్తి తో గుడికి వెళ్ళాలన్నా భయం.
ఏ గోపురాన్నో కూల్చి ఒకేసారి ముక్తిని ప్రసాదిస్తారని భయం.

ఇల్లు కొనాలంటే భయం.
రేప్పొదున ఏ రాజకీయ రావణుడొ వచ్చి కబ్జా చేస్తాడని భయం.

పత్రికలు చదవాలంటే భయం.
చావులు,రేపులు కాక ఇంకేమీ ఉండవని భయం.

 
ఇంట భయం బయట భయం
ముందు భయం వెనుక భయం
బ్రతుకంతా భయం భయం
ఇంత భయంగా మాట్లాడుతున్న నా పేరు చెప్పలేదు కదూ.. ఇదుగోండి:

మధ్య తరగతి మానవులం!
నిస్సహాయకులం నిష్ప్రయోజనులం!
దరిద్రులం దామోదరులం!
మా చిరునామా స్వార్థం, మా బ్రతుకు వ్యర్థం!
మా నేస్తం స్వప్రయోజనం, మా మరో పేరు మూర్ఖత్వం!
నిర్లక్ష్యం మా చుట్టం, నైరాశ్యం మా నైజం !
శనిదేవుడి సేవకులం, లక్ష్మీ ప్రసన్నత మాకు శూన్యం!
కర్మ భూమిన కుక్కలం, లేదు మాకు ఆత్మ బలం!

-కార్తీక్

6 వ్యాఖ్యలు

Labels:

ఎర్ర బస్సు స్వగతం 

12/13/2009 - రాసింది karthik at Sunday, December 13, 2009
నా అసలు పేరేమిటొ నేను మరిచిపోయి చాలా కాలమైంది. అందరూ నన్ను, నా జాతి వారినీ ఎర్రబస్సులనే పిలుస్తారు. మొదట మా జాతిలో 27 మంది మాత్రమే ఉండే వాళ్ళు తర్వాత భారత స్వాత్యంత్రం వచ్చాక మాజాతివారు దిన దిన ప్రవర్ధమానంగా పెరిగి ప్రస్తుతం 21 వేలమంది 7 రాష్ట్రాలలో తిరుగుతూ ఉన్నారు.. రోజు దాదాపుగా ఒకటిన్నరకోటిమంది మా జాతివారితో కలిసి తిరుగుతూ ఉంటారు. అందుకేనంట.. గిన్నేసో, గంగాళేసో రికార్డ్ మా పేరు మీదే రాశారంట.. ప్రపంచంలో ఉన్న అన్ని బస్సు జాతులలో మేము తిప్పేంతమందిని ఎవరూ తిప్పరట.. 1990ల వరకూ ఒకవెలుగు వెలిగాము.. ఒకానొక కాలంలో మా సంరక్షకులుగా పని చెయ్యటం అనేది ఒక సామాజిక హోదాలా ఉండేది.. ఆంధ్ర జ్యోతి అనే పుస్తకంలో మా సంరక్షకుల మీద చాలానే చణుకులు పేలేవి.. కానీ అదంతా గతం...
ఆ తర్వాత కొంత మా సంరక్షకుల నిర్లక్ష్యం వల్ల, ఇంకొంత రాజకీయ నాయకుల స్వార్థం వల్ల, మరికొంత సాంకేతిక విప్లవాల వల్లా ప్రస్తుతం మాజాతి అంతరించిపోయే ప్రమాదంలో పడింది. గత దశాబ్దకాలంగా మా సంరక్షకులకు తెలివొచ్చి మమ్మల్ని కాపాడుకోవాలని తీవ్రంగా ప్రయత్నిస్తున్నారు.. కానీ కొందరు పాలకులు ప్రపంచ బ్యాంకో లేక విశ్వవ్యాప్త బ్యాంకో ఇచ్చే రుణాల మీద ఆశతో మమ్మల్ని అమ్మేస్తామని మాటిచ్చారాట.. ఇవన్నీ కాక పాలకుల చిన్న చూపు వల్ల సమాజంలో పంచింగ్ బ్యాగ్స్ లాగా తయారయ్యాము. ఎవరికి ఎవరిమీద కోపం వచ్చినా నష్టం మాత్రం మాజాతికే..

ఒక నాయకుడు మరణించినా.. అన్నలకు ఖాకీలమీద కోపం వచ్చినా..స్టుడెంట్లకు క్లాసులు ఎగరగొట్టాలనిపించినా.. ఇలా చెప్పుకుంటుపోతే రాష్ట్రంలో ఎక్కడ చిన్న అలజడి జరిగినా మరణించేది మాత్రం మేమే. పరిస్థితి ఇలానే సాగితే ఐక్య రాజ్య సమితి వాళ్ళు ప్రకటించే "అంతరించిపోయే జాతుల" అనే జాబితాలో మమ్మల్ని కూడా చేర్చాలేమో!! మా తాతలు తండ్రుల కాలంలో ఎంతో హుందాగా గర్వంగా బ్రతికిన మేము ఇప్పుడు రోడ్ల మీద దిక్కులేని చావు చావాల్సి వస్తోంది.. ఇంతా చేస్తే సగటు మనిషికి మా అవసరం చాలా ఎక్కువ. మాకు ప్రత్యామ్నాయం కానీ లేక మరొకటి కానీ కల్పించే పరిస్థితిలో ఇప్పటి ప్రభుత్వాలు లేవు..భారత రైల్వేతో సమానంగా భారం మోయగల సత్తా మాకుంది.. (ఆధారం: వీకీపీడియా) ఇక ఇప్పటికీ చాలా గ్రామాలకు మేము తప్పే వేరే రవాణా సాధనాం లేనే లేదు.. ఐనా ఈ పంచింగ్ బ్యాగ్ సంస్కృతి తెలుగు జాతి నరనరాల్లోకి ఎక్కింది. దానిని నిలువరించడానికి ప్రభుత్వ సాయం చాలా అవసరం కానీ ప్రభుత్వం ఎవరి మీద కేసుపెడితే ఎక్కడ ఓట్లు పోతాయో అని మమ్మల్ని పట్టించుకున్న పాపాన పోలేదు.. మా పరిస్థితిలాగే మా సంరక్షకుల వెతలు కూడా చాలానే పెరిగాయి.. బోనస్సులు తీసుకునే రోజుల నుంచీ ఓవర్ టైములు చేసుకునే స్థితికి వచ్చారు. పెన్షన్లు గట్ర ఎలాగూ ఉండవు కనుక పని చేసే రోజులలోనే నాలగు రాళ్ళు వెనక వేసుకోవాలి అని తాపత్రయపడుతూ రకరకాల స్కీములతో సంపాదన కోసం వెంపర్లాడుతూ ప్రజాసేవ అనేది క్రమంగా గాలికి వదిలేస్తున్నారు..మర్యాద వారోత్సవాలు, అమర్యాద సంవత్సరీకాలు చేసుకుంటున్నారు తప్పించి ప్రజలకు ఎలా దగ్గర కావాలి అనేదాని మీద శ్రద్ధ కనిపించదు. సమ్మెలు చేయటంలో ఉన్న నిజాయితీ ప్రజల మీద అభిమానంగా మార్చితే అదే చరిత్రలో అతి పెద్ద మార్కెటింగ్ స్కీము.. 2001 లో మా వాళ్ళు చేసిన సమ్మె గురించి తప్పకుండ చెప్పుకోవాల్సిందే.. ఎందుకంటే అది కార్మిక చరిత్రలో ఒక సువర్ణాధ్యాయం.. ఆ సమ్మె 24 రోజులు జరిగింది చాలా మంది కార్మికులకు 325 రూపాయలు నెల జీతంగా వచ్చింది. అయినా అన్నీ ఓర్చుకున్నారు... కడకు విజయం సాధించారు.. ప్రస్తుతం కూడా నష్టాలలో కార్మికులు పస్తులతో మేమూ బ్రతుకుతున్నాం..ప్రభుత్వ సంక్షేమ కార్యక్రమాలకు ఇవ్వాల్సిన డబ్బు ఇస్తే మాకు ఈ ఆకలి చావులు తప్పవు కానీ ప్రభుత్వం ఇవ్వదు కదా!!
మరెన్ని రోజులు ఇలా అందరితో మాట్లాడుతూ చలాకీగా తిరుగుతుంటామో తెలీదు..ఒకవేళ మేము అంతరించిపోవటం అంటు జరిగితే మీ పిల్లలకు మా గురించీ కథలుగా చెబుతారు కదూ!!

రైట్ రైట్ !


-కార్తీక్

మా నాన్న గారు గత 35 సంవత్సరములుగా RTCలో పని చేస్తున్నారు..కాబట్టి నాకు సగటు RTC ఉద్యోగి జీవితం ఎలా ఉంటుంది అనేది బాగా తెలుసు..అందుకే నేను మాత్రం ఆంధ్రాలో ఎక్కడికిపోవాలన్నా RTC బస్సులోనే పోతాను..

"THE WHEEL STANDS FOR COMMON ZEAL"

4 వ్యాఖ్యలు

Labels:

మరొక ప్రేమ పాట 

6/13/2009 - రాసింది karthik at Saturday, June 13, 2009
మొదటగా disclaimers:
నేను రాసే పాటలు పాడాలని ప్రయత్నిస్తే ఆ తర్వాతి పరిణామాలకు నేను భాధ్యుణ్ణి కాదు. పోలీసులు మిమ్మల్ని అరెస్ట్ చేసినా, చుట్టు పక్కల వాళ్ళు మిమ్మల్ని పిచ్చాసుపత్రిలో చేర్చినా నేనూ జవాబుదారి కాదు. :) :)
ఇంతకు ముందు నేను రాసిన టపాలు చూసిన ప్రజలు నాలో ఒక "ఉదయించే కవి" ని చూశాము అని అన్నారు. రూలూ ప్రకారం నేను "నేనా?? కవినా??" అనాలి. ఇంకొ పక్క నుండి ఒకరు "రచయితగారూ " అని అరవాలి కానీ నేను వాడేది సంతూర్ సోప్ కాదు. సినితారలు వాడే లక్స్. అందువల్ల ఏమీ అనడం లేదు. :) :)

ఇక ఈ రోజు విషయానికి వస్తే ప్రస్తుతం ఆంధ్ర దేశం లో అమ్మాయిలను వేదించే ట్రెండ్ నడుస్తుంది కద. అందుకని అలాంటి అమ్మాయిల కోసం ఈ పాట రాశాను. ఇది కామెడీగా అనిపిస్తే నేనేమీ చెయ్యలేను. అమ్మాయిలకు సానుభుతి మాత్రం తెలుపుతాను. :( ఈ విషయం మీద చాలా మంది ప్రజలు బల్లలు గుద్ది, కుర్చీలు విరక్కొట్టి ఎన్నో చెప్పారు/చెప్తారు. మా ఇంట్లొ బల్లలు లేవు కనుక నేను ఇది రాస్తున్నాను.

అమ్మాయి:
నన్ను వేధించే శాడిస్టువు నువ్వేనని కళ్ళు పొడిచే ఆ శనిగాడివి నువ్వేనని
నాకు డౌటొచ్చింది, డౌటు క్లియర్ అయ్యింది,
అన్నీ క్లియర్ అయ్యి ఈ ఖర్మ మొదలైంది.
పోశాడండీ ఆసిడే మరి..మండుతూ ఉందిలే ఇది. .
పోశాడండీ ఆసిడే మరి..మండుతూ ఉందిలే ఇది. .

అబ్బాయి:
నిజంగా...నిజంగా ఇలా ఈ రొజే తొలిసారిగా
పోశానండీ ఆసిడే మరి.. సూపరుగా ఉందిలే ఇది.
పోశానండీ ఆసిడే మరి.. సూపరుగా ఉందిలే ఇది.
ఈ కాంత లోన దాగి ఉంది నిర్మలత్వము
తన వైపు నన్ను లాగుతోంది మాయకత్వము..

అమ్మాయి:
నీ చేతిలోన దాగి ఉంది మోండి ఆసిడు..
అది తాకగానే భగ్గుమంది పిచ్చి ముఖము...
అబ్బాయి:
ఇద్దరిదీ ఒకే స్థితి ఏమిటి ఈ పరిస్థితి..
అమ్మాయి:
ఇద్దరిదీ ఒకే స్థితి ఏమిటి ఈ పరిస్థితి..
అబ్బాయి:
బలుపు గుర్రమెక్కి యువత చెయ్యమంది శ్వారీ..
అమ్మాయి:
పోశాడండీ ఆసిడే మరి..మండుతూ ఉందిలే ఇది. .
పోశాడండీ ఆసిడే మరి..మండుతూ ఉందిలే ఇది. .
అబ్బాయి:
నా ఈడు నేడు పాడుతోంది బీరు దండకం..
నా ఒంటి మీద నిండి ఉంది బారు మండలం..
అమ్మాయి:
నా పాత బొబ్బ రేపుతోంది కొత్త నరకం..
నా సత్తువంత పీర్చుకుంది కత్తి గాయం..
కనిపిస్తే ఖర్మే కాలీ.. కాల్చేస్తా ఒకేసారి..
ఆడజన్మ ఎత్తినోళ్ళ ఖర్మ ఈ పరిస్థితి..

it seems gone are those days where girls have rosy dreams about their relationships :(

-కార్తీక్


1 వ్యాఖ్యలు

Labels: ,

నా దిష్టి వాటికి తగిలిందా??? 

1/12/2009 - రాసింది karthik at Monday, January 12, 2009
నేను బెంగళూరు చేరుకొని ఒకటిన్నర సంవత్సరాలు అయ్యింది. ఈ సమయంలో నేను చాల వీధులు తిరిగాను. కాని నాకు బాగా నచ్చిన వీధులు మాత్రం మూడే!! అందులో ఒకటి అగర బస్ స్టాప్ నుండీ సర్జాపూర్ సిగ్నల్ వరకు ఉన్న రింగ్ రోడ్. నేను ప్రతి రోజూ ఆఫిస్ కి అదే రోడ్డు లో వెళతాను. ప్రతి రోజూ ఆ చెట్ల మధ్యలో బండి నడిపేటప్పుడు నాకు తెలియని ఆనందం నన్ను ఆవరించుకొని ఉంటుంది. ఏపుగా పెరిగిన ఆ చెట్లు ఎండ అనేది రోడ్డు మీద పడకుండా అడ్డు పడతాయి. చూసేందుకు ఎంతో ముచ్చటగా ఉంటుంది. ట్రాఫిక్ జాం అయినా ఆ చెట్ల వల్ల బోర్ అనిపించదు(కనీసం నాకైతే అనిపించదు). కాని ఈ రోజు పొద్దున చూస్తే ఆ చెట్లు కొట్టెయ్యడం మొదలు పెట్టారు. ఎందుకో నాకు తెలియదు, కానీ చాల బాధేసింది. ఆఫీస్ లో ప్రజలను అడిగితే అండర్ పాస్ కని ఒకరు, మెట్రో రైలుకని ఇంకొకరు చెప్పారు. అవి ఎంతవరకూ నిజమో నాకు తెలియదు, మేము ఈ రింగ్ రోడ్ ఆఫీస్ కి మారక ముందు ఒక రోజు మా మేనేజర్ పది సంవత్సరాల ముందు రింగ్ రోడ్ చాలా పచ్చగా చెట్లతో కళళలాఊతూ ఉండెది అని చెప్పాడు. అది విని నేను చాలా సంతోషించా, అప్పుదంత పచ్చగా కాక పొయిన బాగానే ఉంటుంది అని. కానీ, నేను ఎక్కువగా అలొచించానని తర్వాత తెలిసింది. ఈ పది సంవత్సరాల సమయంలో బెంగళూరు చాలా డెవలప్ అయ్యింది అని ప్రజలు చెప్పుకుంటారు. కాని బెంగళూరు జరిగిన నష్టం ఎమిటి???
రింగ్ రోడ్లో అండర్ పాస్, మేట్రో వస్తే ఎలావుంటుందో నాకు తెలియదు. కానీ ఆ చెట్లు లెకుంటె నాకు చాల బాధగా వుంటుంది. వాటికి నా దిష్టి తగిలిందేమో !!!

3 వ్యాఖ్యలు

Labels: ,

విజ్ఞాపన 

6/10/2008 - రాసింది karthik at Tuesday, June 10, 2008
బ్లాగ్ మిత్రులకు స్వాగతం. ఈ కింది విషయం గురించి వ్యాఖ్యల రూపంలో మీ అభిప్రాయాలు తెలుపగలరు.

ఒక మనిషిని నమ్మటం మరియు ఒక మనిషి నుంచి ఏదైనా ఆశించటం ఒకటేనా? ఒక వ్యక్తి మనలను మోసగించడు అని అనుకుంటాం. ఇది నమ్మకమా లేక మన ఎక్స్పెక్టేషనా?

నాకు నేర్పిన సిద్దాంతం ప్రకారం 99 మంది మనలను మోసగించినా, 100వ వ్యక్తిని నామ్మాలి. ఇలాంటిదే యండమూరి గారు 'ప్రియురాలు పిలిచే లొ చెప్పారు. ఇది ఎంత వరకూ సమంజసం?? ఎంత వరకు ప్రాక్టికల్??

మీ అభిప్రాయాలు దయ చేసి తెలుపగలరు.

-కార్తీక్

2 వ్యాఖ్యలు

Labels:

ఏం జరుగుతోంది? 

4/15/2008 - రాసింది karthik at Tuesday, April 15, 2008
ప్రసన్న లక్ష్మి- షేక్ సుభాని
శ్రీ లక్ష్మి- మనోహర్
మీనా కుమారి-సందీప్

వీరంతా రాష్ట్రం లొ పెద్ద సంచలనం సృష్టించిన వారు. ఒకరు మరణించి/గాయపడి, మరొకరు దాడి చేసి. ఈ సంఘటనలు జరిగాక అందరూ ఆ పని చేసిన అబ్బాయిలను తిట్టీ, శపించి వారి కోపాన్ని, భాధను వెళ్ళ గక్కారు.
కాని ఈ సంఘటనల తర్వాత మనం(మన సమాజం) ఏదన్నా నేర్చుకున్నమా?
పైన చెప్పిన సంఘటనలు జరిగిన తరువాత పేపర్లలో, టీవిలో, బ్లాగుల్లొ, అమ్మాయిలు తీసుకోవలసిన జాగ్రత్తలు గురించి చెప్పారు. కేవలం జాగ్రత్తలు తీసుకుంటే సమస్య పరిష్కారం అవుతుందా? మనం ప్రభుత్వాన్ని తిడతాం, కాని ప్రతి ఒక్క అమ్మాయికి పోలీస్ రక్షణ సాధ్యమేనా?

ఒక ఇంగ్లీష్ సామెత చెప్పినట్టు 'society prepares the crime and the criminal commits it'
ఆ దారుణాలు చేసిన వారు కరడు కట్టిన తీవ్ర వాదులు కారు లేదా ఫైనాన్సె కంపెని పేరుతొ డబ్బు దోచుకున్న వారూ కాదు. వాళ్ళూ మన లాంటి వాళ్ళే. కాస్త సరైన దారిలో చూపించే వారు ఉండి ఉంటే ఏ సాఫ్ట్ వేర్ కంపని లోనో జాబ్ చేస్తు ఉండే వారు.

కాకతాళీయంగా నేనూ కూడా 2001 లో ఇంజినీరింగ్ జాయిన్ అయ్యి తర్వాత ఐ.ఐ.టి లో చదివి ఇప్పుదు నెలకు 5 అంకెల జీతం తీసుకుంతున్నను. మరి అదే ఆశయం తో వున్న సందీప్ ఇప్పుదు రాజమండ్రి సెంట్రల్ జైలు లొ ఉన్నాదు :(
********************************************************************************
నాకు ఆ అమ్మయిల కుటుంబాలను కించపరిచే/బాధ పెట్టే ఉద్దేశ్యం లేదు. వారు చెసిన పనిని సమర్ధించటం లేదు. దయ చేసి అర్ధం చేసుకొగలరు
********************************************************************************
కాని వారు ఎందుకు అలా అయ్యారు? ఈ ప్రశ్నకు సమాధానం లేదు.
స్త్రీలకు 33% రిజర్వేషన్ గురించీ, వాళ్ళ హక్కుల గురించి, ఎక్కువ మట్లాడితె అర్ధనారీస్వర తత్వం గురించి లెక్చర్లు దంచుతాం. కాని మనలో ఎంత మందిమి మనతో పని చేసే మనకు కనిపించే ఆడవారిని 'అదీ 'ఇదీ అని కాకుండా మాములుగా సంభోధిస్తాం?

స్త్రీలను గౌరవించటం అనేది మన ఇంటి నుంచి మొదలు కావాలి. ఆ పరివర్తన వ్యక్తి నుంచి మొదలై సమాజం వరకు రావాలి. అది జరుగనంత వరకు మరెంతొ మంది మీనా కుమారి లను చూడక తప్పదు.

నేను ఒక ఫెమినిస్ట్ ను కాను
బెంగళూరు మహిళా సంఘ కార్యదర్సిని అంతకు ముందే కాను.
ఒక మనిషిని. పదహారణాల తెలుగు బిడ్డను.

1 వ్యాఖ్యలు

Labels:

నాడు- నేడు 

10/01/2007 - రాసింది karthik at Monday, October 01, 2007
పురాణ కాలం:
గొడవ జరిగితే ఒక మంచి ప్రదేశం, ముహూర్తం, చూసుకుని నియమం తప్పకుండా యుద్దం లొ చంపేవారు. ధర్మం నాలుగు పాదాల మీద నడిచేది.
రాజుల కాలం:
యుద్దాలు జరిగేవి ఐనా వేరే మార్గాల్లొ కూడా మనిషిని చంపేవారు. ధర్మం ఎన్ని పాదాల మీద నడిచేదో తెలీదు కాని కనీసం రెండు పాదాలు అని ఒక నమ్మకం.
మహమ్మదీయుల కాలం:
రక రకాల మార్గాల్లొ హత్యలు జరిగేవి. ఐనా అక్బర్, తానిషా లంటి వారు వున్నారు కనుక ఒక పాదం మీద కొన్ని సార్లు రెండిటి మీద ధర్మం నడిచేది.
బ్రిటిష్ కాలం:

దుర్మార్గాలు చాల జరిగేవి. కాని కాటన్, సి.పి. బ్రౌన్ లాంటి వాళ్ళ వల్ల ధర్మం ఒక కాలు తో నడక అలవాటు చేసుకుంది.
ప్రస్తుతం:
ధర్మం ఒక కాలు మాత్రం మిగుల్చుకుంది కానీ దానికి చికెన్ గన్యా జ్వరం వచ్చింది. దాని వల్ల బాంబు తల్లులు, బాంబు తండ్రులు పుట్టుకొచ్చారు. ఇక ఆంధ్ర దేశం లొ మరో కొత్త పద్దతి కని పెట్టడం జరిగింది. అది ఏమనగా మనిషిని ఇంటికి పిలిచి ప్రభుత్వం చే గుర్తింపు పొందిన తుపాకి తో కాల్చటం!!!
ఒక వేళ ఎవరైన అడగటం అంటు జరిగితే అది ఆత్మహత్య అని మౄతునికి భవ సాగర 'బంధాల ' నుంచి విముక్తి కలిగించుటకు తుపాకి ఇవ్వడం జరిగింది అని చెప్పవచ్చు. ఒక వేళ అతను బతికి బట్టకట్ట్డం అంటు జరిగితే అది ఇంటి బయట నుంచి ఎవరో గుర్తు తెలియని వారు కాల్చారని, వారికి కూడా తుపాకి అద్దె కు ఇచ్చాం అని చెప్పవచ్చు.


రాయలసీమ లో చదువు లేని వాళ్ళు ఊరి కోసం, తిండి కోసం చంపుకుంటె ఫ్యాక్షనిజం అని సినిమాలు తీసి పెద్ద పెద్ద సందేశాలు ఇస్తారే, మరి రాజధాని నడిబొడ్డున ఏ.సి. రూముల్లొ వుంటూ, స్కాచ్ తాగుతూ మూఢ నమ్మకాలకోసం, భూమి కోసం అయిన వాళ్ళనే చంపుతుంటె దాన్ని ఏ పేరు తో పిలవాలి? దాని మీద ఎన్ని సినిమాలు తియ్యాలి?






7 వ్యాఖ్యలు

Labels: