లవ్ మ్యారేజ్ చేసుకోవడం ఎలా?

2/20/2009 - రాసింది karthik at Friday, February 20, 2009
మా రూమ్మేటుకు పెళ్ళి సంబంధాలు చూస్తున్నారు. పెళ్ళి ప్రస్తావనల పేరు మీద జరుగుతున్న అఘాయిత్యాలు* తట్టుకోలేక లవ్ మ్యారేజ్ చేసుకుంటే ఈ పాట్లు ఉండవని నిట్టూర్చాడు. ( పూర్తిగా హిందీ లో , అతను బీహారీ కదా! ) అప్పుడు నేను తల ఎత్తి ఆకాశం లోకి చూస్తూ దీర్ఘంగా ఆలోచించాను. మునుపటి నా టపా చదివిన అందరికీ తెలుసు నేను అలా ఆలోచిస్తే నాకు ఎలాంటి అవిడియాలు వస్తాయని. కొంత సేపు అలా ఆలోచించాక అంటే పుర్తీగా చించాక నాకొచ్చిన అవిడియాలు తలుచుకుంటే గర్వంతో కూడిన సంతోషం కలిగింది. ఆ అవిడియాలు మాత్రం ఎవ్వరికీ చెప్పకూడదు అని అనుకున్నా. కాని పొద్దున లేచి ఘంటసాల గారి భగవద్గీత వింటే "పుట్టిన వారు మరణించక తప్పదు" అని చెప్పారు. అంత పెద్దాయన చెప్తే నిజమే అయ్యుంటుందని, ఎలాగూ మరణిస్తాం కద, నాలగు కాలాల పాటు నిలిచిపొయ్యె పనులు చెయ్యాలని ఇదొ ఈ టపా రాస్తున్నా. ముందుగా ఈ టపా అందరి గురించి కాదు. కేవలం అబ్బాఇయిలకు మాత్రమే!! ఇంత డైరెక్ట్ గా చెప్తే అమ్మాయిలు బాధపడతారు అందుకని ఇలా చెప్తున్నా: తమ వయసు 5 సంవత్సరాల తక్కువ చెప్పుకునేవారు ఈ టపా చదవకండి. ( ఇంక ఆడ పురుగు కూడా ఈ కింది విషయాలు చదవలేదు :) :) )

మగ పుంగవులారా కాస్కోండి...
మొదటిది: నచ్చిన అమ్మాయికి ప్రపొజ్ చెయ్యడమే!! కానీ ఇక్కడ ఉన్న పెద్ద చిక్కెందంటే మనకు రొజుకు ఇద్దరు ముగ్గురు నచ్చుతుంటారు. ఆ లెక్కన అంత మందికి ప్రపోజ్ చేస్తే పోలీసులు గూండా చట్టం కింద అరెస్ట్ చేస్తారు. కాబట్టి మీకు నచ్చిన వాళ్ళ పేర్లు ఒక కాగితం మీద రాసి ఒక చీమను పట్టుకుని, నా పేరు చెప్పి ఆ కాగితం మీద వదలండి. అది ఏ అమ్మయి దగ్గర అగుతుందొ, ఆ అమ్మాయికి ప్రపొజ్ చెయ్యండి. మీ అదౄష్టం బాగుండి ఏ ఐశ్వర్య రాయొ లెక బిపాశా బాసూనో తగిలితే వెంటనే బొంబాయికి రైల్ ఎక్కేయండి. హ్యాప్పీ జర్నీ అండ్ ఆల్ ద బెస్ట్!!

రెండవది: ఇది చీమలు పట్టలేని వారికి. మరేమీ మొహమాట పడకుండా, ఒక నలుగురైదుగురికి ప్రపొజ్ చెయ్యండి. ఇప్పుడు ఈ నలుగురైదుగురిలో ఎవరో ఒకరు సీరియస్ అయ్యి వాళ్ళ ఇంట్లో చెప్తారు. వెంటనే వాళ్ళ ఇంట్లో వాళ్ళు వచ్చి మిమ్మల్ని చితక్కొట్టి పెళ్ళి చేయిస్తారు. చూడండి ఎంత సింపులో!! వెంటనే కానీయ్యండి. ( గమనిక: ఇది బాడీ బిల్డర్లకు మాత్రమే!! )

మూడవది: ఇంట్లో తెలీకుండా, ఏ మ్యారేజ్ బ్యురో వాడి కాళ్ళూ గడ్డాలూ పట్టుకుని పెళ్ళీ చేసుకుని అందరికి లవ్ మ్యారేజ్ అని చెప్పుకోవడం.. అంతే మరి!! చీమలు పట్టనూరాక, బాడీ బిల్డింగూ చెయ్యకపోతే ఏ బ్యురో వాడో దయతలచి మనల్ని ఉద్దరించాలి.

నాలుగవది: అన్నిట్లోకీ ఇదే సింపుల్. పైన చెప్పిన మూడూ పని చెయ్యకపోతే మీరు వెంటనే హిమాలయాలకు పొయ్యి ఏ ఆడ సన్యాసినినో చూసుకొండి.

ఐదవది: ఆడ సన్యాసి కూడా మనకు దొరకలేదా మహాశయా?? ఒక పని చెయ్యండి. వెంటనే ఇంట్లో వాళ్ళను పెళ్ళి సంబంధాలు చూడమనండి.

నాకు తెలుసు ఇన్ని గొప్ప విషయాలు విన్న తరువాత మీకు నా కాళ్ళు పట్టుకుని గురువా! అని అనాలనిపిస్తొందని!! కానీ నేను పొగడ్తలను పెద్దగా ఇష్టపడను. కనుక, ప్రస్తుతానికి వ్యాఖ్యలు రాసి మీ ముచ్చట తీర్చుకోండి.
*అఘాయిత్యాలు=రోజూ అర్ధరాత్రి అంటే 0600 గం. లకు నిద్ర లేస్తావా అని అడగడం, ఎక్సర్సైజు చేస్తావా అని అడగడం లాంటివి.

గమనిక: ఈ రోజు ఆఫీస్ నుంచి ఇంటికి వస్తే చాలా బోరుగా అనిపించింది. ఏదో ఒకటి రాద్దాం అని ఇది రాశాను. ఎవ్వరిని కించపరిచే ఉద్దేస్యం నాకు లేదు.

పాపులర్ బ్లాగరి కావడం ఎలా???

2/11/2009 - రాసింది karthik at Wednesday, February 11, 2009
అయ్యలారా! అన్నలారా! అక్కలారా!! తమ్ములారా!! రండి బాబూ రండి! మంచి తరుణం మించిపోతుంది.
నాకు తెలుసు మీరందరు పాపులర్ కావడానికి తెగ తొందర పడుతున్నారని. అందుకనే నేను బాగా ఆలోచించి, చించి, చించి పూర్తిగా చినిగాక ఈ టపా రాస్తున్నా. ఈ అవిడియాలు నావే ఐనా మీరందరి కోసం చెప్పేస్తున్నాను. కాస్కోండి...

మొదటిది మరియు అతి కష్టమైనది: ముందు బుర్ర అనేది శరీరం లో ఎక్కడ ఉందో కనుక్కొని. దాన్ని వాడి రెగులర్ గా టపాలు రాయడం. మొగుడే ఉంటే తెల్ల చీర ఎందుకని, ఆ బుర్రే ఏడిస్తే నీ లాంటి తొక్కలో బ్లాగులు ఎందుకు చూస్తాం అని అనుకుంటున్నారా? అలా ఐతే మీరు కరెక్ట్ బ్లాగుకే వచ్చారు. మిగతావన్నీ మీ కోసమే!! త్వరపడండి మరి!

రెండవది: మొయిన్ ఖాన్ అనే అడ్రెస్స్ లేని పాకిస్తాన్ ప్లేయర్ సచిన్ ముఖం లో భయాన్ని చూసాను అని చెప్పాడు. వెంటనే అందరు ఎవడీ ఎదవ అని ఆరా తీశారు. దెబ్బకు మొయిన్ ఖాన్ పెద్ద పాపులార్ ఫిగర్ అయి కూర్చూన్నాడు. కనుక ఇందు మూలంగా తెలియ చెయుటమేమనగా, వెంటనే ఒక పేరున్న బ్లాగరిని పట్టుకుని మీ రచనలలో ఎదో తప్పుందని, మీ ఆలోచనా విధానం పాత చింతకాయ పచ్చడని అనాలి. ఇప్పుడు ఆ సదరు బ్లాగరి మనకు అర్థం కావడానికి కొంత వివరణ ఇస్తారు. ఇప్పుడు మనం ఇంకొక మెట్టు పైకెక్కి ఆ వివరణా లో లోపాలు చెప్పవచ్చు ఉదా: మీ 30+ ముసలివాళ్ళంతా ఇంతే అనొచ్చు, మా ఊరి టీ.వీ. లో అజిత్ అగార్కర్ బౌలింగ్ బాగా వేస్తాడు మొదలగునవి... ఈ దెబ్బకు బ్లాగ్లోకం అంతా ఎవరా బ్లాగరి? ఎక్కడ ఆ బ్లాగరి?? అని పిచ్చెక్కి పోతారు..

మూడవది: కూడలి, జల్లెడ, తేనేగూడు లాంటి వాటి మీద యుద్ధం ప్రకటించడం. అన్నెం పున్నెం ఎరుగని కూడలి వాళ్ళు ఏం చేశారూ అని అనుకుంటున్నారా?? మరేం పర్లేదు. పదండి ముందుకు పదండి తోసుకు, పోదాం పోదాం పాపులరికానికి. మన ఎనిమిదవ తరగతి హాఫ్ యియర్లీ మార్కులు మనసులో పెట్టుకొని ఈ కూడలి వాళ్ళు మన మీద వివక్ష చూపిస్తున్నారని అందుకే మన బ్లాగ్ కూడలి లొ కనిపించదు అని గొడవ చెయ్యొచ్చు. నా సామి రంగా ఇప్పుడు మనకు వచ్చే పాపులారిటి చూసి కూడలి వాళ్ళూ, జల్లెడ వాళ్ళూ కలిసి చందా వేసుకుని మనకు అఖిల బ్లాగ్లోక అపర పాపులరి అనే బిరుదు ఇస్తారు!! నిజమండీ బాబూ!!

ఇక నాలుగొది: మన బ్లాగ్లోకం చాలా మంది కవితలు, గేయాలు రాస్తుంటారు. వీళ్ళూ మిగత వాళ్ళ వ్యాఖ్యల గురించి పెద్దఘా పట్టించుకోరూ. ఏదో వాళ్ళ తుత్తి కోసం రాసుకుంటారు. మనం వీళ్ళని కూడా వదలద్దు. వెంటా పడి మీ పద్యం ఏదో పాత మళయాళీ సినిమాలో ఉందే అనాలి. ఆ టపా రాసిన వాళ్ళు పట్టించుకోరు. అప్పుడు మనం వాళ్ళ బ్లాగ్లో 10-15 వ్యాఖ్యలు రాయాలి. వాళ్ళు పట్టించుకోకున్నా మిగత బ్లాగ్లోకం మాత్రం ఇంత సన్నాసి వెధవ ఎవడా అని వెతుకుతారు, గూగులమ్మని కూడా సంప్రదిస్తారు. ఏంటీ!! నమ్మ బుద్ది కావడం లేదా? మీరు చెయ్యండి మీ వెనకాల నేనున్నాను. పదండి చెప్తాను.

ఐదవది: ప్రస్తుతానికి పై నాలగు ఆచరించండి. అప్పటికీ కాకపోతే నా పేరు చెప్పి బ్లాగులు రాయడం మానుకోండి.

ఇన్ని అవిడియాలు ఇచ్చిన నన్ను మీరు పొగడాలని అనుకుంటున్నారు కదా? నాకు తెలుసు, అందుకే వర్డ్ వెరిఫికేషన్ తీసేశా!!! ఎన్ని వ్యాఖ్యలు రాస్తారో రాసుకోండి. కుమ్ముకోండి చెప్తాను.

గమనిక: ఎవ్వరినీ బాధ పెట్టాలని రాయలేదు. ఎవరికైనా కష్టం అనిపిస్తే పెద్ద మనసుతో క్షమించగలరు.

మీ
-కార్తీక్