నా స్వగతం

బ్లాగరుడ పురాణం -1

2012-01-08T01:41:00.001+05:30

కొత్త బ్లాగు లోకం లోకి వచ్చిన వాళ్ళకు ఇక్కడ జరిగే గొడవల గురించి ముఖ్యంగా ఓకానొక విదేశీ భావజాలం గొప్పదని జనాల మీద దాడులు చేసే వాళ్ళ గురించి హెచ్చరించడానికి ఇది "రెకనార్"
ముందుగా డైరెక్టుగా విషయం లోకి పోకుండా ప్రస్తుతం మలక్ మీద జరుగుతున్న దుష్ప్రచారం గురించి కొన్ని విషయాలు చెప్పాలి:
అక్కడ విశేఖర్ గారు తాను మార్తాండని సమర్థిస్తున్నానని అందుకు కారణం మలక్ మార్తాండ ను నా ప్రపంచం బ్లాగులో "ఒరేయ్" అని అన్నాడని సెలవిచ్చారు.. అది జరిగిన లింక్ అని ఆయన "నా ప్రపంచం" బ్లాగు లింక్ ఇచ్చారు ఆ లింక్ ఇది: (http://naprapamcham.blogspot.com/2009/09/blog-post_26.html)
ఆ టపా రాసింది సెప్టెంబర్ 26, 2009 లో... మరి ఒకసారి ఈ లింక్ చూడండి (http://naprapamcham.blogspot.com/2009/09/blog-post_10.html) అదే బ్లాగులో అంతకంటే పది హేను రోజుల ముందు జరిగింది.. అక్కడ సదరు మార్తాండ మలక్ ని అన్నది ఇది:
" PKMCT said...
భరద్వాజ మహర్షి గెడ్డం తీసేసి సంసార జీవితంలోకి వచ్చినట్టు ఉన్నాడు. అందుకేనేమో సమాధానం చెప్పడం లేదు."

గడ్డం తీసేసి సంసార జీవితం లోకి వచ్చినట్టున్నాడు అని ఏ హక్కు తో అంటాడు? ఏ సభ్యత తో అంటాడు? (hehe ఆయన పదాలే, టి.వీ. సిరీయల్ లో డయలాగుల్లా ఉంటే ఎంకరేజ్ చేసినట్టుంటుంది అని వాడుకున్నా :))

ఇక్కడ గమనించాల్సిన విషయం ఏమిటంటే మలక్ కామెంట్ పెట్టింది మంచు గారికి కానీ మార్తాండ గురించి కాదు.. అలాంటప్పుడు ఆయనను కెలకాల్సిన అవసరం మార్తాండకు ఎందుకు??? మార్తాండ విశేఖర్ గారు చెబుతున్నంత అమాయకుడైతే తన భావాలేవో రాసుకుని వెళ్ళచ్చు కదా.. ప్రక్కవాళ్ళ వ్యక్తిగత జీవితాల గురించి ఎందుకంత జిలానందం??? వల్చర్ థౌజండ్ బఫెలోస్, వన్ సైక్లోన్ స్మాష్ అన్నట్టు, మార్తాండకు మలక్ తగిలాడు.. and the rest, as you see is history :))

actually జూలై 17, 2009 రోజు మలక్ ఈ టపా రాశారు (http://malakpetrowdy.blogspot.com/2009/07/blog-post_17.html) .. మలక్-ఏకలింగం ఒకరే అని మార్తాండ చేసిన ప్రేలాపనకు రుజువు చూపమని చేసిన చాలెంజ్ అది.. దానికి ఇప్పటి దాకా మార్తాండ నుంచీ సమాధానం రాలేదు.. ఇప్పటికైనా మించిపోయింది ఏమీ లేదు.. మలక్-ఏకలింగం ఒకరే అని ప్రూవ్ చేస్తే మలక్ ఆ చాలెంజ్ కి తప్పకుండా కట్టుబడి ఉంటారు.. :P

మధ్యలో మార్తాండ నాదెండ్ల కామెడీ చేశాడు.. ఆ లింక్ ఇక్కడ చూడండి : http://malakpetrowdy.blogspot.com/2009/07/blog-post_6509.html

ఇక విశేఖర్ గారు ప్రవీణ్ పై దాడి మొదలైనప్పుడు అని రాసి మార్తాండకు సింపతీ పెంచాలని చాలానే ప్రయత్నించారు.. కానీ infront crocodile festival..ఒకసారి ఈ క్రింద స్క్రీన్ షాట్లు చూడండి.. ఈ కామెంట్లన్నీ మా శ్రేయోభిలాషి అయిన ఒక మహిళ బ్లాగులో సదరు ప్రవీణ్ అనే శాల్తీ రకరకాల పేర్లతో ఆమెను తిడుతూ రాసినవి... దానికి ఆమె బాధ పడుతూ వేరేటపా కూడా పేట్టారు.. మరి ఇక్కడ దాడి చేసింది ఎవరు?? ఆవిడంతకు ఆవిడ ఏదో కథ గురిచి రాసుకుంటే వ్యక్తిగత దాడులు చెయ్యాల్సిన అవసరం ప్రవీణ్ కు ఎందుకు?? ఆయన చెప్పినట్టు మనసు బాధపడటానికి ఒక్క వ్యాఖ్య చాలదా?? ఈ మాట ప్రవీణ్ కు ఎందుకు చెప్పరో అర్థం ఆయనకే తెలియాలి..

విశేఖర్ గారు చెప్పిన మరొక విషయం భావజాలానికి ప్రతినిధి..

కిం.ప.దొ.న. :))
మార్తాండ ఏ భావజాలానికి ప్రతినిధి?? స్త్రీవాదానికా?? మహిళా బ్లాగర్లలో ఎంతమంది స్త్రీవాదులున్నారో తెలుసా?? మరి వాళ్ళను ఎవరూ ఏమీ అనరు ఎందుకో.. లేక నాస్తిక వాదానికా?? మరి శరత్ గారు కూడా నాస్తికులే, కానీ మా శ్రేయోభిలాషి... ఆయన ఎప్పుడు ఇంకొకరి కుటుంబాలను అన్నట్టు చూడలేదు..

అయితే గీతే, మార్తాండ తప్పకుండా కమ్యునిజానికి ప్రతినిధి అయ్యుంటాడు.. ఎందుకంటే, ఈ కమ్యునిజం సిద్దాంతం ప్రవచించేది అదే.. కార్మిక వర్గం, కర్షక వర్గం అని పడి కట్టు పదాలతో పక్క వాడి ఆస్తిపాస్తులు కాజేయడాన్ని లీగలైజ్ చేసేదే కమ్యూనిజం.. కమ్యూనిజం గురించి నేను ముందు రాసిన టపా ఇక్కడ చూడవచ్చు..

ఇక విశేఖర్ గారి గురించి ఏమని చెప్పాలి?? ఆయన రాసినది చూద్దాం:
పావని లాంటి వారికి గలిగిన గౌరవ భంగం కంటే మానవాళిని కాపాడగలదని నమ్మే నా సిద్ధాంతమే నాకు ముఖ్యం. ఆ విషయాన్ని పావనిలాంటి వారు కూడా అర్ధం చేసుకోగలరని నా నమ్మిక.
పక్క మనిషికి గౌరవ భంగమైనా ఈయనకు ఇబ్బంది లేదట.. ఇదెక్కడి సంస్కారమో నాకైతే తెలియదు.. పక్కనోడి భావలను గౌరవించలేని సిద్దాంతం ఒక సిద్దాంతమేనా?? అలాంటి సిద్దాంతం తో మానవాళికి ఏం విముక్తి కలుగుతుందో ఆ దేవుడికే తెలియాలి..
కానీ ఒక్కటి మాత్రం నిజం, ఈ మార్తాండ, విశెఖర్ లాంటి వాళ్ళు కమ్యూనిజం ఎందుకు ఫెయిల్ అయింది, అవుతోంది అనేదానికి classic cases గా నిలుస్తారు.. వీళ్ళు పక్కనోడిని తిడితే నోరు మూసుకుని ఉండాలి.. కానీ పక్కనోడు రెస్పాండ్ అయితే భరించలేరు.. అందుకే, కమ్యూనిష్టు హయాం లో ఒక తియోన్మెన్ స్క్వేర్ జరిగినా, పోల్ పాట్ లాంటి వాళ్ళు కమ్యూనిష్టు ప్రభుత్వాలలో ఉన్నా అది వింతగా కనిపించదు..

p.s.: See the last comment in the screen shot, Martanda himself confessed that he is an "ఎమోషనల్ దెయ్యం " :D

బ్లాగరుడ పురాణం లో మళ్ళీ కలుద్దాం (అవసరమైతే).. అంతవరకూ శలవు!

--కార్తీక్

బ్లాగర్లు!! అందుకోండి నెనర్లు!!

2011-12-07T21:54:00.001+05:30

నవంబర్ 12, 2011

ఉదయం 9:30,
రాజ్ కుమార్ కి ఫోన్ చేశాను.. ఎందుకో మరి ఫోన్ ఎత్తలేదు.. హైదరాబాద్ నుంచీ ఒక బ్యాచ్, బెంగళూరు నుంచీ ఒక బ్యాచ్ వస్తున్నారు.. అందులో చాలామంది సీమ సందుల్లోకి మొదటి సారి వస్తున్నారు.. ఎక్కడున్నారో ఏమో అని టెన్షన్!! అసలే ఈ సారి అక్టోబర్ లో కూడా ఎండలుగా ఉన్నాయి, వీళ్ళకు ఎలా ఉందో ఎమో..

హైదరాబాద్ బ్యాచ్ పరిస్థితి ఏంటో కనుక్కుందామని రెహ్మాన్ కు ఫోన్ చేశాను.. రెహ్మాన్ ఏదో మాట్లాడటానికి ప్రయత్నిస్తున్నాడు.. ప్రతీ మాటకు పక్కన కౌంటర్ పడుతూ ఉంది.. ఒక నిమిషం తర్వాత నేను మాట్లడలేను బాబూ అని ఫోన్ పెట్టేశాడు.. సో బానే ఎంజాయ్ చేస్తున్నారు, పర్లేదు అనుకున్నాను..

మధ్యాహ్నం 12:40,
మళ్ళీ రాజ్ కే ఫోన్ చేశాను.. ఒక లేడీ వాయిస్ మా సీమ యాసలో జవాబిచ్చింది.. నేను ఆ గొంతు ఎవరిదో కనుక్కున్నాను.. సొ అందరూ కలిశారు ఎంజాయ్ చేస్తున్నారు అని ఊపిరి పీల్చుకున్నాను.. తర్వాత ఒక గంట సేపు ఇంట్లో పనులలో బిజీగా ఉండటం వల్ల ఎవరికీ ఫోన్లు చెయ్యలేదు స్టేటస్ అడగలేదు..

మధ్యాహ్నం 3:15,
ఈసారి మళ్ళీ రహ్మాన్ కు ఫోన్ చేశాను.. టిపికల్ రెహ్మాన్ స్టైల్ లో "బస్సులో కాక బండి తీసుకుని వస్తున్నామండి" అని జవాబిచ్చాడు.. హమ్మయ్య అని కుదుటపడ్డాను.. ఎందుకంటే అనంతపురం నుంచీ పులివెందులకు 3గం. ప్రయాణం అని ఎవరో చెప్పారు.. మూడు గంటలు ఆ డొక్కు బస్సులో జర్నీ చేస్తే వీళ్ళ పరిస్థితి స్త్రీవాద కథ లో హీరోలా తయారౌతుంది..

పులివెందుల పేరు విని వీళ్ళు కూడా "ఓదార్పు యాత్ర" సభ్యులనుకోకండి.. వేదమంత్రాల నడుమ అగ్నిహోత్రుని సాక్షిగా నవంబర్ 13, 2011 నాడు నా పెళ్ళి జరిగింది.. ఆ పెళ్ళికని మన బ్లాగర్లందరూ పులివెందులకు వచ్చారు.. డైరెక్ట్ గా పులివెందులకు ట్రైన్ సదుపాయం లేదు కనుక రెండు బ్యాచులు అనంతపురం లో కలిసి కొంతసేపు జీవని పిల్లలతో ఉండి తర్వాత పులివెందులకు వచ్చారు.. బ్లాగర్లంతా సందడి సందడిగా అల్లరి చేశారు.. నేను పిటల మీద నుండి మధ్య మధ్యలో వీళ్ళని చూస్తున్నాను.. ఎందుకంటే వీళ్ళకు ఆ మొత్తం గుంపులో నేను తప్ప ఇంకెవరూ తెలీదు.. నేనేమో మాట్లాడలేను.. వీళ్ళకు బోర్ కొడుతుందేమో అని కొంచెం ఫీలింగ్.. కానీ బ్లాగర్లా మజాకా.. అందరూ దుమ్ము లేపారు..ఎక్కడ విశాఖపట్నం, ఎక్కడి కడప.. ఎక్కడ నా సోది, ఎక్కడ వాళ్ళ కవితలు, పాటలు.. కొందరు జిల్లాలు దాటి వచ్చారు.. కొందరు రాష్ట్రాలు దాటి వచ్చారు.. అందరికీ పేరు పేరునా కృతజ్ఞతాంజలి.. ఫ్రెండ్షిప్ కు విలువ ఇచ్చి ఇంత దూరం వచ్చారని మా అమ్మా వాళ్ళు కూడా చాలా ఆనందపడ్డారు.. చాలామంది మెయిల్స్ ద్వారా శుభాకాంక్షలు తెలిపారు.. అందరికీ పేరు పేరునా ధన్యవాదాలు..

మన వాళ్ళిచ్చిన గ్రీటింగ్ కార్డ్.. ఎంత నచ్చిందో..

పెళ్ళికి వచ్చిన బ్లాగర్లు:
1. భజ్ కుమార్
2. సెగట్రీ
3. మజ్జిగ చిలికే
4. వెంకట్ గారు
5. తీగ ప్రసాద్
6. గిన్నెల గరన్
7. కింకర్. తుస్
8. బంతి గారు ( మా అధ్యక్షులు)
9. అల్లాఉద్దీన్ మిల్క్ షేక్
10. డ్రాగార్జున
11. జీవని ప్రసాద్ గారూ
12. చిలమకూరు విజయమోహన్ గారు

వస్తామని అనుకుని ఆఖరి నిముషం లో రాలేకపొయిన వాళ్ళు:
1. పప్పు సార్
2. బులుసు గారు
3. కౌటిల్య
4. ఆర్కె
5. ఆండి

6. పవన్

7. విజయక్రాంతి (ఈయన ఇప్పుడు నాకు బంధువు అవడం వల్ల వాళ్ళ అమ్మ గారు వచ్చారు)

8. పెళ్ళికి కొన్ని రోజుల ముందు ఇండియాకు వచ్చిన మంచు గారు ఆ లోపే మళ్ళీ అమెరికా వెళ్ళిపోయారు. ఆయనకూడా వచ్చుంటే ఇంకెంత సందడిగా ఉండేదో!!!

9. ఏకలింగం గారు కూడా ఇండిఆ కు వస్తే పెళ్ళి అటెండ్ అవుతానని చెప్పారు.. కానీ ఆయన ప్లాన్ తర్వాత మారింది..

I very much missed all of you.. your presence means a lot to me..

బులుసు గారు వస్తే కనుక ఆయన్ని ఎలాగోలా మేనేజ్ చేసి ఘృతాచి చేత గానా బజానా ఏర్పాటు చేయించాలని మన కుర్రోళ్ళు ప్లాన్ చేశారట.. అది తెలిసే ఆయన రాలేదు అని బయట టాక్.. ఎంత వరకూ నిజమో నాకైతే తెలీదు.. ఆ స్కాం తో నాకేం సంభంధం లేదు..

వీళ్ళే కాక, వై.యస్. వివేకానంద రెడ్డి, ఒంగోల్ శీను, వై.యస్. భాస్కర్ రెడ్డి లాంటి ప్రముఖులు కూడా నా పెళ్ళి వచ్చి నన్ను ఆశీర్వదించారు.. కెబ్లాస నుంచీ ఎవరూ రాలేదు.. మరే! ఒంగోల్ శీను ఇప్పుడు బ్లాగర్ స్థాయి నుంచీ ప్రముఖుడి స్థాయికి చేరుకున్నాడు.. :D

-- కార్తీక్

మహిళా బ్లాగర్లకు బొనాంజా ;)

2011-10-12T22:22:00.001+05:30

ఈ మధ్య నాకు లేటుగా తెలిసినా లేటేస్టు గా తెలిసిన విషయం ఏమిటంటే బ్లాగర్లు నన్ను నా వంటల వల్ల గుర్తుపెట్టుకుంటున్నారట. అందుకని వారి అభిమానాన్ని గుర్తిస్తూ వాళ్ళ కోసం మరో వంటకం అందిస్తున్నాను.
ఈరోజు వంటకం పేరు బెంగళూరు వంకాయ పప్పు.. అసలు బెంగళూరు వంకాయ అంటే చాలామందికి తెలియదు అలాంటి వాళ్ళ సౌకర్యం కోసం కింద క్లోజప్ ఫోటో పెట్టాను అది చూసి మీ జ్ఞాన చక్షువులను తెరిచి ఆ జ్ఞానాన్ని పొందండి. ఇక అసలు ఈ కూరగాయనే ఎందుకు తీసుకున్నానంటే మా ఇంటి పక్కనున్న షాప్ లో వేరేవి లేవు అందువల్ల..

బెంగళూరు వంకాయ

పోతే ఈ వంటకానికి కావాల్సిన వస్తువులు: ఒక బెంగళూరు వంకాయ, ఒక కట్ట కరివేపాకు, కొంచెం కొత్తి మీర, 3 చెంచాల నెయ్యి (ఒక చెంచా తిరగవాతలోకి, రెండు చెంచాలు ఆ తర్వాత కలుపుకునేటప్పుడు వేసుకోవడానికి) మరియూ తిరగవాత సామాన్లు .. వీటన్నిటితో పాటూ కావాల్సింది కొండంత మోటివేషన్.. నా అంత మోటివేషన్ మీకు ఉండకపోవచ్చు ఎందుకంటే ఆరిపోయే దీపానికి వెలుగెక్కువ; కాబోయే కుటుంబరావుకు కొవ్వెక్కువ సారీ కసి ఎక్కువ. కనుక "డాక్టర్ సినీ యాక్టర్" సినిమాలో కృష్ణ లా మోటివేట్ అయ్యి కసితో వంట మొదలు పెట్టాను.

ఇకపోతే సామాన్ల తో పాటు పెరుగు ప్యాకెట్ కూడా ఉంది.. అది ఎందుకంటే ఒక వేళ ఈ తిండి అటో ఇటో ఐతే అప్పుడు ఎంచక్కా పెరుగన్నం లాగించెయ్యచ్చు.. మరే! పడవతో పాటూ లైఫ్ బోట్ కంపల్సరీ కదా.. ఇలా అనుకుని ముందు కూరగాయలు తరిగాను.. ఈసారి పుస్తకాలు చదవలేదు కాబట్టి ఎలా తరగాలి అన్న కంఫ్యూజన్ అస్సలు లేదు.. నాకు ఇష్టం వచ్చినట్టుగా నిలువుగా అడ్డంగా, నా సామి రంగా చెడామడా తరిగేశాను.. ముందు ఆ ఫోటోలు పెడదామనుకున్నాను మళ్ళీ ఈ టపా లేడీస్ స్పెషల్ కదా, అంత వయొలెంట్ ఫోటోలు వద్దని పెట్టలేదు. అలా తరిగాక కుక్కర్లో కొంచెం కందిపప్పు, ఈ వంకాయ ముక్కలు మరియూ నీళ్ళు పోసి స్టౌ మీద పెట్టాను.. మా కుక్కర్ గ్యాస్ కట్ లేచిపొయినట్టుగా ఉంది కనుక అసలు విజిల్స్ రాలేదు.. మా కుక్కర్ కూడా మా మేనేజర్ లాగే అవసరానికి ఎప్పుడూ ఉపయోగపడదు.. కొంచెం సేపటి తర్వాత నేనే ఆఫ్ చేసి కుక్కర్ మూత తీయడానికి ట్రై చేశాను అది నా మీద చాలా కోపంగా ఉంది కాబోలు కస్సు బుస్సు అని సెగలు కక్కింది.. శాంత్ గదా ధారీ భీం శాంత్ అని కొన్ని నీళ్ళు చల్లి కొంచెం సేపు వెయిట్ చేసి కుక్కర్ మూత తెరిచాను.. స్పూన్ తో పప్పుని, కూరగాయలను టచ్ చేసి చూశాను అవి ఉడికిపోయి ఉన్నాయి.. వావ్! సగం వంట అయిపోయింది.. ఇంక మిగిలింది తిరగవాత వెయ్యడం మాత్రమే.. జజ్జినక జజ్జినక!!
తిరగవాత అనేది ఒక సెపరేట్ అసైన్మెంట్. వంట అనేది థియరీ పరీక్షల్లాంటిదైతే తిరగవాత ల్యాబ్ exam లాంటిది.. కనుక ఇక్కడ కూడా చాలా జాగ్రత్తగా వైవా చెప్పినంత బాగా నటించాలి..   ముందుగా కొంచెం నెయ్యి వేడి చేసిన బాణలి లో వెయ్యాలి.. అది కాగిందా లేదా తెలుసుకోను కొన్ని ఆవగింజలు వెయ్యాలి.. అవి బుస్ బుస్ అని సౌండ్ చేశాక అందులో కరివేపాకు, సన్నగా తరిగిన మిరపకాయలు, తిరగవాతలో వేసే బేడలు(పేరు మర్చిపోయాను ఏమనుకోకండి) , ఇంగువ వేయాలి.. ఆ తర్వాత తిరగవాత లో నుంచీ కొంచెం పొగ రావడాం మొదలయ్యాక స్టౌ ఆఫ్ చేయాలి.. అంతే! తిరగవాత రేఢీ.. ఇప్పుడు ఈ తిరగవాతను ఆ పప్పులో వేసి దానికి తగినంత ఉప్పూ, కారం, పసుపు వేసి బాగా కలపాలి.. (ఇంట్లో ఉంటే కొంచెం చింతపండు కూడా వెయ్యచ్చు కానీ నా దగ్గర లేదు కనుక వెయ్యలేదు)
ఇంకా చెప్పేదేముందీ?? మీ అభిమాన వంటకం బెంగళూరు వంకాయ పప్పు రెఢీ..

మహిళా బ్లాగర్లందరూ ఈ వంటకం యొక్క రెసిపీని విచ్చలవిడిగా వాడుకోవచ్చు.. నేనెలాంటి పేటెంట్ గొడవలు చెయ్యనని ఈ సందర్భంగా ప్రమాణం చేస్తున్నాను..   ఇలా మహిళా ప్రత్యేకమైన టపాలు రాసి స్త్రీజాతిని ఉద్దరిస్తున్నందుకు నేను చాలా గర్వపడుతున్నాను.. నాకు ఈ అవకాశం కల్పించిన బ్లాగర్లందరికీ ధన్యవాదాలు తెలుపుతున్నాను..

-కార్తీక్

అక్కినేని టాప్-10

2011-09-15T13:19:00.002+05:30

తెలుగు సినీచరిత్రలో అక్కినేని నాగేశ్వరరావు గారి శకం ఒక సువర్ణాధ్యాయం. ఆయన నటించిన సినిమాలలో టాప్-10 ఏవి అని చర్చకు చిత్రమాలిక శ్రీకారం చుట్టింది. ఈ చర్చ యొక్క ముఖ్య ఉద్దేశ్యం, ప్రేక్షకులు మెచ్చిన ఆ సినిమాల గురించిన ఒక repository తయారు చెయ్యడమే తప్ప మరొకటి కాదు. ఈ పని అనుకున్నంత సులువు కాదని తెలుసు కానీ సినిమాల మీద అభిమానం ఈ కార్యానికి పురికొల్పింది. అందరూ ఈ చర్చలో పాల్గొని తమ అభిప్రాయాలు తెలపాలని చిత్రమాలిక టీం మనవి చేస్తోంది.

అవినీతి; అన్నా హజారే; నా అభిప్రాయాలు

2011-08-23T01:00:00.001+05:30

ప్రస్తుతం దేశం లో అవినీతి పై ఎంత చర్చ జరుగుతుందో మనం చూస్తూనే ఉన్నాం.. ఈ చర్చలో ఏదో నాకు తోచిన నా రెండు పైసలు ఇలా రాస్తున్నాను..
స్థూలంగా ఈ అవినీతి పై చర్చకు రెండు పార్శాలు..
1. ఒకటి అసలు ఇండియాలో అవినీతిని ఎలా అంతమొందించాలి??
2. రెండవది అన్నా హజారే చేస్తున్నది సబబేనా??
మొదటి విషయానికి వస్తే, మన ప్రియతమ ప్రధానమంత్రి గారూ తన దగ్గర మంత్రదండేమేదీ లేదని, పరిష్కారం కుదరదనీ, తానూ నిమిత్త మాత్రుణ్ణనీ, సెలవిచ్చారు.. ఒక పాత కథలో ఎవరో ఒక పండితుడు కాశీకి పొయ్యి పెద్ద చదువులు చదివి తన సొంత బాష మరిచిపోయాడట, (ఆయనకు తిరిగి తన బాషా జ్ఞానం కలిగించడానికి గాడిదతో తన్నించాల్సి వచ్చిందట.. ఆ కథ మనకెందుకులేండి వదిలేయండి.. మళ్ళీ పెటా సభ్యులు గానీ చూస్తే ఇబ్బంది) అలా ఉంది మన సింగు గారు చెప్పిన విషయం.. ఇక నా విషయానికి వస్తే, నేను ప్రధానమంత్రినీ కానూ , ఆర్థిక శాస్త్రం అసలు చదువుకోలేదు, హార్వార్డ్ డిగ్రీలు అంతకుముందే లేవు.. కనుక ఎంచక్కా నా ఆలోచనలు రాసేస్తున్నాను.. (మరే నా బ్లాగుకు నేనే సుమన్ :)) .. అవినీతి అనే కాక ఏ విషయం అయినా వ్యక్తి స్థాయిలో మార్పు రాకుండా సమాజం మారాలని ఆశించడం అర్థ రహితం.. ఈ వాదన నేను 100% ఒప్పుకుంటా, కానీ వ్యక్తి స్థాయిలో మార్పు రాలేదు కాబట్టి వ్యవస్థ అలానే ఉండాలని అనుకోవడం ఇంకా ఘోరం.. ఇక వ్యక్తి స్థాయిలో మార్పు అంటామా, అది రావడానికి మన సమాజం పరిస్థితులు ఎలా ఉన్నాయి?? మన విద్యా వ్యవస్థ పతనావస్థ లో ఉంది.. మన విద్యా సంస్థల నుంచీ సాఫ్ట్ వేర్ నిపుణులు, రీసెర్చ్ స్కాలర్స్ వస్తున్నారేమో కానీ సమాజిక బాధ్యత తెలిసిన వాళ్ళు ఎంతమంది ఉన్నారు?? సామాజిక బాధ్యత వరకూ ఎందుకు మన సొంత మనుషుల పట్ల ఎంతమాత్రం బాధ్యతతో ఉన్నాం?? ప్రతీ వందమందిలో నలభై మంది మహిళలు గృహ హింస బారీన పడుతున్నారు (This number might be over rated but 20-25% looks reasonable to me).. ఆడపిల్ల గడపదాటితే ఎవడు ఆసిడ్ పోస్తాడో అని జనాలు భయపడుతున్నారు.. ఇక తల్లి దండ్రులు గురువుల కు మనం చూపిస్తున్న గౌరవం గురించి ఎంత తక్కువ చెప్పుకుంటే అంత మంచిది.. ఒక తండ్రీ/గురువు కామెడీ క్యారెక్టర్ కానీ సినిమా వచ్చి ఎన్ని రోజులయింది?? ఇన్ని రుగ్మతలతో ఉన్న ఈ తరాన్నుంచీ అవినీతిని కాక ఇంక ఏమాశించగలం??జవాబు కష్టంగా ఉంది కదూ.. శ్రమ ఎందుకు లేండీ, వదిలేయండి!!
ఒక 3-4 సంవత్సరాల క్రింద మాట, ఒక ప్రఖ్యాత సంస్థ నుంచీ విఖ్యాత కోర్స్ చదివి ఫైనల్ సెమిస్టర్ లో ప్లేస్మెంట్ జరగలేదని ఒక అమ్మాయి ఆత్మహత్య చేసుకుంది.. మూడు రోజుల పాటూ శవం సీలింగ్ ఫ్యానుకు వేలాడుతూ ఉంది.. అంటే మూడు రోజులుగా తమ తోటి విద్యార్థిని మెస్ కు రాలేదు, క్లాసులకు రాలేదు అన్న సృహ కూడా ఎవరికీ కలగలేదు.. ఇంతకంటే ఏం చెప్పాలండీ మన సామాజిక బాధ్యత గురించి?? బాధగా ఉంది కదూ, సరే అయితే వదిలేయండి.
ఒక రెండు నెలల క్రితం మా నాన్న గారూ ఆంధ్రప్రదేశ్ రాష్ట్ర రోడ్డు రవాణా సంస్థ నుంచీ పదవీ విరమణ చేశారు. ఆయన పదవీ విరమణ చేసిన రోజు జరిగిన కార్యక్రమం లో దాదాపు 200 మంది పాల్గొన్నారు.. 1987 లో మా నాన్న తో కలిసి పని చేసిన వాళ్ళు కూడా ఆ రోజు అక్కడికి వచ్చారు.. సో కాల్డ్ MNC ఉద్యోగులూ, ఒక్కసారి ఆలోచించండి మనం పదవీ విరమణ అంటూ చేస్తే (మనకు అంత అదృష్టం కూడానా, పింక్ స్లిప్పులు రాకుంటే అదే చాలు!!) .. ఆ రోజు మనకు Best Wishes అని చెప్పడానికి ఎంతమందికి తీరిక ఉంటుందంటారు?? పోనీ మన పాత టీముల్లో కలిసి పని చేసిన వాళ్ళలో ఎంత మందితో మనం ఫేస్ బుక్ హలో లు కాక మనస్పూర్తిగా బాగున్నావా అని అడిగాము?? మరీ పర్సనల్ గా ఉంది కదూ సరే అయితే ఇది కూడా వదిలేయండి.
ఒక జాతిగా మనం ఎంతగా దిగజారామో మన రాజకీయ నాయకులు కూడా అలానే ఒక్కో మెట్టూ పైకెక్కుతూ మనకు అందని స్టేజికి చేరుకున్నారు. యథప్రజా తథా రాజా.. ప్రజస్వామ్యం కదా అందుకని సామెత కూడా మారింది.

ఇక ఈ చర్చ లో రెండవ విషయానికి వద్దాం " అన్నా హజారే చేస్తున్నది సబబేనా?? " లోక్ పాల్ తో అద్భుతాలు జరిగిపోవు, ఇప్పుడు ఉద్యమం చేస్తున్న వాళ్ళల్లో ఎంతమంది లంచాలివ్వకుండా పనులు చేసుకుంటున్నారు అనేది ఒక ప్రశ్న. నిజమే వాళ్ళల్లో చాలామంది లంచాలిచ్చి అవసరానికి తమ పనులు జరిపించుకుంటూ ఉండవచ్చు కానీ అది వాళ్ళు కావాలని చేస్తున్నారా లేక వాళ్ళ నిస్సహయత అలా చేయిస్తోందా అనేది చూడాలి.. ప్రతీ ఒక్కరికీ లంచాలివ్వకుండా తట్టుకుని నిలబడే స్థోమత/పరపతి/ధైర్యం ఉండాలి కదా.. లంచం ఇవ్వకపోతే అంతులేని జాప్యాలు అర్థం లేని తిరస్కరణలు.. బ్రతుకు భారం తో కృశించిపోతున్న సగటు మనిషి మరింత భారం మోసే పరిస్థితుల్లో లేడు కదా.. దాని ఫలితమే ఈ అవినీతి!! ఈ అవినీతిని ప్రశ్నించే హక్కు ప్రజలకు లేదంటారా?? ఏమో నాకైతే తెలియదు. కానీ నాకు ఒక్క విషయం మాత్రం ఖచ్చితంగా తెలుసు, నీతి నిజాయితీలు కలిగిన వాళ్ళు మన సమాజం లో ఇంకా ఉన్నారు. వాళ్ళను సమర్థించే వాళ్ళూ ఇంకా ఉన్నారు. వాళ్ళ గురించి ఎవరికీ పెద్దగా తెలియదు ఎందుకంటే వాళ్ళు సినిమా స్టార్లు కాదు, క్రికెటర్లు అసలు కాదు.. మేతావులు అసలే కాదు(అథోగతి రాయ్ గురించి అనుకుంటున్నారా?అయితే మీకు 120 మార్కులు).. వాళ్ళంతా ఊరూ పేరూ లేని Stupid Common Indians.. బాబా రాందేవ్ వెంట అంతమంది నడిచినా, అన్నా హజారే యూత్ ఐకాన్ గా మారినా ఇదంతా వాళ్ళ పుణ్యమే!!

నావరకూ ఫ్రీడం పార్క్ కు వెళ్ళిన రెండు సార్లు చాలా ఆత్మ సంతృప్తి తో ఇంటికి వచ్చాను. ఈ దేశానికి ఇంకా భవిష్యత్తు ఉంది అని నాకు నమ్మకం కలిగించిన ఉద్యమం ఇది.

జై హింద్!!!

ఈ టపా రాయడానికి ప్రేరణనిచ్చిన టపాలలో కొన్ని:

http://www.koumudi.net/gollapudi/082211_anna_venuka_manishi.html

http://saahitya-abhimaani.blogspot.com/2011/08/blog-post.html

http://amruthamathanam.blogspot.com/2011/08/blog-post_22.html

మెగాస్టార్ కు జన్మదిన శుభాకాంక్షలు!!!

2011-08-22T08:21:00.000+05:30

మెగాస్టార్ చిరంజీవికి చిత్రమాలిక టీం తరఫున హార్దిక జన్మదిన శుభాకాంక్షలు.. పూర్తి వ్యాసం ఇక్కడ చదవగలరు..

ముందడుగు(1983) గురించి చిత్రమాలికలో..

2011-08-18T14:25:00.001+05:30

కృష్ణ శోభన్ బాబు ల కామెబినేషన్ లో వచ్చిన ముందడుగు చిత్రం గురించి చిత్రమాలికలో చదవండి... పూర్తి పాఠం ఇక్కడ చూడండి

మరణ మృదంగం(1988) గురించి చిత్రమాలిక లో

2011-08-17T09:02:00.001+05:30

కొన్ని కాంబినేషన్లలో సినిమా వస్తే సినిమా ఎలా ఉంటుందో అని ఒక ఉత్కంఠ ఇంకొన్ని కాంబినేషన్లలో సినిమా అంటే అది సూపర్ హిట్ అని ముందుగానే ప్రేక్షకులు అర్థం చేసుకుంటారు..

అలాంటి కాంబినేషన్లో వచ్చిన సినిమానే మరణ మృదంగం. చిరంజీవి-యండమూరి-కోదండరామిరెడ్డి ల కాంబినేషన్ లో వచ్చిన ఒక బ్లాక్ బస్టర్ సినిమా “మరణ మృదంగం”

పూర్తి వ్యాసం ఇక్కడ చదవండి.

చిత్రమాలికలో పెళ్ళిపుస్తకం

2011-07-27T11:29:00.001+05:30

మనదేశం లో ఎన్ని కొండలు ఉన్నా హిమాలయాలకు సాటి రావు.. మన దర్శకులలో బాపూగారి స్థానం అలాంటిదే.. బాపు గారి దర్శకత్వం లో వచ్చిన పెళ్ళి పుస్తకం గురించి చిత్రమాలికలో (ఇక్కడ) చూడండి..

జీవని యాత్ర

2011-06-23T22:25:00.001+05:30

మొన్న ఆదివారం జీవనికి వెళ్ళాం కదా.. ఆ రోజు మొత్తం సూపరో సూపరు :)
కడప నుంచీ అనంతపురం ఫస్ట్ బస్ పొద్దున 5:30 కు అందుకని మా నాన్న 4:30 కు నిద్ర లేపారు.. కానీ ఈ మధ్య బద్దకం బాగా ఎక్కువైంది కదా, ఒక 20నిముషాలు అటు ఇటు చాపమీదనే పొల్లి తర్వాత నిద్రలేచాను.. పరుగెత్తుకుంటూ స్నానం చేసి బస్ స్టండ్ కు వెళ్ళాను అప్పటికి టైం 5:20.. బస్ దొరుకుతుంది లే అనుకున్నాను.. కానీ ఆ బస్ వెళ్ళిపొయి అప్పటికే 5నిమిషాలు దాటిపోయింది.. తర్వాతి బస్ తాడిపత్రి దాకా ఉంది అంటే అదెక్కాను.. ఆ బస్ 8:45 కు తాడిపత్రి దించేశాడు.. చాలాసేపు నిద్రపోవడం వల్ల ప్రయాణం చేసినట్టు అనిపించలేదు.. అక్కడి నుంచీ అనంతపురం వెళ్ళే బస్ లో జరిగింది అసలు కామెడీ.. మన రాజ్ కుమార్ కు ఫోన్ చేస్తే ఇంజినీరింగ్ కాలెజీ దగ్గర దిగేయమని చెప్పాడు.. అక్కడికి తనే వచ్చి పికప్ చేసుకుంటా అని కూడా చెప్పాడు.. నేను కండక్టర్ కు ఆ విషయమే చెప్పి పాటలు వింటూ పడుకున్నాను.. తిఫిన్ తిన్నాక నిద్రపోయాను.. కళ్ళు తెరిచి చూసే సరికి మన బస్ వాడు ఆ కాలేజీ దాటి 10నిమిషాలయ్యింది అని పక్కవాళ్ళు చెప్పారు.. కండక్టర్ దగ్గరకి పొయ్యి అడిగితే, ఆ కాలేజి దగ్గర ఎవరో దిగారు సార్ అది మీరే అనుకున్నా అన్నాడు.. మహానుభావుడిది సొంత ఊరు శ్రీకాకుళమేమో.. ఏం చేద్దాం, వెంటనే బస్ దిగేసి ఆటో కోసం చూశా.. ఒక్క ఆటో కూడా ఖాళీగా రావడం లేదు.. అన్ని ఫుల్లే, బహుశా కాలేజీ వల్ల బిజీ అనుకుంటా.. ఒక 5నిమిషాల తర్వాత ఎవరో బైక్ మీద వస్తుంటే అతన్ని లిఫ్ట్ అడిగి కాలేజీ దగ్గరికి చేరాను. ఇంకొక 5నిమిషాల తర్వాత రాజ్ వచ్చి పికప్ చేసుకున్నాడు.. ఆ శంకుస్థాపన జరిగే చోటికి వెళితే అక్కడ ఆశ్చర్యకరమైన సంఘటనలు చాలా జరిగాయి..ఒంగోల్ శ్రీను అనే వ్యక్తి కనిపించాడు, పక్కన రాజ్ కుమార్ అనే వ్యక్తి కూడా కనిపించాడు. ఒక వ్యక్తి ఒరిజినల్, ఫేక్ ఇద్దరూ ఒకే ఫ్రేం లో ఇద్దరు మనుషులుగా కనిపించడం బహుశా ప్రపంచ ఫేకుల చరిత్ర లో ఇదే ప్రధమం కాబోలు.. ఈ ఒక్క కారణం చాలు ఆ రోజుని ఫాదర్స్ డే కు బదులుగా ఫేకర్స్ డే గా గుర్తించడానికి.. తల తిప్పి చూస్తే బంతి అనే వ్యక్తి కూడా కనిపించాడు.. ఆశ్చర్యం!! నా ఫేక్ ఐడీ నాకు తెలీకుండా ఎలా వచ్చాడా అని కాసేపు విస్తుపోయాను.. ఆ తర్వాత జీవితం అంటే ఇంతే అని లైట్ తీసుకున్నాను.. మాతో పాటూ అక్కడ లీలామోహనం బ్లాగర్ విజయమోహన్ గారూ కూడా వచ్చారు.. రైతునని గర్వంగా చెప్పుకునే వ్యక్తిని కలవడం చాలా సంతోషం కలిగించింది.. We are proud to have met someone like you..

ఆ తర్వాత ప్రోగ్రాం మొదలవకముందు శివకుమార్ మైక్ అందుకొని తన ప్రతిభా ప్రదర్శన మొదలు పెట్టాడు. శివకుమార్ తెలుగు, కన్నడ భాషలలో పాటలు, డయలాగులు,మిమిక్రీ చెయ్యగలడు.. కానీ ఆ రోజు మాత్రం మిమిక్రీ చేశాడు.. మైక్ దొరికింది కదా అని వై.యస్. ను చంద్రబాబును ఫుట్ బాల్ ఆడుకున్నాడు. గెస్ట్లు వచ్చేముందు ఎవరో వెళ్ళి ఇంక చాలు రా బాబు అని మైక్ లాక్కున్నారు.. అప్పటికి గానీ మనవాడు శాంతించలేదు.. :D
ఇక ప్రోగ్రాం మొదలయ్యాక ఎవరూ ఊకదంపుడు లెక్చర్లు ఇచ్చి బుర్ర తినలేదు.. అందరూ క్లుప్తంగా తాము చెప్పాలనుకున్నది చెప్పారు.. ఇందులో నన్ను ఎక్కువగా ఆకట్టుకుంది ఆకెళ్ళ రాఘవేంద్ర గారు, ఆయన స్టేజ్ మీద ఉండి ప్రతీ వక్తా మాట్లాడిన దానిలో తనకేం గుర్తొచ్చాయి, ఆ విషయాలు ఇక్కడ ఎలా రిలవెంట్ అని వివరిస్తూ చాలా మంచి విషయాలు చెప్పారు.. ప్రసాద్ గారు కేవలం రెండు నిమిషాలలో తను చెప్పాలనుకున్నది చెప్పి ప్రతీ ఒక్కరిని తమ టైం లో డబ్బులో 1% సమాజానికి ఇవ్వమని చెప్పారు.. ఇది నాకు చాలా బాగా నచ్చింది.. తర్వాత ఆలూరు సాంబశివా రెడ్డి గారు మాట్లాడారు. ఈయన యస్.ఆర్.ఐ.టి. కాలేజి కరస్పాండెంట్. నేను మొదట్లో కరస్పాండెంట్ అంటే కనీసం 45 ఏళ్ళు ఉంటాయని అనుకున్నాను.. కానీ చూస్తే నాకంటే చిన్న వ్యక్తి లా కనిపించారు.. ఆయన మాట్లాడుతూ ఇంకొక 2-3 ఏళ్ళల్లో దాతలు ఎవరూ లేకపోయినా కేవలం ఇంజినీరింగ్ కాలేజీ ఫండ్స్ తో జీవనిని నడిపేందుకు తను సిద్దంగా ఉన్నానని ప్రకటించారు.. అంత అవసరం ఎప్పటికీ రాదు.. కానీ నాకు జీవని కి ఆయన కమిట్మెంట్ శ్లాఘనీయం.. ఈయన తమ ఇంజినీరింగ్ కాలేజిలో పదివేల లోపు ఎంసెట్ ర్యాంక్ ఉన్న పేద విద్యార్థులు ఎవరైనా ఉంటే వారి దగ్గర ఫీజ్ తీసుకోమని పొయిన ఏడాది ప్రకటించారు.. ఈ ప్రకటన చూసి నేను ఆ సంస్థకు అభిమానిగా మారాను.. నేను ఇంజినీరింగ్ చదువుతున్న రోజులలో ఫీజు కట్టలేక చదువు మానేసిన వాళ్ళను చూశా కదా, బహుశా అందువల్ల కాబోలు!

ఆ తర్వాత ఫెర్రర్ గారి ప్రసంగం అందరినీ ఆకట్టుకుంది.. ఆ ప్రసంగం గురించి ఇప్పటికే వీజయమోహన్ గారు, రాజ్ చెప్పారు కద..తర్వాత బ్లాగర్ల ప్రతినిధిగా వికటకవి మైక్ అందుకొని తనదైన శైలిలో జీవని ముందున్న సవాళ్ళ గురించి చెప్పారు.. అంతే కాక పారదర్శకతకు పెద్ద పీట వేయడం వల్ల జీవని మీద బ్లాగర్లకున్న నమ్మకం గురించి చెప్పారు.. ఇదే స్పూర్తితో మనమందరం జీవని టీం కు అండగా నిలబడాల్సిన అవసరం ఎంతైనా ఉంది.
ఈ ప్రసంగాలు అవి అయ్యాక మా ముందు వరుసలో కూర్చున్న ఒక ముసలాయన నిదానంగా లేచి నడవడం మొదలు పెట్టాడు.. ఆయనకు 70+ వయసు ఉంటుంది.. కర్ర సాయంతో నడుస్తున్నాడు.. నేను సభ నుంచి వెళ్ళిపోవడానికి లేచాడనుకున్నా.. నిదానంగా వెళ్ళి వెయ్యి రూపాయలు డబ్బులు ఇచ్చాడు.. తిరిగి వెనక్కి వచ్చేటప్పుడు చూస్తే ఆయన జేబు క్రింద ఉన్న చొక్కా అంతా చిరిగిపోయి ఉంది.. నాకు ఎందుకో ఒక్క నిముషం కళ్ళు చెమర్చాయి.. చాలెంజ్ సినిమాలో చూపించిన ఆ ముసలమ్మ గుర్తుకు వచ్చింది.. వెయ్యి రూపాయలు సంపాదించడానికి ఎన్ని రోజులు కష్టపడాలో!
ఇవన్నీ సరే కానీ మేమందరం కూడా బాగా ఎంజాయ్ చేశాం.. కొందరు బ్లాగర్లు ఇప్పుడు అంటున్నారు మాకు తెలిసుంటే వచ్చేవాళ్ళం అని.. నిజమే! అందరం కలిస్తేనే సందడిగా బాగుంటుంది.. కుదిరితే ఆగస్ట్ నెలలో ఒక రెండు రోజుల జీవని యాత్ర వెయ్యడం బాగుంటుంది అని నాకనిపిస్తోంది.. అంటే శనివారం పొద్దున అనంతపురం వెళ్ళి ఆ రోజంతా ఉండి ఆదివారం పూర్తిగా పిల్లలతో గడపేటట్టుగా వెళ్ళాలి.. చూద్దాం, ఎంతమందికి ఈ ప్లాన్ నచ్చుతుందో, ఎంతవరకూ వర్క్ అవుట్ అవుతుందో చూడాలి..

జంధ్యాల గారి గురించి ఆదివిష్ణు గారు రాసిన వ్యాసం..

2011-06-20T08:09:00.000+05:30

జంధ్యాల గారు-ఆది విష్ణు గారు ఎంత మంచి మిత్రులో మనకు తెలిసిందే.. 2002లో జంధ్యాల గారి మొదటి వర్ధంతి సందర్భంగా ఆది విష్ణు గారు వ్రాసిన వ్యాసం లోని కొంత భాగం చిత్రమాలికలో ఇక్కడ చూడవచ్చు.. ఈ వ్యాసం 16జూన్-30జూన్,2002 హాసం పత్రికలో ప్రచురితం అయ్యింది..ఈ వ్యాసం ఒక ప్రముఖుడు మరో ప్రముఖుడి గురించి రాసినట్టుగా కాక కేవలం ఒక మిత్రుడి లేని వెలితి గురించి ఆదివిష్ణు గారు ఎలా రాశారో మనం చూడవచ్చు .. ఈ వ్యాసాన్ని ద్తొమ్మిదేళ్ళపాటూ భద్రపరిచినందుకు నాగురించి నాకే చాలా ఆనందంగా ఉంది..ఈ రోజు చిత్రమాలిక ద్వారా ఆ వ్యాసాన్ని ఆన్లైన్లో పెట్టే అవకాశం కలిగింది.. చిత్రమాలికలో వ్యాసం ఇక్కడ చూడగలరు..

చిత్రమాలికలో బద్రీనాథ్ రివ్యూ..

2011-06-13T10:45:00.001+05:30

మగధీర లాంటి మెగా హిట్ ఇచ్చిన గీతా ఆర్ట్స్ బ్యానర్ నుంచీ అలాంటి పెద్ద ఖర్చుతో, వినాయక్ లాంటి కమర్షియల్ డైరెక్టర్ నుంచీ వస్తున్న సినిమా అంటే అంచనాలు చాలా ఎక్కువగా ఉండటం సహజం. అలాంటి అంచనాల మధ్య ప్రేక్షకుల ముందుకు వచ్చిన చిత్రం “బద్రీనాథ్”..

పూర్తి రివ్యూ కోసం ఇక్కడ నొక్కండి..

బులుసేరియా మరియూ దాని పర్యవసానాలు..

2011-06-10T08:40:00.001+05:30

గత ఏడాది కాలంగా బ్లాగుల్లో బులుసేరియా అనే వ్యాధి బహు వేగంగా వ్యాపిస్తోందని ఇంటెలిజెన్స్ సమాచారం.. ఈ వ్యాధి లక్షణాలు ఏమిటి??వాటిని మొదట్లోనే తుంచేయడం ఎలా?? అసలు ఈ వ్యాధి కి గల కారణాలు ఏమిటి?? అనే విషయాల పై కొంత తిరిగిశోధన(re-search) చేసి ఈ క్రింది లక్షణాలు కలవారు బులుసేరియా వ్యాధిగ్రస్తులని నిర్ణయించడం జరిగింది..

1. ఏ వాస్తు జ్యోతిష్యాల గురించిన ప్రకటన చూసినా ఈ క్రింది వాక్యం గుర్తొచ్చి నవ్వడం..

>>ఆతర్వాత ఎ.సి తీసికెళ్ళి బాత్ రూములో పెట్ట౦డి. బెడ్ రూము ఒక అడుగు లోతు తవ్వి౦చ౦డి. బెడ్ రూములో మీమ౦చ౦ నాలుగు కోళ్ళలో రె౦డు సగానికి విరగ కొట్టి౦చ౦డి.

2. స్కూలుకుపొయ్యే ఏ చంటి పిల్లోడిని చూసినా ఈ క్రింది విషయం గుర్తొచ్చి ఎక్కడ ఉన్నామో కూడా చూసుకోకుండా పగలబడి నవ్వడం.

>>తోడన్ నే తోడలేక ఛస్తుంటే తోకలాగ తోన్ ఏమిటిరా అని ఏడ్చేవాడు మాబండోడు.

3. కాంఫరెన్స్ రూం లో మీటింగ్ ఉన్నప్పుడు బాసు పక్కనే ఉన్నా కూడా ఈ క్రింది వాక్యం గుర్తొచ్చి పళ్ళికిలించడం..

>>బాసింపట్టు వేసుకొని రెండు చేతులు వళ్ళో పెట్టుకొని కళ్ళుమూసుకొని ఘృతాచి మీద మనసు లగ్నం చేసి కూర్చుంటాను.

4.ఏ భార్యా భర్తాలు మాట్లాడుకుంటున్నా ఈ క్రింది విషయాలు గుర్తొచ్చి ముసిముసిగా నవ్వడం.. వాళ్ళు సీరియస్ గా చూస్తే ఏం చెప్పాలో అర్థం కాక తింగరి ఫేస్ పెట్టడం :(

>>ఉద్యమిస్తే పొయేది ఏమీలేదు భార్య తప్ప పద౦డి ము౦దుకు పద౦డి పద౦డి.

5.పార్కుల్లో, మాల్స్ లో ఒక అమ్మాయి &అబ్బాయి కనిపిస్తే ఈ క్రింది వాక్యాలు గుర్తు రావడం.. ఆ తర్వాత ఏం జరుగుతుందో మీకు తెలిసే ఉంటుంది..

>>“ఐ యామ్ తెగ లవింగ్ యు డార్జిలింగ్, సిమ్లా, కులుమనాలి”

6. Appraisal Discussionలో క్రింది పద్యం చెప్పుకోవాలనిపించడం.. అంత సీరియస్ టైం లో నవ్వాపుకోలేకపోవడం

>>లావొక్కింతయు లేదు, ఎవనిచే జనించు, కానరార కైలాస నివాస, అంటూ పద్యాలు, పాటలు పాడుకుంటున్నాను లోలోపల.

7. అమ్మా నాన్నలతో ఎప్పుడు మాట్లాడినా ఈ క్రింది వాక్యం గుర్తుకు వచ్చి "హహహ" అని వికట్టాట్టహాసం చెయ్యడం..

>>అయినా ఈ తల్లిదండ్రులకు, ఇల్లా పిల్లలని ముఖ్యంగా మగపిల్లలని సంసార కూపంలో పడవేసి వాళ్ళు మునగలేక, తేలలేక ’హే కృష్ణా, ముకుందా, మురారీ’ అని పాడుతుంటే విని ఆనందించాలనే బలీయమైన కోరిక ఎందుకు కలుగుతుందో నాకు అర్ధం కాదు

8. పెళ్ళిల్లలో నగలు దిగేసుకున్న జనాలను చూసి ఈ క్రింది వాక్యం గుర్తుకురావడం.. నవ్వితే ఏదో ఘోరాం చేసినట్టు వాళ్ళు చూడటం

>>కదిలే మార్వాడీ కొట్టు లాగ అడుగులో అడుగు వేసుకుంటూ, బంగారం వాసన వేస్తూ తిరిగే మహిళా మణుల మధ్య నించి, నన్ను లాక్కేళ్ళి అబ్బాయి దగ్గర దిగపెట్టేడు.

వీటన్నిటినీ మించి నా ఫేవరేట్ టపా మాత్రం ఇదే "మీ ఆయన మిమ్మలని ఎంతగా ప్రేమిస్తున్నాడు?" ఇప్పటికి కనీసం 30 సార్లు చదివుంటాను.. :D అసలు మనల్ని ఇంతగా వెంటాడిన బులుసుగారిని కిడ్నాప్ చేస్తే ఎలాఉంటుంది అని ఆలోచించా.. ఏలూరులో ఉన్నానని మాష్టారు చెప్పేశారు కనుక ఇక మిగిలింది సూమోలను దించడమే అనుకున్నా.. కానీ ఆ తర్వాత మోకాల్లో బల్బు వెలిగింది.. తీరా అక్కడికెళ్ళాక ఈయన ఇంకెన్ని విషయాలు చెప్పేస్తారో అసలు కిడ్నాప్ చేసేలోపు మనం నవ్వి నవ్వి సృహ తప్పచ్చేమో అని డౌట్ వచ్చింది.. అందుకని భయపడి ఆ ప్రాజెక్ట్ వదిలేశా.. సీమ లో పుట్టినందుకు ఒక్కటైనా ఫ్యాక్షన్ పని చేద్దామనుకున్నా..

చీ! నాకోరిక ఇలా మట్టికొట్టుక్పోయింది :(

కాబట్టి కామ్రెడ్స్ నేను చెప్పేదేమిటంటే బ్లాగుల్లో ప్రస్తుతం ఉన్నవి రెండు వర్గాలు:
1. బులుసేరియా బాధితులు
2. కాదని అబద్దం చెప్పేవాళ్ళు
మీరే వర్గం వారో మీరే తేల్చుకోండి.. నేను మాత్రం మొదటి వర్గం ఒప్పేసుకుంటున్నా!

గమనిక: సెలయేరులా మొదలైన బులుసుగారి నవ్వులప్రవాహం జీవనదిలా మారి మనందరినీ తడిపిముంచెత్తింది.. ఆ హాస్యపు జల్లు మొదలై వచ్చే వారానికి(14 జూన్) ఒక ఏడాది.. ఆ రోజు నాకు పోస్ట్ వెయ్యడం కుదరకపోవచ్చు అందుకని కూసింత ముందుగానే రాస్తున్నా.. హిహిహి!!

ఆ ముసలోడు చచ్చాడు..

2011-06-09T13:36:00.000+05:30

హైందవ ద్వేషమే ఆలంబనగా జీవించిన ఆ ముసలోడు చచ్చాడు..
సనాతన విశ్వాసాలు ఈ దేశం లో ఎంత హీన స్థితిలో ఉన్నాయో చెప్పిన ఆ ముసలోడు చచ్చడు..
దేవతామూర్తుల వలువలూడదీసి నగ్నత్వమే పవిత్రత అని బొంకిన ఆ ముసలోడు చచ్చాడు..
మరి అంత పవిత్రమైన నగ్నత్వాన్ని తన మతం వారికి ఆపాదించలేని ఆ ముసలోడు చచ్చాడు..
హిందువుల చేతకానితనానినికి నిలువెత్తు నిదర్శనంగా నిలిచిన ఆ ముసలోడు చచ్చాడు..
ఈ కర్మభూమిన హిందువుల ప్రారబ్దం ఏమిటో చాటిచెప్పిన ఆ ముసలోడు చచ్చాడు..
లౌకికత్వం పేరుతో హైందవ ధర్మం పైన జరుగుతున్న దాడికి సాక్షిగా నిలిచిన ఆ ముసలోడు చచ్చాడు..
హైందవ జాతిలోని అనైఖ్యతను సొమ్ము చేసుకున్న ఆ ముసలోడు చచ్చడు..

ఇప్పుడే చూస్తున్నా.. ఆ బూతుబొమ్మల ముసలోడు చచ్చాడంట.. జనాలు తెగ సానుభూతి చూపిస్తుంటే ఊరుకోలేక ఇది రాశా..

కమ్యూనిస్టు రక్త చరిత్ర- ఇండియన్ వర్షన్

2011-06-06T08:25:00.000+05:30

http://www.andhrajyothy.com/pdffiles/2011/Jun/5/main/

(ఆంధ్రజ్యోతి ఆదివారం పేపర్లో వచ్చిన ఈ కథనం చూడగలరు.. 5వ పేజి క్లిక్ చేసి పీడి ఎఫ్ గా డౌన్లోడ్ చేసుకోగలరు.. )

కమ్యూనిష్టులు చెప్పే సమసమాజ స్థాపన లోని డొల్ల తనాన్ని బయటపెట్టే నిజాలు ఒకటొకటిగా వెలుగు చూస్తున్నాయి.. బెంగాల్ లో 34 ఏళ్ళ పాటూ పాలించాం అని జబ్బలు చరుచుకునే ఈ గోముఖ వ్యాఘ్రాలు అసలు అన్నాళ్ళు తమ అధికారాన్ని నిలుపుకోవడానికి ఏం చేశారో సాక్ష్యాలతో సహా బయటకు వస్తుంటే ఇలాంటి రాక్షస మూక కు ఆధునిక సమాజం లో చోటు ఎలా దక్కింది అని సగటు పౌరుడు ముక్కున వేలేసుకుంటున్నాడు.. మిడ్నాపూర్ లో మమతా బెనర్జీకి వోటు వేస్తామన్న పాపానికి కాళ్ళూ చేతులు పోగొట్టుకున్న వారి గురించి జాతీయ మీడియా లో చూశాం.. కానీ ఇప్పుడు బయట పడుతున్న ఈ కంకాళాలు హిట్లర్ కాలం నాటి హోలోకాస్ట్ ను గుర్తుతెస్తున్నాయి.. బహుశా స్వత్రంత భారత చరిత్రలో ఇలా హిట్లర్ వారసులను చూడటం ఇదే ప్రధమం కాబోలు.. ఎమర్జెన్సీకి వ్యతిరేకంగా పోరాడామని చెప్పుకునే కమ్యూనిష్టులు తమ అధికారం కోసం అదే పంథాను అనుసరించి తామూ ఆ తాను లో ముక్కలమే అని తెలుపుకోవడం కొసమెరుపు..

ఇంకా కామెడీ విషయం ఏమిటంటే, ఈ రాక్షస మూకలు బాబా రాం దేవ్ దీక్ష గురించి చులకనగా మాట్లాడటం.. ఈ దివాళాకోరు మేధావులు చేసిన ఏ ఉద్యమానికైనా ఇంత ప్రజామద్దతు లభించిందా?? నా ఇంజినీరింగ్ రోజులలో మా సీనియర్ ఒకతను ఒక మాట చెప్పేవాడు.. ప్రస్తుతం ప్రపంచాన్ని మానవసమాజం మనుగడకు పెను సవాళ్ళుగా ఉన్నవి రెండు:1. ఎయిడ్స్ 2. కమ్యూనిజం
ప్రస్తుత పరిస్థితులు చూస్తుంటే ఎందుకో అతని మాటలు పదే పదే గుర్తుకు వస్తున్నాయి.. ఎన్ని దేశాలను నాశనం చేశారో, ఎన్ని లక్షలమందిని చంపరో.. బహుశా లెక్క కట్టడం సాధ్యం కాకపోవచ్చు.. మనదేశం లాంటి బలమైన ప్రజాస్వామ్య దేశం లోనే వీళ్ళ ఆగడాలు ఇలా ఉంటే ఇక మిగతా దేశాల గురించి ఆలోచించడం అనవ సరం..

ఇంద్రకంటి కార్తికేయ

విజయ సౌరభాలలో గుండమ్మ కథ

2011-05-23T23:17:00.000+05:30

చిత్రమాలిక విజయసౌరభాలు కేటగిరీ లో ఈ నెల గుండమ్మ కథ సినిమా గురించిన వ్యాసం ప్రచురింపబడింది.. ప్రముఖ బ్లాగర్ మాలాకుమార్ గారు ఈ వ్యాసం రాశారు..

చిత్రమాలిక లో బద్రినాథ్ ఆడియో రివ్యూ..

2011-05-10T07:48:00.002+05:30

భారి సినిమాలు తీసే వి.వి.వినాయక్ దర్శకత్వం లో వస్తున్న చిత్రం "బద్రినాథ్", ఇప్పటికే సినిమా ట్రైలర్స్ చాలా హైప్ సృష్టిస్తున్నాయి.. ఈ సినిమా రివ్యూ చిత్రమాలిక లో ఇక్కడ చూడండి

మిష్టర్ పర్‌ఫెక్ట్ ఎందుకు బాగుంది?? చిత్రమాలిక లో

2011-04-25T13:03:00.000+05:30

మిష్టర్ పర్‌ఫెక్ట్ సినిమా ఎందుకు హిట్ అయ్యింది??
ప్రభాస్ వల్లా?? కాజల్ వల్లా?? లేక దర్శకుడి వల్లా??

ఇక్కడ చదవండి !!!

చిత్రమాలిక లో విజయ సౌరభాలు

2011-04-17T23:38:00.000+05:30

తెలుగు చిత్ర చరిత్రలో విజయ బ్యానర్ కు ఉండే ప్రత్యేకత తెలిసిందే.. చిత్రమాలికలో విజయా వారి సినిమాల గురించి వ్యాస పరంపర కోసం కొన్ని రోజులుగా ప్రయత్నాలు చేస్తున్నాం.. అవి కొంత వరకూ ఫలించి ఈ రోజు ప్రముఖ బ్లాగర్ తృష్ణ గారు పాతాళ భైరవి సినిమా గురించి రాశారు.. ఇవే కాక విజయా వారి సినిమా గురించి మరికొన్ని వ్యాసాలు విషయాలు సేకరించి చిత్రమాలిక పాఠకులకు అందించాలని మా ప్రాయత్నం.. ఎవరికైనా విజయా వారి సినిమాల గురించిన విషయాలు పాఠకులతో పంచుకోవాలంటే దయచేసి నన్ను సంప్రదించండి(karthikeya.iitk@జీమెయిల్)

-కార్తీక్

ఎంతమందికి ఈ పాట తెలుసు???

2011-03-28T21:58:00.000+05:30

గుప్పెడు మనసు సినిమాలో ఉన్న "నేనా పాడనా" అనే ఈ పాట గురించి మీకు తెలుసా??? చిత్రమాలికలో ఈ పాట పై వచ్చిన వ్యాసాన్ని ఒకసారి చదవండి.. ఇక్కడ నొక్కండి

సోదరులారా!! ఒక విన్నపం

2011-03-11T00:10:00.000+05:30

ముందుగా, మీ సమయం వెచ్చించి నా బ్లాగుకు వచ్చినందుకు శిరస్సు వంచి నమస్కరిస్తున్నాను..

ముందుగా ఒక చిన్న చందమామ కథ చెబుతాను శ్రమ అనుకోకుండా చదవండి..

ఒకానొక కాలం లో బోధిసత్వుడు కాశీ రాజుగా జన్మించాడు.. ఆయన ఒకరొజు తన రథం లో విహరిస్తుండగా ఒకానొక ఇరుకైన మార్గం లో రథం పోవలసి వచ్చింది.. ఆ మార్గం లో సగం దూరం వెళ్ళాక మరొక వైపు నుంచీ మరొక రథం వచ్చి ఎదురుగా నిల్చింది.. ఇరుకైన ఆ మార్గం లో ఎవరో ఒక రథం వారు వెనక్కు మళ్ళితే తప్ప మరొకరు ముందుకు పోవడం కుదరదు.. ఇంతలో అటు వైపు రథ సారథి ఆ రథం లో ఉండేది మరొక దేశం యొక్క రాజని అందువల్ల బోధిసత్వుని రథం వెనక్కు మళ్ళించమని చెప్పాడు.. బోధిసత్వుని రథసారథి కూడా ఈ రథం లో ఉండేది కాశీరాజని కనుక ఆ రథాన్ని వెనక్కు మళ్ళించడం కుదరదని జవాబిచ్చాడు.. ఇలా మొదలైన సంవాదం వివాదం లా మారి మా రాజ్యం గొప్ప అంటే మా రాజ్యం గొప్ప అనే స్థాయికి చేరింది.. అందులోను ఎవరి వాదన పైచేయి కాలేదు కనుక మా రాజు గొప్ప అంటే మా రాజు గొప్ప అనే వాదన మొదలింది.. ఆ సందర్భం లో ఆ రథసారథి తమ రాజు భృత్యులను రక్షిస్తాడని ప్రేమించేవారిని అభిమానిస్తాడని ద్వెషించేవారిని శిక్షిస్తాడని చెబుతాడు.. అది విన్న కాశీ రథ సారథి తమ రాజు భృత్యులను ఆదరిస్తాడని ద్వేషించిన వారిని ప్రేమతో జయిస్తాడని చెబుతాడు.. ఈమాట విన్న వెంటనే మరొక రథం లో ఉండే రాజు బోధిసత్వుని దగ్గరకు వచ్చి ఆయన గొప్పతనానికి శిరస్సు వంచి తన గురువుగా ఉండమని వేడుకుంటాడు..(ఆఖరి సంభాషణ పద్యాలలో జరుగుతుంది.. ఆ పద్యాలు చాలా బాగుంటాయి.. కానీ నేను మరిచిపోయాను)

ఈ కథ చెప్పడానికి కారణం ఈరోజు జరిగిన దుస్సంఘటన అని వేరే చెప్పక్కర్లేదు కదా!! ప్రస్తుతం మన రాష్ట్రం లో కూడా సీమాంధ్ర-తెలంగాణ అనే రెండు రథాలు ఒకే మార్గం దగ్గర నిలిచిపోయాయి.. ఈ రోజు జరిగిన దాన్ని గుణపాఠం గా తీసుకుని ఇకనైనా ఈ ద్వేష ప్రచారాన్ని ఆపుదాం.. ఈ విషయం నేను తెలంగాణా మితృలకు చెబితే వాళ్ళు అర్థం చేసుకోకపోవచ్చు.. కనీసం సీమాంధ్ర సోదర/సోదరీమణులన్నా జరిగినది ఒక పీడకలగా భావించి ఎటునుంచి ఏం జరిగినా మన మనస్సులో ద్వేషమనే భావనకు ఆస్కారం ఇవ్వకుండా తెలంగాణ సోదరులను ఆదరించాలని విజ్ఞప్తి చేస్తున్నాను.. మితృలారా! ద్వేషాన్ని జయించగల ఏకైక ఆయుధం ప్రేమ/అభిమానం మాత్రమే.. తెలంగాణ ప్రజలు మనల్ని ఈరోజు ద్వేషించచ్చు మనకు గురుతుల్యులైన వాళ్ళ విగ్రహాలు ధ్వంసం చేసి ఉండచ్చు కానీ మనం మాత్రం వారిని మునుపుకంటే ఎక్కువ ఆదరం తో చూద్దాం.. ఎందుకంటే, the need of the hour is not winning enemies but enemity..

జరిగినదానికి మొత్తం బాధ్యత తెలంగాణ వాళ్ళదే అని, మాకు ఏం సంభందం లేదని అనుకోవడం ప్రస్తుత పరిస్థితులలో కుదరదు.. ఇది మన కోసం మన భవిష్యత్ తరాల కోసం చేయాల్సిన గురుతర బాధ్యత.. మండుతున్న తెలంగాణ ను క్రోధం తో కప్పెట్టేదానికంటే అభిమానం తో చల్లార్చాలి.. వాళ్ళు తాలిబన్ పనులు చేశారని మనం అమెరికా లా దమనకాండకు దిగడం ఎంతవరకూ సబబు?? కనుక జరిగిన దానికి తెలంగాణ వారి పై కోపాన్ని ప్రదర్శించక ప్రేమ/అభిమానం తో వాళ్ళను అర్థం చేసుకోండి.. ఈరోజు కాకపోయినా రేపైనా మన జాతి ఉమ్మడిగా నిలబడాలంటే ఇది మన తక్షణ కర్తవ్యం.. శాంతం సముద్రం కంటే గొప్పది సోదరా!

ఇది చాలా కష్టమైన పని అని తీసిపారేయకండి, ఈ దేశం లో హిందువులు ముస్లింలు కలిసి బ్రతుకుతున్నప్పుడు తెలంగాణ-సీమాంధ్ర ప్రజలు ఎందుకు బ్రతకలేరు?? ఔరంజేబు కాలం లో బ్రాహ్మణులను చంపి వారి జంధ్యాలతో నీళ్ళు కాచుకుని ఔరంగజేబ్ స్నానం చేసేవాడట.. అలాంటిది ఈ రోజు మనం ఒక ముస్లిం ను భారత రాష్ట్ర పతిగా చేశాం.. అలాంటప్పుడు తెలుగు వారందరూ పరస్పర ద్వేషాన్ని ఎందుకు జయించలేరు?? కానీ ఎవరు మొదటి అడుగు వేస్తారనేదే అసలు ప్రశ్న?? ప్రస్తుతం ఉన్న పరిస్థితిలో సీమాంధ్ర ప్రజలే ఈ శాంతిస్థాపనకు పూనుకోవాలి.. కనుక నా వంతుగా "తెలబాన్లు" అనే పదాన్ని బ్లాగుల్లో మనం త్యజించాలని అందరికీ విజ్ఞప్తి చేస్తున్నా..
నేను ఈ క్రింద ఇచ్చిన సందేశాన్ని నా తెలంగాణ సోదరులందరికీ పంపుతున్నాను.. మీ అందరినీ కూడా మీకు తెలిసిన అందరు తెలంగాణ వాస్తవ్యులకు, విదేశాలలో ఉండే తెలంగాణ సోదరులకు పంపమని మనవి చేస్తున్నాను..

Dear Telangana friend,

Today's incident at Tankbund have immensely hurt my sentiments as I have an emotional attachment with those statues..this is completely unexpected and uncalled for.. Words like horriible, miserable will not suffice to explain the agony I'm going through.. Having said that, I still respect brotherhood that we share and promise you all my support in the hour of any need.. All I want to convey is few sweet words, which goes like "I BELONG TO YOU"

Hugs and wishes,

urs ever,

-Karthik

నేను చెబుతున్న ఈ విషయం చాలామందికి ఒక అర్థం లేని పనిగా అనిపించవచ్చు.. కానీ మిత్రమా, మానవ మనుగడకు పరస్పర అనుభందం కంటే పెద్ద కారణం లేదని విజ్ఞులైన పాఠకులకు చెప్పాల్సిన పనిలేదనుకుంటా.. ఒక్కసారి మన పొరుగుదేశం లో ఏం జరుగుతుందో చూడండి, ప్రతీ రోజు ఒక బాంబు దాడి, పదులలో ప్రజలు దుర్మరణం.. అర్థం లేని ద్వేషం తో ఒక సమాజం ఎలా కుదేలైపోతుంది అనేదానికి అంత కంటే పెద్ద ఉదాహరణ అవసరమా??? గత దశాబ్దంగా జరుగుతున్న ఈ విషపర్వానికి స్వస్తి వాచకం పలుకుదాం.. లేకుంటే మరొక 20ఏళ్ళ తర్వాత మనం కూడా మరో పాకిస్తాన్ లా మారుతాం అనే దాన్లో నాకు ఎటువంటి సందేహం లేదు.. బయటకు వెళ్ళిన మీ పిల్లలు ఇంటికి తిరిగివస్తారనే నమ్మకం లేని రోజులను మీరు చూడాలనుకుంటున్నారా?? ఎన్నాళ్ళీ ద్వేషపాశం?? ఎంత కాలం ఈ వీధిపోరాటాలు???

పరమేశ్వర కృపా కటాక్ష సిద్దిరస్తు,
సర్వేజనా సుఖినోభవంతు
-కార్తీక్

చీకటి రహస్యాలు - 2

2011-03-08T22:46:00.002+05:30

నా చీకటి రహస్యాలు-1 చదవని వారు ఇక్కడ నొక్కి చదవండి.. (ఈ మధ్య నా బ్లాగుకు హిట్లు లేవు బాబూ అందుకే ఇలాంటి ప్రమోషన్ ట్రిక్స్)

ఇహ పోతే ఈసారి విషయాలు:

నేను చదివింది ఇంగ్లీష్ మీడియం.. చిన్నప్పటి నుంచీ టీచర్లు రెక్కలు ముక్కలు చేసుకుని చదువు చెప్పారు.. నేను మాత్రం పుస్తకాలను ముక్కలు ముక్కలు చేసి చదివాను.. కాబట్టి ముక్కలు ముక్కలుగా వచ్చింది తప్ప శుద్దంగా రాలేదు.. అసలు నన్ను స్కూల్ లో చేర్పించక ముందే మా అత్త(నా మొదటి టీచర్) నాకు ఇంగ్లీష్ అక్షరాలు నేర్పిందట.. కానీ నేను మాత్రం అలాంటి చేదుగుళికలను ఎప్పటికప్పుడు మర్చిపోతూ మనసును తాజాగా ఉంచుకునేవాడిని.. ఒకటో రకం అక్షరాలు ఎలాగో గుర్తుండిపోయాయి కానీ రెండో రకం మాత్రం మా చెడ్డ కష్టం అయిపోయాయి..అందువల్ల నాకు చానాళ్ళపాటూ అంటే ఆరు-ఏడు తరగతుల వరకూ "b" కి "d" తేడా తెలియదు.. ఒకసారి మా మేడం ఒకామె  బోర్డ్ మీద "బి","డి" రాయమని చెప్పింది నేను ఏ మాత్రం భయపడకుండా "B " "D " రాసి వచ్చా.. దురదృష్ట వశాత్తు ఆమె చేతిలో ఆ రోజు ఒక కర్ర ఉండటం సంభవించింది.. ఆ తర్వాత ఏం జరిగిందో మళ్ళీ సెపరేటుగా చెప్పాలా?? 

ఇక చిన్నప్పటి నుండీ నాకు పరీక్షలంటే విపరీతమైన విరక్తి.. ఎందుకో నాకిప్పటి వరకూ తెలియదు.. అందువల్ల ఎప్పుడు పరీక్ష ఉన్నా విరక్తి వల్ల కలిగిన బాధతో సగం పేపర్ ప్రశ్నలు మాత్రమే రాయగలిగేవాడిని సారీ రాసేవాడిని.. కానీ మా టీచర్లు కొంచెమన్నా జాలీ దయ అనేది లేకుండా నేను రాసిన సగం లో సగం మార్కులు కోసేవాళ్ళు.. అందువల్ల నాకు పెద్ద పెద్ద మార్కులు వచ్చిన దాఖలాలు చాలా తక్కువ.. లెక్కలు, తెలుగు తప్పిస్తే ఇంక దేంట్లో మనకు మార్కులు వచ్చేవి కాదు.. అందరూ potential energy/kinetic energy అని స్కూల్ లో చదువుతారు నేను మాత్రం అవి ఇంటర్ కొచ్చాక నేర్చుకున్నా.. దేని కైనా టైం రావాలి అనే ఆధ్యాత్మిక సిద్ధాంతాన్ని అప్పుడే అర్థం చేసుకున్నా!! (తర్వాత తర్వాత గొప్ప గొప్ప టీచర్ల పుణ్యమా అని కొంత చదువు అబ్బింది లేండి, అది వేరే విషయం)

మరొక రహస్యం ఏమిటంటే, కాన్పూర్ కి వెళ్ళే ముందు వరకూ నేనెప్పుడూ నార్త్ ఇండియన్ భోజనం తినలేదు.. ఈ నాన్, రోటీ లాంటివి దూరదర్శన్ వారి కార్యక్రమాలలో చూడటం తప్ప నిజంగా ఎప్పుడూ చూడలేదు.. ఇలాంటి నేను హాస్టల్ లో చేరిన కొత్తలోఎవడో పార్టీ ఇస్తుంటే ఫ్రీగా మెక్కడానికి (మరే! మన ఖాతా అప్పటి నుండే రన్ అవుతోంది) మా కాంపస్ కు దగ్గరగా ఉన్న లక్కీ  రెస్టారెంట్ అనే చోటికి వెళ్ళాను.. మనకు ఆ పదార్థాల పేర్లు కూడా మార్తాండ కథలోని పాత్రల్లా అనిపిస్తున్నాయి..అందుకని ఏం పలక్కుండా ఏం ఆర్డర్ ఇస్తే అది వెజిటేరియన్నా కాదా అని ఆ బుక్కులో చూస్తున్నా.. కాసేపటికి మనకు క్లారిటీ వచ్చింది..అక్కడ ఎవడో ఏదో ఒక తింగరి సూప్ ఆర్డర్ ఇచ్చాడు.. దానిలోకి టొమాటో సాస్ ఏసుకుని తాగాలి/తినాలి.. .. హమ్మయ్య అనుకున్నాను.. వెంటనే ధారాళంగా " రేయ్ ఆ  సాస్  ఇలా ఇవ్వు ఈ సూప్ వేసుకుని తాగాలి నేను" అని అరిచాను.. ఒక్క నిమిషం పొరపాటున అన్నాను అనుకున్నారు.. కానీ వాడు పలకలేదని నేను మళ్ళీ అరిచాను..ఒక రెండు నిమిషాల పాటూ నా చుట్టూ కూర్చున్న 7-8మంది మౌనం పాటించారు.. ఆ తర్వాత ఒకడు మెల్లగా వచ్చి అడిగాడు ఏ ఊరు మనది అని, నేను మీసం మెలి తిప్పి చెప్పా కడప అని (బ్యాక్ గ్రౌండ్లో  "ఇంద్ర" మ్యూజిక్ వచ్చింది)..

 వాడన్నాడు  "ఒరే బాబూ ఇంకెప్పుడూ నువ్వు నీ విజ్ఞాన ప్రదర్శన చెయ్యనని ఈటీవి సుమన్ మీద ఒట్టేయమని" బ్రతిమాలాడు.. పెద్ద ముండావాడు బ్రతిమాలాడు కదా అని ఓకే అనేశా.. అందుకే ఇప్పటికీ బయట తినాలంటే ఫుల్ మీల్స్ ఉన్న రెస్టారెంట్లకు మాత్రమే వెళతాను.. వాటినే ఇక్కడ ఆంధ్రా హోటల్స్ అని అందరూ అంటుంటారు :)

కార్తీక్

చిత్రమాలిక సంక్రాంతి వ్యాస రచన పోటీ..

2010-12-20T19:43:00.000+05:30

అందరికీ నమస్కారం..

సంక్రాంతి పండుగకు తెలుగు చిత్రపరిశ్రమకు ఉన్న అనుభంధం గురించి నేను వేరే చెప్పనక్కరలేదు. అటువంటి పండుగ రోజు చిత్రమాలిక కూడా సంక్రాంతికి వ్యాసరచన పోటీ పెట్టి ఔత్సాహిక రచయితలకు బహుమతులివ్వాలని సంకల్పించింది.. కనుక క్రింద చెప్పబడ్డ నియమాలకు అనుగుణంగా వ్యాసాలు పంపమని మనవి.

నియమాలు:

1. ఫలానా టాపిక్ మీద మాత్రమే అంటే మన ఆలోచనా పరిధి కుంచుకుపోతుంది కనుక సినిమాలకు సంబంధించిన ఏదైనా టాపిక్ మీద రాయగలరు.. ఉదా: మీకు బాగా నచ్చిన చిత్రం లేదా హిట్ అవుతుంది అని మీరనుకుంటే ఫ్లాపయ్యి మిమ్మల్ని నిరాశపరిచిన చిత్రం, ఇప్పటివరకూ పరిశ్రమలో వచ్చిన కొన్నొ విలక్షణ చిత్రాల ట్రెండ్, వగైరా వగైరా..

2. భారత కాలమానం ప్రకారం జనవరి 3వ తారీకు సాయంత్రం 4 గం. లోపల మాకు(chitram.maalika@gmail.com) కు పంపాలి..

3. ఏ భాషా చిత్రాల గురించైనా అయ్యుండచ్చు..

4. ఒక వ్యక్తి ఒక వ్యాసం మాత్రమే పంపాలి..

బహుమతి:

తొలి ఐదు స్థానాల్లో నిలిచిన వ్యాసాలు రాసిన రచయితలకు గిఫ్ట్ హాంపర్స్ ఇవ్వాలని అనుకుంటున్నాము..

ఈ పోటీకి న్యాయ నిర్ణేతలుగా ఉండటానికి పెద్ద మనసుతో ఒప్పుకున్న శిరాకదంబం బ్లాగర్ శ్రీ యస్.ఆర్. రావు గారికీ మరియూ నెమలికన్ను బ్లాగర్ మురళి గారికి, అనేక నెనర్లు..

కార్తీక్

ఇంకా ఏమైనా సందేహాలుంటే దయచేసి కామెంట్లలో అడగండి..

కమ్యూనిజం అంటే???

2010-12-01T23:25:00.003+05:30

కమ్యూనిజం గురించి తెలుసుకోవాలంటే...

మసకబారిన మానవత్వానికి మూగసాక్షిగా నిలిచిన తియోన్మెన్ స్క్వేర్ ను అడుగు..
ఖ్మేర్ రోగం తో కుప్పకూలిన సగటు కంబోడియా పౌరుడినడుగు..
అనువుగాని చోట అధికులమని ఆఫ్ఘన్ లో ఆశపడ్డ రష్యానడుగు..
ఇంకా తెలియలేదా కామ్రేడ్??

టిబెట్ పౌరల మృత్యుహేళి కమ్యూనిజం..
కోరియా విస్పోటనం కమ్యూనిజం..
బీటలు వారిన జర్మన్ గోడ కమ్యూనిజం..

ఇక మన బ్లాగు కామ్రేడ్లు చేస్తున్న గోబెల్స్ ప్రచారాన్ని చూద్దాం:
కమ్యూనిజం అంటే శాంతి సామరస్యలతో కూడిన సమ సమాజం నిర్మాణం. దాని భావం అదే.

ROFL.. ప్రపంచం లో ఎక్కడైనా కమ్యూనిస్టులు అధికారం లో ఉండి ప్రశాంతంగా ఉన్న రాజ్యాలు ఉన్నాయా?? చైనా నుంచీ అల్బేనియా వరకూ కమ్యూనిజం దెబ్బకు కుదేలవని సమాజం ఎక్కడైనా ఉందా కామ్రెడ్స్??

పాపం, ఆ కంబోడియా అంత చిన్న దేశం లో మూడేళ్ళలో తమరి కామ్రెడ్స్ దాదాపుగా రెండు మిలియన్ల ప్రజలను లేపేశారట (అంటే ఆ దేశ జనాభాలో అక్షరాలా 21% హాం ఫట్!).. ఇక స్టాలిన్ గురించి ఎంత తక్కువ మాట్లడుకుంటే అంతమంచిది.. బ్రాందీ సీసాల మధ్య సోడా బాటిల్లా ఉన్న క్యూబా మాత్రమే కొంతవరకూ మినహాయింపు..అక్కడ కూడా లోపల ఏం జరుగుతోంది అనే విషయం ఎవరికీ తెలియదు.. కనుక కామెంటు చెయ్యలేం.. క్యాస్ట్రో నాయకత్వ పటిమ వల్ల మనుగడ సాగిస్తున్నారని నా అభిప్రాయం..

NEXT:
ఈ లాభాలు గుట్టల్లా పేరుకుపోయి ఆ శ్రామికుల డబ్బును సొంతం చేసుకుంటాడు. అదే పెట్టుబడి మోసమంటే.

మరి ఆ పెట్టుబడి మోసమైతే రతన్ టాటాను బెంగాల్ లో పెట్టుబడి పెట్టమని బుద్దదేవ్ గారు అంత కిందా మీదా ఎందుకు పడ్డారు?? ఆ మాత్రం కార్ల ఫ్యాక్టరీ బెంగాల్ గవర్నమేంట్ చేత పెట్టించలేకపోయారా??

పెట్టుబడి అంతే కేవలం డబ్బు మాత్రమే కాదు కామ్రెడ్స్.. ఒక వ్యక్తి/బృందం యొక్క ఆలోచనలు/పని తత్వం కూడా.. ఆ ఆలోచనలతో నలుగురికి ఉపాధి కల్పించి వారి కడుపు నింపడం ఏ రకంగానూ తప్పు కాదు.. ఇక వీళ్ళ లాజిక్ ప్రకారం అది కడుపు నింపడం కాదు కడుపు కొట్టడం అంటే అసలు ఆ ఫ్యాక్టరీయే లేకపోతే ఉపాధి ఎక్కడి నుంచీ వస్తుంది?? ఒక విషయం వినండి కామ్రేడ్స్, మీ దృష్టిలో పెట్టుబడిదారులుగా, మీ వర్ణనలలో దోపిడీదారులుగా ఉన్న టాటా కుటుంబం తమ లాభాలలో 2/3 వంతులు సమాజం కోసం ఖర్చుపెడుతుంది..

NEXT..

ఆ తర్వాత కంపెనీ అరాచకాలను అడుగడుగునా ఎదురు నిల్చి ప్రాణాలను తృణప్రాయంగా భావించి ఉరికంభమెక్కిన భగత్‌సింగ్‌ కమ్యూనిస్టుగాక మరెవరు. అంతేనా నైజాం అరాచకాలను..తెలంగాణా దొర వ్యవస్థను..రజాకార్లను తరిమితరిమి నీళ్లుతాగించిన తెలంగాణా రైతాంగ సాయుధ పోరాటానికి నేతృత్వం వహించింది కూడా కమ్యూనిస్టేలే.

ఈ విషయం లో నేను చాలావరకూ ఏకీభవిస్తాను.. రజాకార్ల ఉద్యమంలో కమ్యూనిష్టుల పాత్ర ఎంతో ఘనమైనది. దానికి ఆ యోధులకు శిరసు వంచి లాల్ సలాం! కానీ ఆ ఉద్యమం కేవలం వారిది మాత్రమే అనడం కరెక్ట్ కాదు.. ఎందుకంటే ఒక వైపు కమ్యూనిష్టులు ఎంతగా పోరాడారో మరో వైపు ఆర్యసమాజ్ కార్యకర్తలు కూడా ఎంతో శ్రమలకోర్చి ప్రజలలో చైతన్యాన్ని తీసుకువచ్చారు.. ఒక రకంగా చెప్పాలంటే రజాకార్ ఉద్యమానికి కమ్యూనిష్టులు, ఆర్యసమాజ్ రెండు కళ్ళ లాంటి వారు.. అందుకు మన తరాలు వాళ్ళకు ఎంతగానో రుణపడి ఉన్నాయి..

ఇక 2జీ కుంభకోణాం గురించి, కమ్యూనిష్టులు మాత్రం నీతి నిజాయితీలు కలిగే ఉంటారన్న గ్యారంటీ ఏమిటి?? దేశాలకు దేశలు దోచుకున్న కమ్యూనిష్టు నేతలు ఉన్నారు.. మనిషిలోని అలివి కానీ స్వార్థానికి కమ్యూనిజమైనా ఏ ఇజమైనా తలవంచాల్సిందే, కనుక అవినీతి రహిత సమాజాన్ని నిర్మించాలంటే మార్పు అనేది వ్యక్తి స్థాయిలో మొదలై సమాజం స్థాయికి చేరాలి, అంతే తప్ప కమ్యూనిష్ట్లుగా మారండి నీతిమంతులు అయిపోండి అనడం మత మార్పిడుల వంటిదే.. అక్కడ దేవుడిని చూపిస్తారు ఇక్కడ ఇజాన్ని చూపిస్తారు అంతే తేడా!!

ఇక అతి కామెడీ విషయం ఒకటుంది.. ఎంత మంది గమనించారో తెలీదు.. కానీ ఈ రెండు వాక్యాలు చూడండి..
ఇది మూడవ లైనులో రాశారు..
మన దేశంలో మావోయిస్టులు పేరిట చలామణి అవుతున్నవారు ఒకరకంగా చెప్పాలంటే ఉగ్రవాదులు. తీవ్రవాదులు. వీరు..కమ్యూనిస్టులు ఒకటి కాదు. వీరికీ..కమ్యూనిస్టులకు అసలు పొంతన లేదు.
పదమూడవ లైనులో ఇది రాశారు..

ఇక మన మావోయిస్టుల గురించి చెప్పాలంటే వారు దారితప్పిన కమ్యునిస్టు సోదరులు అని చెప్పవచ్చు.

ROFL..

పట్టుమని పది లైన్ల పాటూ ఒకే మాట మీద నిలబడలేని మిమ్మల్ని చూస్తుంటే జాలేస్తోంది కామ్రెడ్స్.. ఇప్పటి వరకూ కమ్యూనిష్టులు ఎందుకు సగటు మనిషికి దూరంగా ఉన్నారో తెలుసుకోవడానికి ఇంతకంటే మంచి ఉదాహరణ అవసరం లేదేమో!!

-ఇంద్రకంటి కార్తికేయ

Few References for further reading:

http://en.wikipedia.org/wiki/Tiananmen_Square_protests_of_1989

http://en.wikipedia.org/wiki/Khmer_Rouge

http://en.wikipedia.org/wiki/Soviet_war_in_Afghanistan

కమ్యూనిష్టు రక్త చరిత్ర: వీడియోలు

2010-11-25T08:47:00.000+05:30

యుహ్హ్హ్హా హహ్హ్హా! "టమేటా పులుసు"

2010-11-21T21:27:00.002+05:30

హహ్హ్హాహ్హా.. అవును నేనే!

వికట్టాట్టహాసం చేస్తున్నాను.. ప్రస్తుతం బ్లాగర్లకందరికీ పట్టిన ఈ వంట ఫీవర్ నన్ను కూడా తాకింది.. మధ్యాహ్నం పల్లకిగారి టపా చూసినప్పటి నుంచీ గుండె రగిలిపోతోంది.. ఏ బ్లాగు చూసినా కుటుంబరావులు, సక్కూబాయిలు వంటల మీద వంటలతో బుర్ర తోడేస్తున్నారు.. పైగా కుక్కర్లతో చపాతీలు, పెనం లో పూరీలు అంటూ బ్రహ్మచారుల మీద జోకులు.. ఇవన్నీ చూస్తూ సైలెంటుగా ఉంటే అఖిలభారత బ్రహ్మచారుల సంఘం నన్ను క్షమించదు.. కనుక వీళ్ళందరికీ గుణపాఠం చెప్పడానికి నేనే స్వయంగా పూనుకున్నాను.. పూర్వాశ్రమంలో నా వంట టాలెంటు తెలియని వారు ఇక్కడ లేదా ఇక్కడ నొక్కండి..
వంట చేద్దాం అని అనుకోవడం మొదలు నా వంటరాత్మ ఆవులిస్తూ నిద్రలేచి "ఆ..క..లి" అని అరిచింది..టపాలు రాయలేక నేనేడుస్తుంటే ఎవరో వచ్చి కొత్త అగ్రిగేటర్ మొదలుపెడదాం అన్నాడట.. ఒళ్ళుమండి విజయేంద్ర వర్మ లో బాలయ్య బాబును గుర్తును తెచ్చుకుని ఒక చిన్న సైజు క్లాస్ పీకాను.. అప్పటికి వంటరాత్మకు కర్తవ్యం గుర్తుకు వచ్చి వెంటనే ఏ వంట చేయాలి అని బాల్కనీ కూర్చొని రోడ్డు మీదపొయ్యే అమ్మాయిలను చూస్తూ ఆలోచించసాగాను.. అలా కొంతమందిని చూశాక సారీ కొంతసేపయ్యాక, ఏ వంట చేయాలి అనేది డిసైడ్ చెయ్యాల్సింది బాల్కనీలో కాదు వంట రూంలో అని గుర్తుకువచ్చి వంట రూంలోకి వెళ్ళి అసలు సామాగ్రి ఏమున్నాయొ చూశాను.. ఒక నాలగు టమేటాలు, ఆరు పచ్చిమిరపకాయలు, రెండు ఉల్లగడ్డలు ఉన్నాయి.. సారీ ఉల్లగడ్డలంటే మీకు అర్థం కాదు కదూ.. వాటినే కోస్తా తెలుగులో బంగాళ దుంపలని హైదరాబాదు తెలుగులో ఆలుగడ్డలని అంటారు.. నా ఆర్సెనల్ అంతా కింద ఫోటోలో చూడండి..

ఉల్లగడ్డలతో మనం పెద్దగా పీకేదేం లేదు.. ఇక టమేటాతోనే ఏదో ఒకటి చెయ్యాలి అనుకున్నాను..ఇంతలో నా వంటరాత్మన్ పొయినవారం బుక్ ఎగ్జిబిషన్ లో కొన్న రెండు వంటల పుస్తకాలను గుర్తు చేసింది.. వెంటనే ఆ పుస్తకాలు తీశా, వాటిలో చాలానే వంటలు గట్రా ఇచ్చారు.. కానీ టమేటాతో పెద్దగా ఏమీ ఇవ్వలేదు.. అసలే సింపుల్ వంటలు చేసి ఫోటోలు గట్రా బ్లాగుకు ఎక్కించడం నాకసలు ఇష్టం లేదు... శోధించగా శోధించగా "టమేటా పులుసు" కనిపించింది.. ఈ రోజుల్లో సినిమాకు కథకంటే కథనం ముఖ్యం.. ఏ రోజైనా వంటకు టేస్టే ముఖ్యం .. సరే ఇక మొదలు పెడదాం అనుకొంటుండగా నాలోని పరోపకారి పాపన్న నిద్ర లేచాడు.. ఇలా చేసిన వంటకం ఒక్కడినే తినడం చాలా తప్పు ఇంకొక బక్రా సారీ మనిషి కావాలి అనుకున్నాను.. వెంటనే మారథహళ్ళి లో రకరకాల పనులు చేస్తున్న మన రాజ్‌కుమార్ కు ఫోన్ చేశాను.. ఆ సంభాషణ ఇలా జరిగింది..
నేను: హల్లో రాజ్‌కుమార్, ఎక్కడున్నావ్? బిజీగా ఉన్నావా?
రా: లేదు ఫ్రీగానే ఇంట్లో ఉన్నాను కార్తీక్ గారూ (ఆ ప్రాంతం వాడు కదా అందుకని "గారు" "గారు" అని సోప్ వేస్తాడు, కానీ నేను పడనుగా)
నే: సరే ఐతే, బ్లాగుల్లో అందరూ వంటలు చేస్తున్నారు కదా నువ్వు కూడా మా ఇంటికి వచ్చేయ్, ఇక్కడే ఇద్దరం కలిసి రచ్చ రచ్చ చేసేద్దాం..
రా: సారీ కార్తీక్ గారూ, మేము ఆల్రెడీ ఇక్కడ మొదలు పెట్టేశాం, మీరు కనీసం ఇంకొక గంట ముందు ఫోన్ చెయ్యాల్సింది..
(స్వగతం: బ్రతికుంటే ఏ బెంగాలీ వంటలైనా తింటా కానీ నేను మాత్రం రాను)
నే: అవునా సరే అలాగే మాంచి చాన్స్ మిస్ అయిపోతున్నావ్ ఆలోచించుకో..
రా: మరోసారి కలుద్దాం..
(స్వగతం: దమ్మ పెబువులు, అంత వీజీగా ఒగ్గేశారు)..

సరే ఇంక రాజ్ కూడా రాలేదని నేనే బుక్ చదవడం మొదలు పెట్టాను.. మొదటి వాక్యమే చాలా కఠినంగా "టమేటాలు ఒకమాదిరి తరిగిపెట్టుకోవాలి" అని ఉంది.. "ఒక మాదిరి" అంటే ఏ మాదిరి కామ్రెడ్ అని గట్టిగా అరిచాను, కానీ మా ఇంటి పక్కనున్న లేడీస్ హాస్టెల్ లో కమ్యూనిష్టులు ఎవరూ లేకపోవడం వల్ల ఎవరూ పలక్లేదు.. సరే బుర్రకు పదును పెట్టి ఏ మాదిరో తెలియనప్పుడు ఒకమాదిరే తరిగి అది తప్పు కావడం కంటే రెండు మాదిరిలుగా తరుగుదాం అని ఒకటి నిలువుగా ఇంకొకటి అడ్డంగా తరిగాను.. ఫోటో చూపించాను కదా..

తర్వాత లైన్ లో చింతపండు పులుసు ఉడికించాలి అని ఉంది.. ఈ చింతపండు పులుసు అంటే, అదింకొక సబ్ వంటకమా అని డౌట్ వచ్చింది.. మరే, డెడ్‌లైన్ , ఇంటర్నల్ డెడ్‌లైన్ ఉంటాయి కదా అలాంటిదేమో అని అనుమానం.. గూగుల్ లో వెతికితే అదేం కాదని, సింపుల్ గా చింతపండులో నీళ్ళు పోసి కడిగి పిచ్చలు తీసేసి దాన్నే పులుసు అంటారు అని తెలిసింది.. ( అబ్బ! ఈ రోజు ఎన్ని విషయాలు తెలుస్తున్నాయో).. అలా ఒకవైపు చింతపండు ఉడికించి మరో వైపు తమేటా వేయించి సవ్యసాచిలా వంట చేసి బాల్కనీ లోకి వచ్చి రిలాక్స్ అవుతున్నాను.. ఇంతలో మా నార్త్ ఇండియన్ మితౄడొకడు వంట రూములోకి పొయ్యి, "అబే, టమేటా ఫ్రై సహి బనాయ తూనే, పర్ బహుత్ దైల్యూట్ హోగయా" అన్నాడు.. నాకు చిన్నప్పటి నుంచీ విన్న బూతులన్నీ ఒకేసారి వచ్చాయి.. కానీ వాడికి తెలుగు అర్థం కాదని క్షమించేశా.. ఇదుగోండి ఫైనల్ వంటకం కొత్తిమీర తో డెకరేషన్ చేశాక ఇలా తయారయ్యింది..

మాదగ్గరే మైసూర్ కెమెరాలు లేవు కదా అందుకని ఏదో ఫోన్ కెమెరాతో పని జరిపించేశాను.. మరొక మాట వచ్చేవారం మా ఇంటికి వస్తానని మాటిచ్చిన సోదర బ్రహ్మి రాజ్‌కుమార్ కు ఈ టపా అంకితం.. ఈ రోజు చేసిన పులుసు వచ్చేవారం వరకూ ఉంచి మరీ తినిపిస్తానని ప్రమాణం చేస్తున్నాను..

-కార్తీక్

ఎందుకోసం?? నా కుర్చీకోసం!!

2010-09-20T23:58:00.002+05:30

నిన్న చెప్పుదెబ్బలు పూలదండలు బ్లాగులోని టపా చూశాక ఈ కవిత రాశాను..

విడగొడతా నేను
బొందలు పెడతా నేను
రక్తంపారిస్తా నేను
నెగడు ఎగదోస్తా నేను
ఎందుకోసం?? నా కుర్చీకోసం!!

గనులను భోంచేస్తా నేను
పత్రికతో పాతరేస్తా నేను
ఆంధ్రా ఖోడా గా మారుతా నేను
ఏదీ కుదరకపోతే ఓదారుస్తా నేను
ఎందుకోసం?? నా కుర్చీకోసం!!

సినిమాలను వొదిలేసా నేను
వీధి డ్రామాలు మొదలెట్టా నేను
ఝెండా పీకేస్తే ఊరుకోను నేను
జనాలను అంత సులభంగా వదలను నేను
ఎందుకోసం?? నా కుర్చీకోసం!!

సామంతుడిని నేను
కొరియర్ వాడిని నేను
అధిష్ఠానానికి మొక్కుతా నేను
ఫిర్యాదులు చేస్తా నేను
ఎందుకోసం?? నా కుర్చీకోసం!!

ఏ ఎండకాగొడుగు పడతా నేను
మైండు బ్లాక్ అయ్యి వెర్రెత్తిపోతున్నా నేను
మహరాష్ట్రకుపోయాను నేను
మొహం పగలగొట్టించుకున్నాను నేను
ఎందుకోసం?? నా కుర్చీకోసం!!

మేడం కు కాల్మొకుతా నేను,
ఢిల్లీ గల్లీలో సిల్లీగా నేను,
ఎలక్షనుపొయినా ఆశ వదల్లేదు నేను,
ఏమైనా చేస్తాను నేను
ఎందుకోసం?? నా కుర్చీకోసం..

-కార్తీక్

బ్రహ్మచారి బ్లాగర్ల దినం !!!

2010-09-10T20:26:00.000+05:30

టపా టైటిల్ మరోసారి చదవండి.. అది "బ్రహ్మచారి బ్లాగర్ల దినం" "బ్రహ్మచారి బ్లాగర్లకు దినం" కాదు.. ఇక విషయం ఏమిటంటే బ్లాగుల్లో బ్రహ్మచారుల మీద జరుగుతున్న దాష్టికాలకు వ్యతిరేకంగా "అఖిలభారత బ్రహ్మచారి బ్లాగర్ల సంఘం" ఏర్పాటు చేయడం జరిగిందని చెప్పడానికి నేను మిక్కిలి సంతోషిస్తున్నాను.. ఈ సంఘానికి అధ్యక్షులు సెగట్రీలు తొక్కా తోలు లేకుండా ఒక బాధ్యతాయుతమైన కార్యవర్గాన్ని ఏర్పాటు చేసి బ్రహ్మచారులు తరతరాలుగా ఎదుర్కుంటున్న వివక్షను రూపుమాపటానికి కృషి చేస్తాం.. ఈ పరిణామం ప్రపంచ బ్లాగర్ల చరిత్రలో ఒక మేలి మలుపని పలువురు మేతావులు అభివర్ణిస్తున్నారు.. అసలు బ్రహ్మచారుల సంఘం ఎందుకు మొదలయ్యిందంటే:
1. ఇల్లు అద్దెకు అడిగితే ప్రతీ ఒక్క తాగుబోతు వెధవా "బ్యాచిలర్స్? నో హౌస్" అంటాడు.. అక్కడికి వాడేదో బ్రహ్మచారిగా బ్రతకనట్టు..
2. ఆఫీస్ నుంచీ లేటుగా ఇంటికి వస్తే, గేటు తాళం తీసే లోపు ఒక చిన్న సైజు భగవద్గీత వినాల్సి రావడం..
3. బ్రహ్మచారుల బ్లాగుల్లో కామెంట్లు బొత్తిగా లేకపోవడం..
4. బ్రహ్మచారులకు అగ్రిగేటర్లలో కోటా లేకపోవడం..

చెప్పుకుంటూపోతే ఒకటా రెండా, ఎన్నో వివక్షాపూరిత మాటలు, చేతలు అభిజాత్యపు పొరల్లో నుంచీ వస్తున్నాయి.. వాటిని ఎదుర్కొనేందుకు పుట్టిందే ఈ సంఘం.. ఇక విధివిధానాల గురించి వస్తే, బ్రహ్మచారి సంఘం ఎవరికైనా అంశాల వారి మద్దతు మాత్రమే ఇస్తుంది.. అంటే ఇప్పుడెవరికైనా మాతో పని ఉంటే వాళ్ళు మాకు వేరొక రెండు అంశాలలో సహకరిస్తేనే మేము వాళ్ళకు సహకరించేది.. కుటుంబరావులైతే మాకు ధనవస్తువాహన సహాయం అందించాలి, ఇక సతీ సక్కూబాయిలైతే మాకు కనీసం రెండు రెసిపీలు చెప్పాలి.. ఇక అగ్రిగేటర్ల యజమానులు ఏదో ఒకటి చేసి మా బ్లాగుల్లో ఎక్కువ కామెంట్లు వచ్చేటట్లు చెయ్యాలి.. "పప్పన్నం ఎప్పుడు?", "ఫోటో జాతకం తయారు చేశావా ?"లాంటి ప్రశ్నలడిగినవాళ్ళని తగు విధంగా శిక్షించాలి.. అప్పుడే మా సంఘాన్ని తమ సంఘానికి అనుభంధ సంఘంగా నడపమని కొందరు కుటుంబరావులు సలహాలిస్తున్నారు.. వాళ్ళకు నేను చెప్పేది ఒక్కటే తరతరాలుగా మీ వివక్షు గురై ఎంతో క్షోభ అనుభవించాం.. ఇప్పుడు మా ధిక్కారాన్ని చూసి మీరు శాంతిమంత్రం పఠిస్తున్నారని మాకు తెలుసు.. ధిక్కారం ఇప్పుడే మొదలైంది.. ఇంకా చాలా ధిక్కారం ఉంది.. మా న్యాయబద్దమైన డిమాండ్లకు మీరు తలొగ్గకపోతే మా ఆగ్రహాన్ని చవిచూడక తప్పదు..
కావున బ్రహ్మచారులారా! ఇక నుంచీ మీరు నిర్భయంగా మీ బ్రహ్మ చర్యం గురించి ఎలుగెత్తి చాటండి.. మీకు తోడుగా, మీ వెన్నంటి నీడగా, మీ తల్లో పేనుగా మేముంటాం.. "బ్రహ్మచారి నైన నాజీవితం లో కూడా ఒక బ్రహ్మచారి కథ ఉంది" అందరూ చెప్పుకోవాలి..

మరొక మాట, ఈ రోజు అంటే సెప్టెంబర్ 10 బ్రహ్మచారుల దినం గా ప్రకటిస్తున్నాను.. ఎందుకంటే ఈ రోజు మన బ్రహ్మచారి మితృడైన రవిచంద్ర తన బ్రహ్మచర్యానికి "లాల్ సలాం " చేస్తున్నాడు కనుక ఈ చరితాత్మక రోజుని గుర్తుంచుకోవాలని ఇలా చేయడం జరిగింది.. కొద్ది సేపటి క్రితం ఫోన్ చేస్తే "మీరు ప్రయత్నిన్స్తున్న నంబర్ ప్రస్తుతం అందుబాటులో లేదు" అని రిప్లై వచ్చింది..

ఈ రోజు దాంపత్య జీవితం లోకి అడుగుపెడుతున్న రవిచంద్ర గారికి మా అందరి తరఫున హార్దిక శుభాకాంక్షలు..

-కార్తీక్

నేను ,సైకిల్ చైను, ఓ తెల్లమ్మాయి!

2010-08-17T23:02:00.000+05:30

టైటిల్ చూసి ఇదేదో వికటకవి మొన్నటిదాకా రాసిన రొమాంటిక్ థ్రిల్లర్ ట్రాజెడీలకు కొనసాగింపు అనుకుంటే మీరు పైత్యావలోకనం లో కాలేసినట్టే.. ఇదొక కామిక్ ట్రాజెడీ అంటే చదివే వాళ్ళకు కామెడీ రాసేవాడికి అంటే నాకు ట్రాజెడీ..

ఇక విషయానికి వస్తే, అవి నేను ఇంటర్మీడియట్ చదువుతున్న రోజులు..

అమ్మాయిలతో మాట్లాడినవాళ్ళాను మా సార్ వెదురు బొంగు తీసుకుని చితక్కొట్టుడు కొడుతున్న రోజులు..

కడపలో ఒకటవ తరగతి నుంచే ఎంసెట్ కోచింగ్ ఇచ్చే కాలేజీలు/స్కూళ్ళు లేని రోజులు..

చంద్రబాబు ఇంకొక 20ఏళ్ళు సీ.యం. గా ఉంటాడని అందరూ అనుకుంటున్న రోజులు..

కే.సీ.ఆర్. కు తెలంగాణా సమస్య కనిపించని రోజులు..

నా అభిమాన గాయకుడి పదవి నుంచీ మహమద్ రఫీని నేనింకా పీకేయని రోజులు..

అటువంటి రోజులలో ఒకానొక రోజు అష్టగ్రహకూటమి+మహాళయ అమావాస్యా కలిపి వచ్చాయన్నమాట.. (మరే! తెలుగు హీరోలకు కష్టాలు రావాలంటే ఆ మాత్రం డ్రామా లేకపోతే ఎలా?) .. అప్పుడు నేను ఎంసెట్ ప్రిపరేషన్ పొడిచేస్తున్నాని నా బలమైన నమ్మకం.. మరింతగా పొడిచేయడానికి "చంద్ర కోచింగ్ సెంటర్" అనే కోచింగ్ సెంటర్ జాయిన్ అయ్యాను.. ఈ కోచింగ్ సెంటర్ వరల్డ్ ఫేమస్ అని కడపంతా చెప్పుకుంటారు.. ఈ కోచింగ్ సెంటర్ నుండీ ఆ అమావాస్య రోజు మేము (అనగా అతి బుద్దిమంతుడినైన నేను మా కాలేజిలో పిల్లలని చెడగొట్టడానికి పుట్టిన ఇంకొక నలుగురు వెధవలు) సైకిళ్ళు తొక్కుకుంటూ రాజు వెడలె... అంటూ ఇంటికి వస్తున్నాం.. మా కోచింగ్ సెంటర్ సారుకు మా గురించి అంటే మిగతా వెధవల గురించి చాలా బాగా తెలుసు అందువల్ల అమ్మాయిలను ఇంటికి పంపించిన ఒక 20 నిమిషాలకు మమ్మల్ని వదిలేవాడు.. ఆ 20నిమిషాలలో మమ్మల్ని ఆ రోజు చెప్పినవి అడుగుతూ స్పెషల్ కోచింగ్ ఇచ్చేవాడు.. ఆరోజు ఎందుకో నేను అందరికంటే వెనుకగా వస్తున్నా కొంత దూరం పొయ్యాక మా కాలేజి అమ్మాయి ఒకరిది సైకిల్ చైన్ పడిపోతే దాన్ని వేయడానికి అవస్థలు పడుతూ కనిపించింది.. నేను దూరాన్నుంచే చూశాను కానీ వెదురుబొంగు గుర్తుకు వచ్చి మనకెందుకు వచ్చిన ఆడగోల అని వెళ్ళబోయాను.. అంతలో మా ఫ్రెండ్ చెల్లెలు ఒకమ్మాయి(ఆ అమ్మాయి కూడా మా క్లాసే) కనిపించి సైకిల్ చైన్ అమ్మాయిని చూపిస్తూ చైన్ వేసివ్వమని అడిగింది.. సరే ఇక తప్పేదేముంది అని ఆ సైకిల్ చైన్ వెయ్యడానికి ఉపక్రమించాను.. ఆ సైకిల్ ఏ అశోకుడో గ్రీన్ డ్రైవ్ కోసం సైక్లథాన్ చేసినప్పటిదిలా ఉంది. అష్టగ్రహ కూటమి మహిమో లేక మహాళయ అమావాస్య పవరో తెలీదు కానీ ఆ చైన్ సరిగ్గా సర్దలేకపోయాను.. అప్పటికే 5,6ఏళ్ళ సైకిల్ అనుభవం సొంతం అయినా కూడా చైన్ వెయ్యలేకపోయా!! ఇక లాభం లేదనుకుని ఆ సైకిల్ ని అలాగే చంకలో పెట్టుకుని రోడ్డు పక్కకు తీసుకుని పోయా.. మోకాళ్ళ మీద కూచుని రెండు చేతులతో చైన్ అడ్జస్ట్ చేస్తూ దాన్ని సరి చేయడానికి ప్రయత్నించాను..ఊహూం ఏం లాభం లేదు.. అయినా కూడా అది పడలేదు.. ఒకవైపేమో మా కాలేజీ అమ్మాయిల ముందు మన ప్రిస్టేజి.. మరో వైపేమో మహాళయ అమావాస్యా.. ఏం చేస్తాం, కష్టాలు మనుషులకు కాక మా ప్రిన్సిపల్ కు వస్తాయా అనుకుని పట్టువదలని విక్రమార్కుడిలా ప్రయత్నించసాగాను.. ఆ సమయం లో సుమన్ కు ప్రభాకర్ దొరికినట్లు నాకు మా ఫ్రెండ్ ఇంకొకడెవడో కనిపించాడు.. వాడు నా గ్రీజుపట్టిన చేతులవంకా మట్టికొట్టుకుపొయిన ప్యాంటు వంకా చూసి పరిస్థితి అర్థం చేసుకున్నాడు.. వెంటనే ఆ అమ్మాయిలతో "ఈ సైకిల్ కు చైన్ చాలా కాంప్లెక్స్ సిస్టం, సార్ మొన్నొకసారి ఇలాంటి దాని గురించి చెప్పారు మీకు గుర్తుందా?" అన్నాడు.. నాకు నిప్పురవ్వ సినిమా చూసిన ప్రేక్షకుడిలా మాట పడిపోయింది.. మళ్ళీ వాడే "నేను ఒకసారి ట్రై చేస్తాను" అని సైకిల్ దగ్గరికి వచ్చాడు.. ఎన్ని జన్మలు సైకిల్ షాపుల్లో పని చేశాడో తెలీదు కానీ, అంట్లకాకి వెధవ వెంటనే వేసి పడేశాడు.. నాకు కోపం తో కలిపిన మంట వల్ల ఏడుపొచ్చింది.. వాడేమో నువ్వే కావాలి లో తరుణ్ లా చైన్ లో ఫ్రిక్షన్ ఎలా ఉంటుంది అని ఆ అమ్మాయిలకు లెక్చర్ ఇస్తున్నాడు.. నాకు మండిపొయి వెదురుబొంగు గురించి గుర్తు చేసాను.. దండం దశగుణం భవేత్ అని ఊరికే అన్లేదు కదా.. అది పని చేసి వడెళ్ళిపోయాడు..ఇంతలో మా బ్యాచ్ అనగా మిగతా వెధవలు నేను ఎక్కడో దారి తప్పిపోయాననుకుని వెనక్కు వచ్చారు.. సరిగ్గా ఆ చైన్ అమ్మాయి నాకు "థాంక్స్" చెప్పింది.. అది విని వచ్చేజన్మలో రాధిక సీరియల్ లో హీరోయిన్ మొగుడిగా పుట్టినా బాగుండు అనిపించింది.. కానీ మా వాళ్ళు మాత్రం ఆ థాంక్స్ వల్లా, మట్టి కొట్టుకుపొయిన నా ప్యాంటు వల్లా ఆ సైకిల్ చైన్ నేనే వేసిచ్చానని అనుకున్నారు.. వెంటనే టెలీపతీ ద్వారా మా క్లాస్ అందరికీ తెలిసిపొయింది.. ఆ తర్వాత చెప్పేదేముంది.. ప్రతీ నెలతక్కువ వెధవా "కార్తీక్, సైకిల్ చైన్" అని గట్టిగా అరిచేవాడు.. నేను గానీ ఆ అమ్మాయి గానీ క్లాస్ లోకి అడుగు పెడుతుంటే చాలు "సైకిల్ చైన్" అని తప్ప వేరే మాటే వినిపించేది కాదు.. కొన్ని రోజులకు తమ్ముడు సినిమా రిలీజ్ అయ్యింది. దాన్లో వాళ్ళు ఎగ్జాం పేపర్స్ ఇచ్చినప్పుడు అరిచినట్టు నా పేపర్ వచ్చిన ప్రతీసారీ "సైకిల్ చైన్" అని అరిచేవాళ్ళు.. బండ వెధవలు.. :(

-కార్తీక్

బ్యాట్స్ మన్ ఆత్మ ఘోష

2010-08-01T00:42:00.000+05:30

శ్రీలంక తో జరుగుతున్న టెస్ట్ సీరీస్ సందర్భంగా మన బ్యాట్స్ మన్ గురించి గూగుల్ బజ్ లో కొంత చర్చ జరిగింది అప్పుడు వచ్చిన ఆలోచనే ఈ బ్యాట్స్ మన్ ఆత్మ ఘోష..

పడిపోయే వికెటూ నీకు పరుగూలెందుకే, బైరన్నరూ నీ తోడు లేడులే
విరిగిపోయే బ్యాటూ నీకు బంతులెందుకే, పిచ్ ఎప్పుడో ట్యాంపరాయలే
నీకిది అర్థం కాని బౌన్సమ్మా, బలిసి మా రన్నర్ వదిలెను నిన్నటి నీ హ్యాండిల్

పడిపోయే వికెటూ నీకు పరుగూలెందుకే బైరన్నరూ నీ తోడు లేడులే
విరిగిపోయే బ్యాటూ నీకు బంతులెందుకే పిచ్ ఎప్పుడో ట్యాంపరాయలే

చెదిరాయి నీ స్టంప్స్ పిచ్చిగా అం పైరు రెఫరీ గాథగా
చిన్నారి బెయిల్స్ కన్నీటి సింబల్స్ కాగా.. ఆ..
స్పిన్నర్ టర్నూ పెంచగా బ్యాటూ గ్లవ్స్ జారగా..
గ్రౌండులో డ్రింక్స్ ఖాళీ అయిపోగా..
మండుటెండలో మసివై.. ఐసుకప్పులో పుల్లవై
అలసే బ్యాటూ నీవై బౌన్సులకే బలి పశువై..

బ్యాటింగ్ అంటేనే తిప్పలే, వచ్చే బాల్సన్నీ నిప్పులే, మేడిన్ ఓవర్లో తలంతా వాచిపోయే
తన పాత్ర మార్చింది కాప్టనే తనతో ఆటాడింది కోచులే
లంచ్ బ్రేక్ కి వికెట్లన్నీ కొండెక్కి పోయే
తగిలే బౌన్సరూ నీకే జారిపడే పన్నూ నీదే
మిగిలే టెయిలెండరు వేరే మతి తప్పే ప్లేయరే

మహా రచయిత వేటురికి శతకోటి క్షమాపణలతో
-కార్తీక్

మాతృదేవోభవ సినిమాలోని ఒరిజినల్ కోసం ఇక్కడ నొక్కండి ..నాకు ఈ అవిడియా వచ్చేందుకు కారణమైన ప్రపీసస అధ్యక్షులు జో,బంతి గార్లకు ఈ పైత్యం అంకితం.. :P

పెన్ టెర్రరిజం-1

2010-07-04T17:49:00.000+05:30

సాధారణంగా ఇలాంటి టపాలు రాయటం నాకంత ఇష్టం ఉండదు. కానీ రోజు రోజుకూ సమాజం లో ఈ పీడ ఎక్కువైపోతోంది అందుకే రాయాల్సివస్తోంది. మూడు సంఘటనలను చూద్దాం:

ఆర్ట్ ఆఫ్ లివింగ్ భూమి గురించి గొడవ:

రెండు రోజుల క్రితం ఎన్.డి.టి.వి. లో ఆర్ట్ ఆఫ్ లివింగ్ వారు ఒక ఎన్.ఆర్.ఐ. భూమి కబ్జా చేశారని ఒక వార్త ప్రసారం చేశారు. దాని గురించి ఒక రెండు రోజుల పాటు వాళ్ళ సైట్ లో ఒక చిన్న సెక్షన్ కూడా పెట్టారు. ఆ లంకెను ఇక్కడ నొక్క గలరు.

దాని సారాంశం ఇది:

ఆర్ట్ ఆఫ్ లివింగ్ సంస్థ బెదిరింపులు వస్తున్నాయని కేసు పెట్టిన తరువాత పాల్ అనే ఒక ప్రవాస భారతీయుడు ఆర్ట్ ఆఫ్ లివింగ్ సంస్థ తన భూమిని కబ్జా చేసిందని ఆరోపించాడు. మోహన్ అనే రైతు నుంచీ సదరు పాల్ భూమి ని కొన్నారు. కాని లీగల్ ఫార్మాలిటీస్(తెలుగు పదం??) పూర్తి చేసే లోపు మోహన్ చనిపోయారు. దాని గురించి కోర్టులో కేస్ నడుస్తోంది. ఇంతలో ఆ రైతు కొడుకు ఆ భూమిని ఆర్ట్ ఆఫ్ లివింగ్ సంస్థకు ఇచ్చాడు. శ్రీశ్రీ రవిశంకర్ ఈ వ్యవహారం సెటిల్ చేద్దామని రెండేళ్ళ క్రితం చెప్పారు కాని ఇప్పుడు ఆ భూమిని మర్చిపొమ్మంటున్నారు అని ఆ ప్రవాస భారతీయుని ఆరోపణ. ఇప్పుడు ఈ విషయంగా ఆ భూమి గురించిన వ్యవహారం సెటిల్ చెయ్యమని ఈ ప్రవాస భారతీయుడు అగ్ని శ్రీధర్ అనే జర్నలిస్ట్ గా మారిన రౌడీ ని అడిగాడట. (మక్కీ కి మక్కీ అనువదించటానికి ప్రయత్నిస్తున్నాను అర్థం అయ్యింది కదా!).. ఇదే వ్యక్తి బెదిరింపులకు దిగుతున్నాడని ఆర్ట్ ఆఫ్ లివింగ్ సంస్థ కేసు పెట్టింది.

ఇప్పుడు కొన్ని విషయాలు ఆలోచిద్దాం:

1. భూ కబ్జా అంటే భూమి కొనుక్కోవడమా?? ఆ రైతు కొడుకు ఆ భూమిని అమ్మేస్తే దానికి కబ్జా అనడం ఎంత వరకూ సబబు??

2. 12 సంవత్సరాల క్రితం కొన్న భూమిని 2007 లో ఆర్ట్ ఆఫ్ లివింగ్ సంస్థకు ఇచ్చారు. ఈ మధ్య కాలంలో సదరు ప్రవాస భారతీయుడు సెటిల్చేసుకోవడానికి ఎందుకు ప్రయత్నించలేదు??

3. అసలు కబ్జా అన్న పదం ఈ విషయం లో ఎంతవరకూ కరెక్ట్??

ఇవన్నీ పక్కన పెడితే అసలు సెటిల్ చెయ్యమని జర్నలిస్టును అడగటం ఏమిటి? ఆ జర్నలిస్టేమన్నా ఒక పెద్దమనిషా?? ఇప్పటి వరకూ రౌడిలు ముదిరి రాజకీయ నాయకులు అవుతారు అనుకున్నాను.. కానీ ఇకనుంచీ గూండాలు ముదిరి జర్నలిస్టులు అవుతారని అనుకోవాలేమో..

26/11, రతన్ టాటా సహాయం:

26/11 గురించీ మళ్ళీ సెపరేటుగా చెప్పకర్లేదు. అది జరిగిన తరువాత రతన్ టాటా తన సంస్థ ఉద్యోగులను, ఆ చుట్టు ప్రక్కల ప్రజల్ను ఎలా ఆదుకున్నాడో ఎవరికైనా తెలుసా?? ఆ వివరాల మెయిల్ నాకు ఫార్వర్డ్ గా వచ్చింది. అది మొత్తం అలాగే పెడితే ఈ టపా చాలా పెద్దదైపోతుందని నా ఇంగ్లీష్ బ్లాగ్ లో పెట్టాను.. దాని కోసం ఇక్కడ చూడండి.

ఇంత చేసిన రతన్ టాటా గురించి మన మీడియాలో ఒక్క వార్త కూడా రాలేదు.. యస్పీ గారి కుక్క తప్పి పోయింది, మినిష్టర్ గారి పిల్లి చచ్చిపోయింది లాంటి వార్తల కంటే ఇది తీసిపోయిందా?? ( నేను స్వతహాగా టాటాల అభిమానిని నాదృష్టిలో జాతిపితగా గాంధీ కంటే జమ్షడ్జీ టాటా ను పెట్టాల్సింది అని నా అభిప్రాయం. ప్రస్తుతం ఆ చర్చ ఇక్కడ వద్దు.)

యెం.యెఫ్.హుసేన్ జలుబు - ది హిందు పత్రిక తుమ్ములు:

యెం యెఫ్ హుసేన్ కతార్ పోతానంటే ది హిందు పత్రిక యాజమాన్యం చొంగ కార్చుడు చేష్టలు చూశి ఒళ్ళు మండి వాళ్ళకు ఒక మెయిల్ చేశాను. అది కనీసం వాళ్ళ రీడర్స్ ఒపీనియన్ లో వెయ్యను కూడా లేదు. ముందు నా మెయిల్ చూడండి :

Dear Sir,

This is in response to the article by Mr. N. Ram about M.F. Husain. I request you to publish this in the reader's response section.

I fail to understand how Husain's episode is a sorriest chapter in independent secular India. In a country like India where religion is a sensitive issue he should not have gone to hurt others' sentiments. The claim that he loves his country of birth never looked convincing. If he is so keen to be in India then he should learn to respect his fellow Indian's sentiments.

"He breathes the spirit of modernity, progress and tolerance": Does modernity mean offending others?? Does progress mean spoiling harmony by paintings?? And any high school going child can say tolerance never mean "Attacking others". I wonder why The Hindu is so keen in making a issue out of this trivial happening.

Overall the article stands as a new low touched by The Hindu

My Address:

Karthikeya Indrakanti

ఇక్కడ నేను చెప్పేది వాళ్ళు నా మెయిల్ వెయ్యలేదని కాదు. అసలు ఆ ముసలి నక్కను విమర్సిస్తూ ఒక్క అభిప్రాయం కూడా ప్రచురించలేదు. ఇది దిగజారుడు జర్నలిజం. ప్రజల నాడిని అలాగే చూపించడం పత్రికల ధర్మం (పిల్లల గురించి, దేశ రహస్యాలను గురించి కొన్ని మినహాయింపులు ఉన్నాయి). మరీ దేశం మొత్తం ఆ నక్కను గురించి బాధపడుతున్నారని చూపించడం పైత్యం కాక మరేమిటి??

if The Hindu mgt declares itself as a money making organization what they did is fine. but doing these kind of things they dont deserve to talk about things like "Freedom of speech, liberty etc etc"

ఇప్పుడు మరొక సంఘటన చెబుతాను:

2006లో నేను కులదీప్ నయ్యర్ గారిని మా కేంపస్ లో కలిశాను. అపుడు నేను రెండు ప్రశ్నలు అడిగాను:

1. న్యాయ వ్యవస్థ మీద ప్రజలకు నమ్మకం కలిగించడం ఎలా?

2. పత్రికలలో వచ్చేది నిజమని ఎలా నమ్మడం?

ఆయన సమాధానం: " నాకూ తెలీదు, నా మితృలలో కొందరు ప్రెస్ మీట్ కు హాజరయ్యి సరిగ్గా నోట్స్ కూడా రాసుకోరు. ఆ కాఫీ, బిస్కేట్లు ముగించి వాళ్ళకు బుద్ది పుట్టింది ఏదో ఒకటి రాస్తుంటారు" (ఆయన చెప్పిన భావం ఇదే, అనువదింపు దోషాలు గట్రా ఉండొచ్చు)

కొసమెరుపు: మా బంధువులలో ఒక వ్యక్తి మునుపు కేబుల్ టీవీ వ్యాపారం చేసేవాడు ఇప్పుడు జర్నలిస్టుగా మారి మునుపటికంటే ఎక్కువే సంపాదిస్తున్నాడు. ఖర్చులు చాలా తగ్గాయి.. పేపర్లో రాస్తానని బెదిరించి చౌక డిపోల నుంచీ ఇంటికి కావాల్సినవన్నీ తెచ్చుకుంటే ఖర్చులు తగ్గవా చెప్పండి??

ఇది నేటి జర్నలిజం!
అసలు ఈ విషయం గురించి ఒక టపా తో సరిపుచ్చుదామనుకున్నాను కానీ ఇప్పుడే ఒక మితృనితో మాట్లాడాక ఒక సీరీస్ గా 2-3 రాస్తే బాగుంటుందనిపిస్తోంది. మరికొంత పెన్ టెర్రరిజం గురించి మరొక టపాలో..

-కార్తీక్

మరొక దాడి

2010-06-30T01:08:00.000+05:30

ఇప్పుడే పడుకునేముందు ఒకసారి వార్తలు చూద్దామని ఐ.బీ.యెన్. ఒపన్ చేశాను. దానిలో రేండు వార్తలు ఒకటి 26మంది రిజర్వ్ పోలీసులను అన్నలు చంపేశారట అసలు ఈ అన్నలగా పిలబడేవాళ్ళు ఎప్పుడైనా మనుషులా ప్రవర్తించారా? నాకు తెలిసి ఎప్పుడు చూసినా వాళ్ళు అక్కడ పట్టాలు కోసేశారు, ఇక్కడ బస్సులు కాల్చేశారు అని తప్ప ఎక్కడైనా ఒక బడి గానీ, అనాధ శరణాలయం గానీ మొదలుపెట్టినట్టు చరిత్రలో ఉందా? నేను సెటైర్ వేయటం లేదండీ బాబూ (ఎంటో ఈ రోజుల్లో ప్రనా అన్నా మంచి పదమైపోతోంది :( ) నిజంగానే అడుగుతున్నాను.. ఎవరికైనా తెలిస్తే చెప్పండి లేదా లింకులివ్వండి.. ఏ చెహోవ్ రచనలు చదవమని, కలరులీడరమ్మ రచనలు చదివి అర్థం చేసుకోమని ఐదు పైసల సలహాలు నాకొద్దు బాబూ, ఆయనే ఉంటే బోడిగుండెందుకని అవి అర్థం అయ్యే ఓపికే ఉంటే బ్లాగులెందుకు .. కామెంట్లు డిసేబుల్ చేసి నేనే ఎంచక్కా నాలగైదు కౌముది లాంటి వెబ్ మ్యాగజైన్లు మొదలుపెట్టేవాడిని.

అన్నల దృష్టిలో మనుషులంటే ఎవరు? పోలీసులతో వాళ్ళకు ఉండేది వర్గ వైరమా లేక అదే వాళ్ళ అస్తిత్వమా? వీళ్ళకంత జనాదరణే ఉంటే అడువుల్లో ఎందుకు ఉంటారు? ఎన్నికలను ఎందుకు బహిష్కరిస్తారు? ఒక ఎన్నికలంటే ఏమో అనుకోవచ్చు.. ప్రతీ ఎన్నికలూ అలవాటుగా బహిష్కరిస్తారు.. అసలు మనదేశం లో ఉన్నంత బలమైనా ప్రజాస్వామ్యం ఎన్ని దేశాలలో ఉంది? (మనమే అత్యుత్తమం అని నేను చెప్పటం లేదు, గమనించగలరు)   ఇక్కడ ఇంకా కామెడీ ఏమిటంటే ఈ అన్నలు పనిచేసే సంస్థల్లోనే ప్రజాస్వామ్యానికి దిక్కు లేదు, ఇక వీళ్ళా ప్రజల గురించి మాట్లాడేది? హవ్వ!
అన్నల కథ సరే ఈ కమ్యూనిజం పరిస్థితి ఏమిటి? ఇంత వరకూ ఈ దేశం లో వారు చారిత్రక తప్పిదాలు కాక ఇంకేమైనా చేశారా?? అసలు రజాకార్ ఉద్యమం కాక కమ్యూనిస్టులు చేసిన ప్రొడక్టివ్ ఉద్యమం అంటూ ఏమైనా ఉందా??( ఇక్కడ ప్రొడక్టివ్ అనేది కరెక్ట్ పదం కాదేమో కానీ నాకు అంతకంటే మంచి పదం గుర్తు రావట్లేదు)..   వీళ్ళ ప్రభుత్వాలు ఎక్కడ కాలుమోపుతారో అక్కడ అరాచకాలు, ఆందోళనలు బందులు మట్టీ మశానం.. ఏదో ఆ టూరిజం బాగుంది కాబట్టి సరిపోయింది లేకుంటే కేరళ కూడా బెంగాల్ లా ఎప్పుడో మునిగిపోయేది.. ఈ విషయం చెప్పటానికి నేనేమీ స్టాటిస్టిక్స్ వగైరా చదవక్కరలేదు.. ఒక్కసారి కలకత్తా ఎయిర్ పోర్టుకు వెళ్ళండి చాలు మీకు తెలుస్తుంది ఆ ఊరు మిగతా దేశం కంటే ఎంత వెనుకబడి ఉందో,     మనదేశం గురించి వదిలేద్దాం అసలు ప్రపంచం లో కమ్యూనిజం వల్ల బాగుపడ్డ దేశాలేవైనా ఉన్నాయా?? నేను అర్థం చేసుకున్నంతలో కమ్యూనిజం వల్ల వ్యక్తులు బాగు పడ్డారు తప్ప సమాజాలు కాదు. ఈ రకంగా చూస్టే కమ్యూనిజం కూ క్యాపిటలిజం కూ ఆట్టే తేడా లేదు. అక్కడ యజమానులు దోచుకుంటారు ఇక్కడ సదరు నాయకులు దోచుకుంటారు.. దీనికి లెనిన్ కూడా మినహాయింపు కాదు.. ఇలిచ్ వ్యావ్నోవ్ (లెనిన్ అసలు పేరు) అనే పేరుతో ఒక స్విస్ బ్యాంక్ అకౌంట్ ఉండేదని ఒకసారి ఈనాడు బుక్ లో చదివాను.. ఇక స్టాలిన్ లాంటి నిరంకుశ, నరరూప రాక్షసుడి గురించి ఎంత చెప్పుకున్నా తక్కువే.. ఒక స్టాలిన్ ఒక పోల్ పాట్ (ఈ జీవి గురించి ఇక్కడ చదవండి) వగైరా చాలా సులభంగా దొరుకుతారు.. ఇలాంటి వారి మధ్య గంజాయి వనంలో తులసిమొక్కలా ఉండేది ఒక ఫిడేల్ క్యాస్ట్రో మాత్రమే..
ఇక కమ్యూనిజం వల్ల బాగుపడ్డ దేశాలకోశం వెతికితే ఒక్క దేశం కూడా కనపడదు.. చైనా అని చెప్ప్కండి చైనా చెప్పేదొకటి చేసేదొకటి, వాళ్ళు కమ్యూనిజం వదిలేసి చాలా రోజులయింది. రష్యాలో మట్టికొట్టుకుని పోయారు, చైనా కమ్యూ"నిష్ఠ" ను వదిలేశారు, ఇక వీళ్ళు ఉండేది ఎక్కడ?
ఇక నేను చూసిన రెండవ వార్త, నేషనల్ హ్యూమన్ రైట్స్ కమీషన్ పోలీసులకు చివాట్లు పెట్టిందట ఆ ఎంకౌంటర్లలో చనిపొయిన వారికి మర్యాదలు జరగటం లేదని.. ఇంకా నయం వాళ్ళకు ప్రభుత్వ సొమ్ముతో సంవత్సరీకాలు, తద్దినాలు పెట్టమని డిమాండ్ చేయలేదు.. అసలు అన్నల చేతిలో చనిపోయే పోలీసులు మనుషులు కారా?? వాళ్ళకు హక్కులుండవా? ఈపౌర సంఘాలు పోలీసుల మరణాలను కనీశం ఖండించను కూడా ఖండించవు.. మరి అన్నల ముఖాల మీద మాస్కులు వీళ్ళే కదా , ఖండిస్తే పార్టీ నుంచీ పీకేస్తారని భయం కాబోలు..

NHRC: Notorious Heinous Rogues committee

నాకు భయమేస్తోంది..

2010-05-30T23:57:00.003+05:30

అవును నిజం నాకు భయమేస్తోంది.. కర్ణుడి చావుకి చాలా కారణాలు అలాగే నాకు భయమేయడానికి కూడా చాలానే కారణాలు.. వాటిల్లో కొన్ని ఇవి:

రాకెట్ ఎక్కాలంటే భయం.

ఇప్పుడు రాకెట్ ఎందుకు ఎక్కాలంటారా?? పచారి కొట్టులో ధరలను అందుకోవాలంటే రాకెట్లు, చంద్రయాన్ తప్పేలా లేవు..

రైలు ఎక్కాలంటే భయం.

ఏ అన్నకో కోపం వచ్చి కొన్ని పట్టాలను కోసుకొని పాత సామాన్లకు వేసుంటాడని భయం.

విమానం ఎక్కాలంటే భయం.

టెక్నాలజీ సౌజన్యంతో ఏ లోయలోకో తీసుకెళ్ళి బ్రతికుండగానే తగలబెడతారని భయం.

బస్సు ఎక్కాలన్నా భయం.

ఏ సందు మలుపులోనో పొంచి ఉన్న కరెంటు తీగ సున్నితంగా ముద్దాడి మక్కువ తీర్చుకుంటుందేమోనని భయం.

సాయంత్రం సరదాగా మాల్ కు పోవాలన్నా భయం.

ఏ జిహదీనో పైలెట్ ప్రాజెక్ట్ కింద ఆ మాల్ లో ఒక అరడజను బాంబులు పెట్టుంటాడని భయం.

భక్తి తో గుడికి వెళ్ళాలన్నా భయం.

ఏ గోపురాన్నో కూల్చి ఒకేసారి ముక్తిని ప్రసాదిస్తారని భయం.

ఇల్లు కొనాలంటే భయం.

రేప్పొదున ఏ రాజకీయ రావణుడొ వచ్చి కబ్జా చేస్తాడని భయం.

పత్రికలు చదవాలంటే భయం.

చావులు,రేపులు కాక ఇంకేమీ ఉండవని భయం.

ఇంట భయం బయట భయం

ముందు భయం వెనుక భయం

బ్రతుకంతా భయం భయం

ఇంత భయంగా మాట్లాడుతున్న నా పేరు చెప్పలేదు కదూ.. ఇదుగోండి:

మధ్య తరగతి మానవులం!

నిస్సహాయకులం నిష్ప్రయోజనులం!

దరిద్రులం దామోదరులం!

మా చిరునామా స్వార్థం, మా బ్రతుకు వ్యర్థం!

మా నేస్తం స్వప్రయోజనం, మా మరో పేరు మూర్ఖత్వం!
నిర్లక్ష్యం మా చుట్టం, నైరాశ్యం మా నైజం !
శనిదేవుడి సేవకులం, లక్ష్మీ ప్రసన్నత మాకు శూన్యం!

కర్మ భూమిన కుక్కలం, లేదు మాకు ఆత్మ బలం!

-కార్తీక్

ఈ రోజు..

2010-05-24T00:24:00.001+05:30

సరిగ్గా 26 ఏళ్ళ క్రితం నేను ఈ రోజునే పుట్టాను. అంటే మే 23,1984.

ఇక మే 23 2010 అనేది నాకొక అద్భుతం.. మాటల్లో చెప్పలేని ఆనందం.. పదాలాలో పట్టలేని సంతోషం.. దానికి చాలా కారణాలే ఉన్నాయి.. ఇవన్నీ బ్లాగులో ఎందుకు రాస్తున్నానంటే తర్వాత ఎప్పుడైనా మూడ్ బాలేనప్పుడు చదువుకోవడానికి పనికివస్తుందని.

ఈ రోజు ఎందుకు ఒక అద్భుతం అనేది తెలియాలంటే కింద చదవండి మరి.

నిన్న రాత్రి 12గం: కేక్ కట్ చేశాను..అందులో వింతేముంది అనుకుంటున్నారా?? మరే మామూలు కేక్ ఐతే వింత లేదు.. కానీ ఆ కేక్ మా అమ్మ అదే పని గా బజార్ కు పొయి తెచ్చింది.. తనకు ఈ ఊర్లో మా ఇంటి పక్కన ఉండే కూరగాయల షాప్ తప్పించి ఇంకేమీ తెలీదు.. అలాంటిది బేకరీ ఎక్కడుందో కనుక్కొని మరీ తీసుకొచ్చింది.. తర్వాత అమెరికా నుంచీ రవి ఫోన్ చేశాడు..

ఇవాళ ఉదయం 8గం: మా అమ్మ కు,అమ్మమ్మకు, అక్కా బావలకు పాదాభివందనం చేసి ఆశీర్వాదాలు తీసుకున్నాను. పుట్టిన రోజుకు మా అమ్మటో ఉండి అక్షరాలా ఆరు సంవత్సరాలు అయ్యింది..

ఉదయం పదిన్నర: నా మేనల్లుడి అన్నప్రాసన ఫంక్షన్ జరిగింది.. అక్కడ కూడా అన్ని నేనే చూసుకున్నాను.. నిజం మరి, చూస్తూనే ఉన్నాను చెయ్యలేదు :)

సాయంత్రం 5గం: ఆశ్రమం లో సత్సంగ్ కి వెళ్ళను.. చాలా బాగా జరిగింది.. మరియూ పన్నా అనే మామిడికాయ రసం తాగాను.. సూపర్ గా ఉంది.. తర్వాత 6:30 నుంచీ 7:30 వరకూ ఒక గొప్ప చర్చ లో పాల్గొన్నాను.. నా మిత్రులతో, మరియూ అనుభవజ్ఞులతో కలిసి నా పురోగతి అడ్డు పడుత్తున్న కొన్ని ప్రతిబంధకాలను ఎలా దాటలో తెలుసుకున్నాను.. దీని కంటే అద్భుతం ఏమిటంటే సత్సంగ్ తర్వాత గురూజి నుంచీ ఒక బహుమతి నాకొచ్చింది.. అసలు నమ్మలేని విధంగా జరిగింది ఇది.. మామూలుగా పుట్టినరోజు వాళ్ళకి, పెళ్ళిరోజు వాళ్ళకి సత్సంగ్ లో వాళ్ళ చుట్టూ ఉన్నవారు శుభాకాంక్షలు చెబుతారు.. కానీ ఈ రోజు గురూజీ తరఫున కొన్ని బహుమతులు పంచారు.. గత 10 నెలల కాలంలో అలా జరగడం ఇదే తొలిసారి..

సాయంత్రం 7:30గం: మా సుష్మక్కను కలిశాను.. తను ఈ రోజు ఆర్ట్ ఆఫ్ లివింగ్ టిచర్ ట్రైనింగ్ పూర్తిచేసింది.. మా సుష్మక్క గురించి చెప్పలేదు కదూ.. తను పూర్వజన్మలో నాకు అమ్మ.. దేవుడు మళ్ళీ ఈ జన్మలో కూడా కలిపాడు.. నాకొక రోజు కార్ లో లిఫ్ట్ ఇచ్చింది.. తర్వాత నేను వాళ్ళింట్లో ఫెవికాల్ వేసుకుని స్థిరపడి పోయాను..

వీటి తో పాటు ఇంకా సంతోషం ఏమిటంటే ఈ రోజు నా పాతమిత్రులు చాలామంది ఫోన్ చేసి మాట్లాడారు.. మా ప్రపీసస అధ్యక్షులు కూడా మా సంఘం తరఫున ఒక మంచి కార్డ్ పంపించారు.. ఇవాళ ఫోన్ కూడా చేశారు. ఇవేకాక నా ఇంజినీరింగ్ ఫ్రెండ్ ఒక అమ్మాయి ఇప్పుడు కడుపుతో ఉండి మాట్లాడను కూడా ఓపిక లేదు.. కాని నా పుట్టిన రోజు గుర్తుపెట్టుకుని మెయిల్ చేసింది..

I repeatedly say that I'm blessed to lead the life I have.. well, can anyone challenge my claim???

-కార్తీక్

"ఘర్షణ" పరిష్కారమా???

2010-05-12T23:01:00.002+05:30

ఈ మధ్య బ్లాగుల్లో జరిగిన కొన్ని చర్చలలో అసమానతలను రూపుమాపడానికి ఘర్షణ తప్పదనే ఒక భావన వ్యక్తమైంది. ఇది నాకు కొంత ఆశ్చర్యం మరికొంత అసహనం కలిగించింది. ఇది నేను స్త్రీవాదానికో లేక దళితవాదానికో మాత్రమే పరిమితం చేసి ఈ టపా రాయటం లేదు.. కేవలం రెండు వర్గాల గురించి మాత్రమే చెప్పదల్చుకున్నాను.. ఆ వర్గాలు ఎవరైనా కావచ్చు.. స్వతహాగా నేను ఏ వాదినీ కాదు.. నాకు తెలిసి ఏ అమ్మా అబ్బకు కూడు పెట్టే వాదాలు నాకింతవరకూ కనిపించ లేదు. అది సామ్యవాదమైనా కావచ్చు లేదా స్త్రీవాదమైనా కావచ్చు.
ఇక విషయానికి వస్తే "ఘర్షణ" తో కలిగిన ఏ మార్పూ శాశ్వతంగా నిలబడుతుందని నాకనిపించటం లేదు. ఎందుకంటే ఈ ఘర్షణ వల్ల మరొక వర్గం లో "ఓటమి" అనే బాధ ప్రతీకారాన్ని నూరిపోస్తుంది తప్ప వాళ్ళకు సమానత్వం యొక్క అవసరాన్ని తెలియచెప్పదు. ప్రస్తుతం సమాజానికి కావాల్సింది సహజీవనానికి ఆయువు పట్టు లాంటి ఓర్పు, సహనం. "ఘర్షణ" అనేది ఒకసారి మొదలంటూ అయితే ఇక దానికి అంతం అంటూ ఉంటుందా అనేది నాకు అర్థం కాని విషయం. ఎందుకంటే దాన్ని ప్రతీ వర్గం వారూ ఒక ఆధిపత్య పోరులా భావిస్తారే తప్ప సమానత్వానికి దారిలా అంగీకరించరు. సమాజం లో ప్రతీ వ్యక్తీ/వర్గానికీ ఒక ప్రత్యేక స్థానం అంటూ ఉంది.. ఈ "ఘర్షణ" అనే భావజాలం దాన్ని గుర్తించక సదరు వ్యతిరేక వర్గాన్ని కించపరుస్తూ తమ గొప్పతనాన్ని చాటుకోవడానికి ప్రయత్నిస్తాయి.. దీనికి ఏ వర్గమూ అతీతం కాదు.. ఇప్పుడు పీడిత వర్గం గా ఉన్నవారు భవిష్యత్తులో పీడించేవారిగా మారరు అని చెప్పలేము.. ఎందుకంటే మన కళ్ళ ముందే ఎన్నో ఉదాహరణలు చూస్తూనే ఉన్నాం..రేపు ఈ పీడిత వర్గాలకు ఏ హిట్లరో దొరికాడంటే మిగతా వారి పని గోవిందే.. జర్మనీలో యూదుల ఆధిపత్యానికి గండి కొట్టాలనే హిట్లర్ తలంపు దేనికి దారితీసిందో మనకందరికీ తెలుసు. ఆ రోజులలో జర్మన్ సమాజం లోని ఉన్నతమైన పదవులను యూదులు ఆక్రమించారని వారికి వ్యతిరేకంగా హిట్లర్ చేసిన పనులు ఏ సమానత్వాన్ని సాధించాయో ప్రపంచం చూస్తూనే ఉంది..
ఇలాంటిదే మరొక సంఘటన నేను కళ్ళారా చూశాను.. నాకు తెలిసిన మిత్రుడొకరు విడాకులు తీసుకోవాలనుకుంటే అతని భార్య గృహ హింస కింద కేసు పెట్టింది. ఇక్కడ విషయమేమిటంటే ఆ జీవి అప్పుడు అమెరికాలో ఉన్నాడు, వాళ్ళ అమ్మా నాన్నలు బ్రతికిలేరు.. కానీ ఇండియాకు వచ్చిన వెంటనే జెయిలుకైతే వెళ్ళల్సి వచ్చింది.. అంతే కాక అతని మీద ఏడు కేసులు పెట్టిందట కనీసం తన కొడుకును కూడా నాలుగేళ్ళపాటూ చూడనివ్వలేదు :( ఇలాంటిదే ఇంకొక సంఘటన కూడా చూశాను కానీ దాని గురించి బ్లాగులో రాయడం సభ్యత కాదు కాబట్టి రాయడం లేదు.. ఆర్కుట్లో ఉన్న 498ఏ సమూహం లో చూస్తే ఇలాంటివే మరిన్ని తగుల్తాయి..

మరో పక్క మా బంధువుల అమ్మాయిని అత్తగారి వాళ్ళు కిరోసిన్ పోసి చంపేశారు.. బాగా బలిసిన పార్టీ కనుక అది బయటికి రాకుండా మూసేశారు.. ఆ అమ్మాయి తండ్రి మొన్నటి వరకూ కూడా పోలీస్ స్టేషన్ల చుట్టూ తిరుగుతూనే ఉన్నాడు..

ఆఖరుగా నేను చెప్పేదేమిటంటే ఇప్పుడు పీడితులుగా ఉన్నవారు అవకాశం అంటూ వస్తే ఇతరులను పీడిచే అవకాశం ఎంతైనా ఉంది.. కనుక ఈ ఘర్షణలు మరొక ఘర్షణకు మార్గం తప్ప మరేమీ కాదు.. మొదటి ప్రపంచ యుద్దం తరువాత జరిగిన వర్సెయిల్స్ ఒప్పదమే రెండవ ప్రపంచ యుద్దానికి నాందిగా నిలిచింది.
ఇక ఈ ఫలానావాదుల గురించి నేను ఎంత తక్కువ చెబితే అంత మంచిది.. ఉదా:స్త్రీవాదులు. నా జీవితం లో ఇప్పటి వరకూ ఒక్క నిజమైన స్త్రీవాదిని చూడలేదు. అందరూ స్త్రీవాదమనే ముసుగును అవసరానికి వాడుకునే వారే.. కాబట్టి ఎవరైనా స్త్రీవాదులం అని చెప్పుకుంటే నేను నమ్మడానికి కొంచెం సందేహిస్తాను..

The need of the hour is enrollment of people into our cause not enforcement.

నేను enrollment(తెలుగుపదం??) అని ఎందుకు చెబుతున్నానంటే అది పని చెయ్యడం ఒక కుటుంబ స్థాయిలో చూశాను కాబట్టి.. వ్యక్తి స్థాయిలో ఫలవంతమైనది సమూహం స్థాయిలో కూడా పనికిరావచ్చు అనేది నా భావన.. దీనికి నా దగ్గర ఆధారాలు, నిరూపిత సాక్ష్యాలు లేవు. ఆర్ట్ ఆఫ్ లివింగ్ సంస్థ ఖైదీల కోసం ఒక కార్యక్రమం నిర్వహిస్తారు. దానిలో వారిని హింసారహిత జీవితం లోకి enroll చేస్తారు తప్ప బలవంత పెట్టరు.. నేను చెప్పేది అలాంటి పరివర్తన. ఆ పరివర్తనకు మూలం enrollment మాత్రమే!!

-కార్తీక్

గమనిక: నేను రేపు పొద్దునే ఒక ముఖ్యమైన పని మీద బయటకు వెళుతున్నాను. కనుక మీ వ్యాఖ్యలకు జవాబివ్వటం కొంత ఆలస్యం కావచ్చు. గమనించగలరు.

నేను రసంబు కాచిన వేళలో..

2010-04-26T21:18:00.001+05:30

పొయిన నెలలో నేనొక రోజు రసం తయారు చేశాను.. ఆ రోజున నాకు లభించిన ఆన్ లైన్ ట్రైనింగ్ సంబంధించిన చాట్ ఇది..

Title: Idiot's guide for making rasam.

7:41 PM U: o my mad.... kaartik in chat..
7:42 PM is it true... am i dreaming....
    8 minutes
7:50 PM me: nope u r not ;)
7:51 PM U: O...
7:52 PM నిద్రమత్తులో ప్ర.నా లాగా చూసానేమో..
               అనుకున్నా..
               ఏంటి రసం పెడుతున్నారా... అయిపోయిందా...
               మీకు కూడా రేసిపెస్ కావాలా పంపించామంటారా.. ఈజీ రేసిపెస్
7:53 PM me: maa amma ninna cheppinappudu chaala veeji anipinchindi
         U: అయ్యో పాపం.. ఇప్పుడు కష్టంగా ఉందా..
        me: kani ippudemo anta tikka tikka ga prana story laga undi
7:54 PM ;P
         U: రసం పొడి ముందే తయారు చేసుకుని ఉంచుకుంటే ఓ మూడు నెలలు నిలవ ఉంటుంది..
        me: రసం పొడి ఇంటి నుంచీ తెచ్చుకున్నాను..
         U: చాలా వీజీ... నీకు దౌబ్త్స్ వస్తే ఇలా ఆన్లైన్ లో ఉండే మాలాంటి పెద్ద తలకాయ లని అడగచ్చు..
7:55 PM     మరింకే.. ఈజినేగా..
        me: రసం పొడి చేసుకునే సీనే ఉంటే ఇన్ని కష్టాలెందుకు చెప్పండి?
         U: మిక్సీ లేదా...
        me: ledu
7:56 PM U: ఓ... అయితే ఒకే..
                   ఇంతకీ అయిందా
        me: chudali.. ippude pettanu
         U: అప్పుడే అవదులే..
7:57 PM     సిం లో పెట్టి మరగాబెట్టు బాగుంటుంది... మూత సగం తీసి ఉంచు..
        me: మొదట రసం పొడి,ఉప్పు,చింతపండుకలిపి దానిలొ రెందు గ్లసులు నీళ్ళు పోసి స్టౌ పై పెట్టాను
         U: కరివేపాకు వేసావా...
              టమేటా వేసావా..
7:58 PM me: కరివేపాకు వేస్తాను, కానీ టొమాటోలు లేవు.
chintapandu is the replacement of tomato isnt it?
         U: ముందు రెండు గ్లాసుల నీళ్ళలో ఉప్పు పసుపు, చింతపండు నీళ్ళు (అంటే గుజ్జు) రెండు           టమోటోలు, రాసంపొడి వేసి మరిగించడమే..
                  కానే కాదు.. టమేటా లేకపోతె పెద్దగా కాదు కదా చిన్నగా కూడా రుచించదు..
7:59 PM    అర్జెంట్ గా బయట ఏదైనా చిన్న కూరల కొట్టు ఉంటే వెళ్లి రెండు టొమోటోలు తెచ్చుకో..
                 కనీసం పక్కింటి పిన్ని గారిని అయినా అడుగు.. చాలా బాగుంటుంది టమేటా వేస్తె..
        me: avuna
            ok ok
            ippude testa
8:00 PM U: తెచ్చుకో లేకపోతె పిస్చాత్తాప పడతావు..
8:01 PM me: కరివేపాకు టొమాటో రెండూ వేసేశాను
8:02 PM U: అప్పుడే తెచ్చేసావా...
                   వెరీ గుడ్..
       me: ఇంతకూ మీరు నేను రాసిన చిత్తూరు నాగయ్య వ్యాసం చదివారా?? నవతరంగం లో నిన్న పబ్లిష్ అయ్యింది..
8:03 PM U: అయ్యో లేదే.. లింక్ ఇచ్చేయండి చదివేస్తా..
       me: http://navatarangam.com/2010/03/nagaiah-2/
8:04 PM U: చూస్తా..
8:06 PM కొత్తిమీర ఉందా...
8:08 PM me: vesesanu kadaa
         U: అప్పుడే వేయకూడదు..
        me: vesi chaala sepainidi
             ha ha ha
         U: మొత్తం అయిపోయాక చిన్న చిన్నగా కట్ చేసి వేసుకోవాలి.. అంతే..
        me: sorry kottimeera ledu
            sorry kerivepaku vesanu
8:09 PM U: ఒకే.. కరివేపాకు ముందే వేయాలి..
                   కొట్టిమీర ఉంటే మాత్రం చివరకు వేయాలి..
                   నీకు తీపి రసం కావాలా పుల్లటి రసం కావాలా..

కొద్దిగా తీపిగా కావాలంటే ఓ చిన్న బెల్లంముక్క / ఓ అరచెంచా పంచదార వేసుకోవాలి..       me: రసం లా ఉండే రసం కావాలి :P
        U: హి హి హి...
       me: bellam panchadaara levu
           nenu coffee lu gatra taganu anduke alaantivi undavu
8:11 PM U: ఓర్నాయనో... ఎలా బాబు ఇలా అయితే..
                  సరే అయితే పుల్లటి రసం..
8:12 PM me: రసమేదో అయినట్టు ఉంది. తినేసి తర్వాత చెబుతా ఎలా ఉండేది..
       U: అపుడే అవదు తొందర పడకు..
                     టమేటా మగ్గాలి..
8:13 PM me: avuna stove off chesaanu.. manchi vaasana vastunte
            malli on chestanu
            :P
         U: వస్తుంది కానీ సిం లో పెట్టు.. మంట..
              చాలా బాగా తెర్లాలి..
        me: sim lone pettanu
         U: కనీసం ఇరవై అయిదు నిమిషాలు..
             పెట్టి ఎంత సేపయ్యింది తమరు..
8:14 PM me: oka 15-20 mins ayyuntundi
                 U: ఇంకో అయిదు నిమిషాలు ఉంచు.. టమేటా చితికిపోయి మగ్గిపోవాలి.. అప్పుడు ఆఫ్ చేసేసి తినేయచ్చు. అన్నట్టు మిరియాల పొడి కలిపారా రసం పౌడర్ లో.. లేకపోతె విడిగా వేసుకోవాలి..
8:15 PM me: మీకు నా రసం దెబ్బకు ఆన్లైన్ ట్యుటోరీలexperience ్ లో వచ్చేస్తుంది..
         U: కొద్దిగా అంటే ఓ రెండు మూడు చిటికెలు..
              హహ్హహ్హ... మరే..
        me: అవన్నీ కలిపే మా అమ్మ తయారు చేసుంటుంది.. నా గురించి బాగా తెలుసులెండి మా అమ్మకు
8:16 PM U: మీ చిత్తూరు నాగయ్య గారి గురించి చదివాను.. చాలా బాగా రాసారు..
                   అయితే ఒకే..
                   అన్నట్టు పోపు పెట్టుకోవాలి మరి అవి సిద్ధం చేసుకోండి..
       me: పోపు అంటే ఏమిటి?
8:17 PM U: చిన్న బాండీ, ఒక చెంచా (చిన్న) నూనె, ఇంగువ, ఆవాలు, జీలకర్ర..
                    తిరగమాత, తాలింపు...
       me: ohh this.. i thought whatto whattu
        U: పోపు అన్ని ఒకటే..
       me: that is ready
        U: మీరు ఏం అంటారు..
              మేము తిరగమోత అంటాం..
8:20 PM U: ఇంతకీ మీరు ఏమంటారు.. పోపు, తాలింపు......
       me: మేమూ తిరగమోత అనే అంటాం లేండి.
        U: సో సో సో...
             ఓ.. అయితే సేం పించ్

        U: అయిందా రసం.. నేను కూడా వస్తున్నా భోజనానికి.. ఉంటే గింటే.. ఓ అరడజను అప్పడాలు, ఓ డజను వడియాలు వేయిన్చేయ్యండి.. గబగబా...
       me: sure sure

        U: బాగుంది మీ వంట.. నేను ఇలా రన్నింగ్ కామెంటరీ....
       me: sarenandi.. aa rasam ela undo tini meeku chebutaanu.. vini anandinchandi
8:24 PM    ha ha ha
           all the credit goes to you only
        U: అలాగే.. చెవులు తెరుచుకుని కూర్చున్నా...
       me: :P
        U: మీరు తిని చెప్పండి..
       me: sure sure
    34 minutes
8:59 PM me: రసం సూపర్ అనుకోండి.. కొంచెం ఉప్పు తక్కువైంది తర్వాత వేసుకునాను.. మొత్తానికి చాలా బాగా వచ్చింది..
         U: అయిందా .......
        me: yes yes
9:00 PM U: ఆహా.. సూపరా..
                  గుడ్ గుడ్...
       me: "all the credit goes to you only"
        U: ఎందుకలాగా
       me: venki cinema chusaaraa?
9:01 PM daanilo brhmi dialogue adi
        U: చూసా
       me: tannulu tinnaaka chebutaadu
        U: అమ్మా గుర్తొచింది
       me: "we enjoyed a lot sir, all the credit goes to you only"
            but e running cooking bagundani
        U: హి హి హి ....
                                                  థాంకులు...

బెంగళూరు తెలుగు బ్లాగర్ల సమావేశం..

2010-04-22T09:26:00.000+05:30

ప్రజలారా!
ఈ ఆదివారం లాల్ బాగ్ లో నాకు తెలిసిన కొందరు తెలుగు బ్లాగర్లు సామావేశం అవుతున్నారు.. ఉదయం 11గం లకు సమావేశం మొదలుపెట్టాలని అభిలాష.. కనుక ఎవరైనా పాల్గొనాలని అనుకుంటే నాకు మీ మెయిల్ ఐడీ ఇవ్వగలరు..
ఈ సమావేశానికి అజెండాలు గాడిదగుడ్డులు ఏమీ లేవు.. జస్ట్ సరదాగా కాసేపు మాట్లాడుకుందామని ఒక చిన్న ప్రయత్నం.. మరేమీ ఆలోచించకుండా వచ్చేయండి.. లాస్ట్ టైం మేము కొందరం కలిసినప్పుడు 3గంటలు 3 నిమిషాల్లా గడిచిపోయాయి.. ఒకవేళ మీరున్న ప్రదేశానికి లాల్ బాగ్ చాలా దూరమైతే మీరే ఒక ప్లేస్ చెబితే మేము అక్కడికి రావటానికి ప్రయత్నిస్తాం.. లాల్ బాగ్ అని ఎందుకనుకున్నాం అంటే అక్కడ మనం కూచొని మాట్లాడుకోవడానికి స్థలం అది బాగుంటుంది.. నగరం లోని మిగతా ప్రాంతాల్లాగా రణగొణ ధ్వనులు ఉండవు..

నా మెయిల్: karthikeya.iitk@జీమెయిల్.com

-కార్తీక్

నా పేరు- నా కష్టాలు

2010-04-11T20:27:00.001+05:30

నా పూర్తి పేరు ఇంద్రకంటి వీరభద్ర కార్తికేయ శర్మ. వినటానికే తిక్క తిక్కగా ఉందికదా.. అసలు ఇంత పేరు అప్లికేషన్లలో నింపాలంటే మెయిన్ షీటుతోపాటూ రెండు మూడు అడిషనల్ షీట్స్ కావాలి. అందుకనే నేను కూడా చిన్నప్పటి నుంచీ అందరికీ "కార్తికేయ" అని మాత్రమే చెప్పేవాడిని. మా అక్కలు ఇద్దరి తర్వాత నేను పుట్టాను అంతే కాక మా వంశం లో ఈ తరానికి నేనొక్కడినే అబ్బాయిని.. అందుకని దేవుడి పేరు పెట్టాలని ఫిక్స్ అయిపోయారు.. దానితో నా పేరు స్కిప్పింగ్ రోప్ అంత పొడుగైంది. స్కూల్ రోజులలో అందరూ "కార్తికేయ" అని పిలిచేవారు.. నాక్కూడా ప్రాణానికి సుఖంగా ఉండేది.. ఇలా రోజులు గడుస్తుండగా నేను పదవ తరగతిలో చేరాను. పదవ తరగతి సర్టిఫికేటులో పేరు రాయించాలి.. నాలోని అభ్యుదయ భావాలు బీ.పీ. పెరిగినట్టు పెరగడం వల్ల ముందు "శర్మ" అనేది పీకేశాను(బీపీలా ఎందుకు పెరిగాయి అనేది మీరు అడగకూడదు.. నేను చెప్పకూడదు). ఆ తర్వాత ఇంకో రకమైన పైత్యం వల్ల ఇంటిపేరూ వగైరా పీకేసి కేవలం "కార్తికేయ" అనేది మాత్రమే ఉంచమని చెప్పాను.. కానీ మా సారు మా అమ్మావాళ్ళతో కుమ్మక్కై అవంతా అలానే ఉంచి "ఐ.వి.బి.కార్తికేయ" గా చేశాడు. ఈ ఘోర నిజం నాకు తెలిసే సరికే పుణ్యకాలం కాస్తా తీరిపొయింది.. ప్రతీకారం తీర్చుకునే లోపల పదవ తరగతి కూడా అయిపోయింది :( అందువల్ల నా అఫిషియల్ పేరు అలా "ఐ.వి.బి. కార్తికేయ" గా మిగిలిపోయింది.

కథ ఇక్కడితో ఆగిపోతే నేను కార్తీకునూ కాదు ఇది నా బ్లాగూ కాదు.. ఇంటర్మేడియేట్ ఎలాగో బండి లాగించేశాక ఇంజినీరింగులో అసలు కష్టాలు మొదలయ్యాయి.. విషయం ఏమిటంటే తమిళ దేశాం లో ప్రతీ ఇంట్లో ఇద్దరు "కార్తికేయన్" లు ఉంటారట కంఫ్యూస్ కాకూడదని ఒకరి పేరు "కార్తికేయన్" ఇంకొకరి పేరు "కార్తిగేయన్" అని పెడతారట (బూతులు వెతక్కండి బాబూ.. వాళ్ళు కొన్ని సార్లు క బదులు గ రాస్తారు.. ఉదా:-కర్పగవల్లి ) . సో మాలెక్చరర్లు అందరూ మొహమాటం లేకుండా "కార్తికేయన్" "కార్తికేయన్" అని పిలిచేవాళ్ళు.. నాకు ఈ అరవ పేరు అస్సలు ఇష్టం ఉండదు.. అసలే నేను పదహారణాల తెలుగు బిడ్డను.. పైగా అభాతెమాసం సభ్యుడిని కూడా... బుర్ర గోక్కోకండి.. అభాతెమాసం అంటే ప్రపీసస సిస్టర్ కమ్యూనిటీ కాదు.. అభాతెమాసం అంటే అఖిల భారత తెలుగు మాట్లాడే వాళ్ళ సంఘం. ఈ బెంగ తో సగం మార్కులు గట్రా తక్కువ వచ్చేవి.. కొన్ని రోజులు ఇలా సాగాక ఇక తప్పదని మా లెక్చరర్లకు చెప్పాను సార్ నా పేరు "కార్తికేయ" మీరు వేరే ఏదో అంటున్నారు అని. అయినా కూడా ఏమి ఉపయోగం లేదు ఎంతైనా ఇంజినీరింగు కాలేజీ లెక్చరర్లు కదా.. ఫైనల్ ఇయర్ కు వచ్చాక ఇంకో రూట్లో పని కానిచ్చాలని నా పేరును కాస్తా "కార్తీక్" గా కుదించాను.. స్కిప్పింగ్ రోప్ అంత పెద్ద పేరు హెయిర్ బ్యాండ్ అంత చిన్నగా అయిపొయింది :(.. అందుకే నా ఎంటెక్ ఫ్రెండ్స్ అందరూ "కార్తీక్" అనే పిలుస్తారు.. క్యాంపస్ ఇంటర్వ్యూలో కూడా నా పేరు "కార్తీక్" అని మాత్రమే చెప్పాను..
కొసమెరుపు: పాత కంపెనీలో అందరూ కార్తిక్ అనే పిలుస్తారు.. కానీ నిన్న హ్యులెట్ పాకార్డ్ ఇండక్షం ప్రోగ్రాం లో ఆ మానవ వనరుల మేనేజర్(మేనేజర్ తెలుగు పదం??) నా పేరు చెప్పాల్సిన చోటల్లా నా పేరు "కార్తికేయన్" "కార్తికేయన్" అని పిలిచింది.. రేపటినుంచీ నా కొత్త బాసుతో కలిసి పని చెయ్యాలి అతను ఎలా పిలుస్తాడో చూడాలి.. ఆ అరవ పేరు పిలిస్తే మాత్రం మొదటి రోజే చెప్పేస్తాను.. అలా చెప్పకపోతే శిక్షగా మార్తాండ కథ సంపుటికి ముందుమాట రాస్తాను..

-కార్తీక్

మరు జన్మలో నేను ......

2010-03-29T08:20:00.000+05:30

కరవు సీమలో తొలకరి అల్లరికి కలిగిన మట్టి వాసననౌతాను!
అరుణోదయాన జగతిని నిద్రలేపే పక్షుల కిలకిలరావాలలో ఇమిడిపోతాను!

ముగ్గువేస్తున్న పల్లేపడుచు ముంగురులపై స్వేదబిందువునౌతాను!

బిడ్డకోసం తన సుఖం మరిచే అమ్మ హృదయపు ఆర్ర్ధతనౌతాను!
చెలి ఎడబాటు వల్ల కలిగిన విరహంలోని వేడి నిట్టూర్పునౌతాను!

కల్లోల కాశ్మీరానా కదం తొక్కే వీరసైనికుడి పాదధూళిగా పుడతాను!
కరవుకరాళ నృత్యానికి సాక్షిగా నిలిచిన బక్కరైతు ఆక్రందననౌతాను!
నిర్లక్ష్య నిదర్శనంగా బోరుబావిలో పడ్డ పాపడి ఏడుపులో ప్రతిధ్వనినౌతాను!
బుడిబుడి నడకల వయసులో బ్యాగు బరువులకు కుదేలౌతున్న బాల్యపు చిహ్నంగా మిగిలిపోతాను!

-కార్తీక్

కొన్ని రోజుల క్రితం నేను రాసుకున్న కవిత ఇది. ఇవాళ పుస్తకాలు సర్దుతుంటే దొరికింది. మరోసారి మిస్ అయ్యేలోపు బ్లాగులో పెట్టడం మేలనిపించి ఇలా పెట్టాను.

బ్లాగుల్లో పేటెంట్లు

2010-02-24T22:17:00.000+05:30

టెంప్లేట్లు కాదు బాబు పేటెంట్లు.. మళ్ళి కన్ ఫ్యూజు కాకూడదని మరోసారి చెబుతున్నా..

నాకు పేటెంట్లు అన్న పదం విన్నప్పుడల్లా, నా థీసిస్ కు మిస్ అయిన పేటెంటే గుర్తుకు వస్తుంది.. సరేలే పేటెంటు రాకపొయినా కనీసం కొంత జ్ఞానం అన్నా వచ్చిందని తృప్తి పడుతుంటాను..

ఇక విషయానికి వస్తే తెలుగు బ్లాగుల్లో ఎవరెవరికి ఏ ఏ విషయాలకు పేటెంట్లు ఇవ్వాలని నేను కొంత ఆలోచించాను.. దాని ఫలితమే ఈ టపా..

కొత్తపాళి గారు: మంగళవారం
అబ్రకదబ్ర గారు: శ్రీ ఏసుదాసు కథ (కెవ్వు స్టోరీ)
తోటరాముడు గారు: దినకర్
విహారి గారు:సిద్ధా బుద్ధా
తేటగీతి గారు: బట్టతల (ఈయనకు బట్టతల ఉందో లేదో నాకు తెలీదు కానీ నాకు బాగా ఇష్టమైన కథ మాత్రం "బట్టతల వచ్చేసిందే బాల ")
అరిపిరాల సత్యపసాద్ గారు: కాశీ మజిలీ కథలు

ఇక మనవాళ్ళ విషయానికి వద్దాం.

మలక్ పేట్ రౌడీ: LOOOL :)
జీడిపప్పు( ఈయన ఈ మధ్య బ్లాగుల్లో కనిపించటం లేదు): "బ్లాగు లోకపు కే.ఏ.పాల్" అనే వ్యాఖ్య
పాగడా సారీ పావడా సారీ పవన్: వేరే చెప్పాలా "కాగడా", "ప్రనా" అన్న గొప్ప పదం
శరత్ గేరు సారి గారు: స్పెషల్ గా చెప్పాలా? మీరనుకుంటున్నదే..
వికటకవి శ్రీనివాస్: రాజేష్
సౌమ్య:సెగట్రీ
మంచుపల్లకి: ఒక మాంచి పల్లకి కొని ఇచ్చేదాం..
నాగప్రసాద్: కెలుకుడు
బంతి,జో: ప్రపీసస పవర్ ఆఫ్ అథారిటి
జాటర్ డమాల్: డాక్టర్ గారు
ఒక చిన్న డౌటు: కలరులీడరమ్మ పేటెంట్ ఎవరి దగ్గర ఉంది? వాళ్ళకి నా పాదాభివందనం..

ఇప్పుడు ఒక వ్యక్తికి ఇవ్వడానికి కొన్ని పేటెంట్లున్నాయి.. వాటిని బ్లాగుల్లో కేవలం ఒకే ఒక్కరు తీసుకోగలరు.. ఆ వ్యక్తి ఎవరో మీరే చెప్పుకోండి

పేటెంట్లు: "ఎమోషనల్ దయ్యం" "గుండు కొట్టించుకుని గాడిద మీద తిరగడం" "మలక్,ఏకలింగం ఒకరే" "వీర నాస్తికత్వం" "వదిన వాదం సారీ స్త్రీవాదం" "బీరువాలో పెట్టి బుక్కులు మర్చిపోవడం"

నా పేరుతో ఏ పేటెంట్లు లేక పొయినా ఇంతమందికి ఇన్ని పేటెంట్లు ఇవ్వాలని చెబుతున్నాను కనుక ప్రజలు నా విశాల హృదయాన్ని గుర్తించాలి :) :)

-కార్తీక్

ఇదేమి అవతారం దేవుడా??

2010-01-20T20:05:00.003+05:30

అవతార్ సినిమా గురించీ అనుకుంటున్నారా? ఐతే మీకు నూటికి నూటా ఇరవై మార్కులు. నేను ఖచ్చితంగా దాని గురించే మాట్లాడుతున్నాను. 2009 లో నేను చాలానే చెత్త సినిమాలు చూశాను.. కానీ 2010 కూడా ఇంత చెత్త సినిమాతో మొదలైనందుకు నేను కడు చింతింత్ హూ!

నేను బేసిగ్గా విలన్ని, నాకు హీరోయిన్లు నచ్చరు..
నేనెప్పుడు థియేటరుకు పొయి సినిమా చూడడానికి అసలు ఇష్టపడను..
పై రెండు వాక్యాల మధ్య సంబంధం వెదుకుతున్నారా?? ప్చ్ ఏమాత్రం సంబంధం లేదు.. పది రోజులు ప్ర.పీ.స.స. కు దూరంగా ఉంటే ఇలాకాక ఎలా ఉంటాను చెప్పండి?

ఇక మన సినిమా విషయానికి వస్తే అందరూ ఆహా, ఓహో.. అంటే కనీసం "పర్లేదు" టైపులో ఉంటుంది అనుకున్నా.. కానీ అట్టర్ హోప్ లెస్!! అసలు ఆ సినిమాకు పోవటానికి పెద్ద ప్రహసనమే నడిచిందిలెండి. మా ఆఫీస్ టీముకు సంబంధించి ఒక కామన్ ఫండ్ ఉంటుంది ఒకానొక కాలంలో అది కంపెనీ భరించేది మాంద్యం దెబ్బకు ప్రస్తుతం టీం మెంబర్లంతా నెలకు వంద రూపాయలు వేసుకుని బండి లాగిస్తున్నాం.. ఆ డబ్బుతో సినిమాకు వెళదాం అని టికెట్ బుక్ చేశాం.. తీర బుక్ చేశాక ఆ ఐడియా ఇచ్చిన అమ్మాయికి ఆక్సిడెంట్ అయ్యి కాలు విరిగింది.. పాపం ఇంకా సెయింట్ జాన్స్ లోనే ఉంది.. నాకైతే టికెట్ కాన్సిల్ చేద్దామనిపించింది కానీ డబ్బులు వేస్ట్ అవుతాయి కదా అని వెళ్ళాము.. ఇలాంటి శషభిషల మధ్య టీం మొత్తం అంటే నా బాసు, బాసుకు బాసు, ఆ బాసుకు బాసు ఇలా బాసులతో కలిసి వెళ్ళాను.. నాకు సినిమా ట్రైలర్ చూసే ఇదేదో తన్నేట్టుగా ఉందే అని డౌట్ వచ్చింది.. సినిమా మొదలౌతూనే అది కాస్తా నిజమని తేలిపొయింది..

ఒక అడవి జాతి ఉంటుంది..వాళ్ళల్లోకి ఒక బయట వ్యక్తి వస్తాడు.. ఆ జీవిని వాళ్ళంతా అభిమానిస్తారు.. కానీ ఆ కొత్త వ్యక్తి వల్లే ఆ జాతికి నష్టం కలిగింది అని వాళ్ళంటా అనుకుంటారు అప్పుడు ఆ కొత్త వ్యక్తి వాళ్ళకు హెల్ప్ చేసి తన నిజాయితీ చాటుకుంటాడు..

ఈ కథ నేను చిన్నప్పుడు చందమామ కథల్లో చదివాను.. కొంచెం పెద్దయ్యాక బుల్లెట్,షాడో నవలల్లో చదివాను... ఇంకా సినిమాల్లో కూడా ఎక్కడొ చూసినటున్నాను.. అందువల్ల నాకు కథా పరంగా చాలా ఆర్డినరీ అనిపించింది.. ఇక ప్రజలెవరైనా "కథ పాతదే ఐనా కథనం కొత్తగా ఉంది" అనే తెలుగు సినిమా డైరెక్టర్ల మాటలు చెబితే నేనస్సలు నమ్మను.. ఏ పక్క నుంచీ చూశినా అంత కొత్త దనం నాకు కనిపించలేదు (నువ్వంత ముదిరిపోయావు అంటే నేనేమి చెయ్యలేను)

ఇలాంటి కథల్లో నాకు బాగా నచ్చిన సినిమా లార్డ్ ఆఫ్ థి రింగ్స్.. ప్రతీ ఫ్రేములో ఎంతో సహజంగా Magnum Opus అనే పదానికి అర్థం చెప్పేలా ఉంటుంది.. నాకు తెలియకుండానే నేను అవతార్ ను ఆ సినిమాతో పోల్చడం వల్ల ఇంకా చెత్తగా అనిపించింది.. ఇవన్నీ చాలవన్నట్టు 3D ఒకటి.. అదోక ఎక్స్ ట్రా క్షవరం.. 150 టికెట్ 300 కు కొన్నాము.. హై. లో ఉండే ఐమాక్స్ లో చూస్తే బాగుంటుంది అని మా ఫ్రెండ్ అన్నాడు..ఎంత మాత్రం నిజమో నాకు తెలీదు.. ఇక్కడైతే(Inox) అంత గొప్ప ఫీల్ రాలేదు..

ఏదో నా అంతకు నేను మా ఇటాలియన్ క్లయింటుతో కష్టాలు పడుతుంటే టిం బిల్డింగ్ అనే పేరుతో ఈ సినిమా చూపించారు 400 డబ్బులు + 3గంటల నా విలువైన సమయం వృధా అయ్యింది.. ఆ మూడు గంటలు ప్ర.పీ.స.స. లో కామెంట్లు రాసింటే కనీసం మా సభ్యులన్నా కొంచెం సంతోషపడేవారు..

కొసమెరుపు: రాం గోపాల్ వర్మ "అవతార్ చూడొద్దు, అనుభవించండి" అంటే అదేదో పొగడ్త అని తిక్క ప్రజలు ఫీల్ అయిపోయారు.. నేను అనుభవించాను మీరు కూడా మీ ఖర్మ అనుభవించండి అని అర్థం... ఎప్పటికి తెలుసుకుంటారో ఏమో??

నా తెలుగు బ్లాగు పయనం -2009

2009-12-31T21:31:00.004+05:30

నేను నా తెలుగు బ్లాగు మొదలుపెట్టి రెండేళ్ళకు పైగా అయ్యింది. కానీ క్రియాశీలకంగా రాస్తున్నది మాత్రం ఈ సంవత్శరం ఫిబ్రవరి నుంచే.. అప్పటి వరకు నాకు తెలుగు బ్లాగులంటే తోటరాముడు, కూడలి, విహారి లాంటి ఒకటి రెండు బ్లాగులే.. ఏదో టపా శిర్షిక ఆకర్షణీయంగా అనిపిస్తే అవి మాత్రం చూసే వాడిని.. ఈ సంవత్శరం ఇంత సీరియస్ గా తెలుగు బ్లాగు రాయడానికి చాలా పెద్ద కథే ఉంది, అదంతా చెప్పి పాఠకులకు బోర్ కొట్టించడం నాకిష్టం లేదు..
ఇక బ్లాగులు చదువుతున్న కొద్ది, ఫాలో అవుతున్న కొద్దీ చాలా మంది ఆలోచనలు తెలుసుకునే అవకాశం కలిగింది. కొంతమంది రాసినవి చాలా బాగా నచ్చితే కొందరు రాసినవి పరమ చెత్తగా అనిపించాయి.. నాకు గుర్తున్నంతలో నేనెవరి గురించీ చెత్త కామెంట్లు పెట్టలేదు.. ఇక ఇంకొక ముఖ్య విషయం ఏమిటంటే చాలా మందితో నేను కొన్ని విషయాలలో పూర్తిగా ఏకీభవించేవాడిని ఇంకొన్ని విషయాలలో పూర్తిగా విబేదించే వాడిని.. ఇక్కడ నేనర్థం చేసుకున్న జీవిత సత్యం ఏమిటంటే ఈ ప్రపంచంలో ఎవరూ అన్ని విషయాలలో మనతో ఏకీభవించరు, అన్ని విషయాలలో విబేధించరు.. so treat anyone's ideas as just another opinion and accept it.
ఇక ఈ సంవత్శరం కొందరి బ్లాగులు, వాళ్ళ ఆలోచనలు నన్ను చాలా ప్రభావితుణ్ణి చేశాయి.. అలాంటివాళ్ళలో మొదటి వ్యక్తి మన సాహిత్య అభిమాని బ్లాగు రాసే శివరాం ప్రసాద్ గారు. ఆయన రచనలు చూసినప్పుడల్లా, మా నాన్నకు ఒక బ్లాగు ఒపన్ చేసిచ్చి రాయమంటే ఇలానే రాస్తారేమో అనిపిస్తుంది. చందమామ గురించి కానీయండి లేదా ఆయనిచ్చే సలహాలు కానీయండి అన్నీ అలానే అనిపిస్తాయి may be that generation is like that. అందుకే ఆయన రచనల్లన్నీ 2-3 సార్లు చదువుతాను.. అసలు ఆయన రాసిన about me చదివే ఆయన ఫ్యాన్ అయిపోయాను.. " I am 51 year young..." that alone shows his enthusiasm.. I salute you sir!

తర్వాత చెప్పవలసింది తాడేపల్లి గారి గురించి, కత్తి మహేష్ గారి గురించి.. వీరిద్దరితో నేను చాలా విషయాలలో ఏకీభవిస్తాను, చాలా విషయాలలో విబేదిస్తాను.. కానీ ఒక అభిప్రాయం ఏర్పరచుకునే ముందు వాళ్ళు చేసినంత బ్రెయిన్ స్టార్మింగ్(తెలుగు పదం??) నాకు తెలిసి ఎవరూ చెయ్యరు..వాళ్ళు రాసిన చాలా టపాలలో విషయాలు నాకు ఒక కొత్త దృక్కోణాన్ని చూపాయి.. అంతే కాక వారి మధ్య జరిగే చర్చలు కూడా నాకు బాగా నచ్చేవి ఎక్కడా చెత్త మాటలు చెత్త సంగతులు లేకుండా సాగుతాయి.. కొన్ని సార్లు నేనెవర్ని సమర్ధిస్తున్నానో నాకే అర్థం అయ్యేది కాదు :) :) ఒక కామెంట్ చదివితే ఈయన కరెక్ట్ అనిపిస్తాడు ఇంకోటి చదివితే ఆయన కరెక్ట్ అనిపిస్తాడు.. మధ్యలో నలిగిపోయేవాడిని.. ఆలాంటప్పుడు నేనెందుకు కామెంటలేదు అని ప్రజలడగచ్చు.. ఎందుకంటే "నేను చాలా బిజీ" ఇదే మాటను తెలుగులో ఒళ్ళు బరువు అంటారు.. I carry huge respect to the dedication that you show towards your principles!

ఇక మారుపేర్లతో రాసేవారిలో నాకు బాగా ముఖ్యులు మన చదువరిగారు,అబ్రకదబ్ర గారు.. వాళ్ళిద్దరూ చేసే విశ్లేషణలు కూడా నాకు చాలా బాగా నచ్చుతాయ్.. ఇక కొత్తపాళి గారు రాసే కబుర్లలో నాకు కొంత చలసాని ప్రసాదరావు గారి శైలి కనిపిస్తుంది.. ఈనాడులో ప్రతీ బుధవారం వచ్చే కబుర్లు నేనెప్పుడు మిస్ కాలేదు..
మహిళా బ్లాగర్లలో కవితలు రాసేవాళ్ళందరి బ్లాగులు తప్పకుండా చదువుతాను. ఎందుకంటే నేను కవితలు రాయలేను అందుకని వారు రాసినవన్నా చదివి గుర్తుపెట్టుకుంటే ఎక్కడైనా ఒపయోగపడతాయని ఒక ఆశ :) :) అవే కాక మేధగారి బ్లాగు, లక్ష్మిగారి బ్లాగు తప్పకుండా చదువుతాను.. నేను గుర్తుకు తెచ్చుకుని మరీ నవ్వుకునే తిట్లు కొన్ని ఉన్నాయ్.. వాటిలో లక్ష్మి గారు రాసిన "పాతబస్తీలో పసుపుకుంకుమలు అమ్ముకునే వెధవ" తప్పకుండా ఉంది..

ఇవన్నీ ఒక ఎత్తైతే మార్తాండ ఒక్కడూ ఒక ఎత్తు..మొదట్లో నేను మనోడిని సపోర్ట్ చేసే వాడిని. ఆ జీవి లాజిక్కులు తిక్క తిక్కగానే ఉన్నా ఏదో తను నమ్మినవి చెబుతున్నాడులే అనుకునే వాడిని.. ఎప్పుడైతే మన వాడు సాటి బ్లాగర్ల మీద వ్యక్తిగత దాడి మొదలుపెట్టాడో అప్పుడే గౌరవం కోల్పోయాడు.. ఆ తర్వాత నేను మనోడి కామెంట్లు అవి ఫాలో అయ్యి మనోడిలో ఎంతమంది అపరిచితులు ఉన్నారు అనేది తెలుసుకోగలిగాను.. కానీ జూన్ 26న మనోడు చెప్పిన కామెంట్ చదివాక మనోడి మీద కోపం స్థానం లో జాలి కలిగింది.. ఆ రోజు మనోడు చేసిన కామెంట్ ఏమిటి అనేది నా బ్లాగులో రాయడం నాకిష్టం లేదు.. ఇక మార్తాండతో పాటు మంచి కామెడీ ఇచ్చిన మరో బ్లాగు నా ప్రపంచం బ్లాగు.. ఇన్నయ్య అనే జీవి మీద, జన విజ్ఞాన వేదిక మీద ముందు నాకు అంతో ఇంతో మంచి అభిప్రాయం ఉండేది.. ఆ బ్లాగులు ఆయన రాసిన చౌకబారు కూతలతో ఆ మర్యాద కాస్తా పొయింది.. ఇప్పుడు నాకు ఇన్నయ్యంటే "మార్తాండకు ఎక్కువ మొమైత్ ఖాన్ కు తక్కువ" అంతే! వీళ్ళిద్దరి పైత్యం వల్ల నేను ప్ర.పీ.స.స. సభ్యుణ్ణయ్యాను.. నాకు బ్లాగుల ద్వారా ఏర్పడ్డ మొట్ట మొదటి మిత్రులు ప్ర.పీ.స.స. సభ్యులు.. జో,బంతి,సౌమ్య,నాగ,కల్యాణి, JD,malak,...you guys rock!! మనలందరినీ కలిపిన మొహన్ గారికి ప్రత్యేక నెనర్లు..

బ్లాగుల్లొ అందరూ తమ తృప్తి కోసం రాసుకుంటారు కానీ జీవని గారు మాత్రం తన బ్లాగు ద్వారా మనకు కొంతమందికి సహాయపడే అవకాశం కల్పించారు.. 2009 నాకు ఎక్కువ తృప్తి కలిగించిన విషయం మాత్రం నేను జీవని ద్వారా చేసిన రక్త దానమే!!

ఇక వచ్చే సంవత్శరం నా బ్లాగు లక్ష్యాలు:
1.ప్ర.పీ.స.స. కు ఒక రోజులో 500 కామెంట్లు రావాలి,, 24 గంటలూ ఎవరో ఒకరూ రాస్తూనే ఉండాలి..
2. నేను నవతరంగం, పుస్తకం లలో సమీక్షలు రాయాలి..

నాకు తెలుగు బ్లాగును పరిచయం చేసిన త్రివిక్రం గారికి నెనర్లు చెప్పకుండా ఈ టపా ముగియకూడదు.. thanx a million Trivikram!!

అందరికీ హార్దిక నూతన సంవత్శర శుభాకాంక్షలు

-కార్తీక్

3 ఇడియట్స్!!!

2009-12-26T20:44:00.003+05:30

ఈ రోజు మధ్యాహ్నం షోకి ఇనొవేటివ్ మల్టీప్లెక్స్ అనే ఒకానొక చెత్త థియేటర్ లో ఈ సినిమాకు వెళ్ళాను.. ఈ సినిమా చేతన్ భగత్ నవల మీద తీశారు అంటే చూడకూడదనుకున్నాను, ఎందుకంటే అతి చెత్త రచయితలు అనే పోటీ జరిగితే నేను దానికి చేతన్ భగత్ పేరుని నామినేట్ చేస్తా!! ఆ జీవి రాసిన 5 పాయింట్ సంవన్,3 మిస్టేక్స్ ఆఫ్ మై లైఫ్ చదివాను.. ఆ తరువాత ఇంకెప్పుడు అతని రచనలు చదవకూడదని ఫిక్స్ అయిపోయాను..

రచయిత చెత్త అయినా ఆమిర్ ఖాన్ సినిమా, అందులో మున్నాభాయ్ తీసిన డైరెక్టర్, కాబట్టి పర్లేదులే అని వెళ్ళాను...90% సినిమా మాధవన్ నెరేట్ చేస్తాడు.. మాధవన్, ఆమిర్ ఖాన్ తో పాటు శర్మాన్ జోషి కూడా ఉన్నాడు.. నాకు రంగ్ దే బసంతి తరువాత శర్మాన్ జోషీ బాగా నచ్చాడు.. హీరోయిన్ గా కరీనా కపూర్ ఒక ముఖ్యమైన పాత్రలో బొమన్ ఇరానీ ఉన్నారు.. చేతన్ భగత్ నవల నుంచీ పక్కా దింపుడు కాదు కనుక నవల చదివినా కూడా కొత్తగానే అనిపించింది.. 90% సినిమా ఒక ముగ్గురు స్టూడెంట్ల నాలుగేళ్ళ కాలేజీ జీవితమే.. ఇంకా చెప్పాలంటే హాస్టల్ జీవితం.. నవల లో చేతన్ భగత్ IITల మీద ప్రజలకున్న క్రేజును విమర్శించాడు.. సినిమాలో ఆమిర్ ఖాన్ మన మార్కుల వ్యవస్థను విమర్శించాడు.. దర్షిల్ సఫారీ ఆత్మ హత్య చేసుకున్నప్పుడు జరిగే సంభాషణ నాకు బాగా నచ్చింది. "డాక్టర్లు గొంతు మీద ఒత్తిడి వల్ల చనిపోయాడు అన్నారు, కానీ మెదడు మీద పడ్డ ఒత్తిడి గురించి ఏమీ చెప్పలేదు" అంటాడు...how true!! నా రెండేళ్ళ హాస్టల్ జీవితం లో ప్రతీ 2-3 నెలలకు ఒక ఆత్మహత్య చూశాను..(at one point of time i attended a workshop on "how to prevent suicides and find signs of depression in people around us") కనుక ఆ వాక్యం నా మనసుకు బాగా హత్తుకుంది.. మున్నాభాయ్ తరహాలోనే దీనిలో కూడా కామెడికి సెపరేట్ ట్రాక్ అంటూ ఏమీ లేదు కానీ మంచి పంచ్ డయలాగులు ఇంకొంత సిచ్యుయేషనల్ కామెడీ బాగుంది.. ఇంటర్వెల్ బ్రేక్లో వచ్చే ట్విస్ట్ నవల నుంచీ సినిమాను దూరంగా నిలబెడుతుంది.. ఇక సెకండ్ హాఫ్ లో నవల నుంచీ తీసుకున్న కొన్ని సీన్లు ఉన్నాయి కానీ నవలలో లాగా చెత్త రొమాంటిక్ సన్నివేశాలు లేవు.. ఎవరైనా కరీనా కపూర్ హాట్ హాట్ సీన్ల కోసం సీనిమా చూడలనుకుంటే వారికి తీవ్ర నిరాశ తప్పదు.. క్లైమాక్స్ లో ఒక 15-20 నిమిషాలు నాకు సుత్తి కొట్టింది. క్లైమాక్స్ టెన్షన్ క్రియేట్ చేసేదానికి కథాపరంగా వేరే సన్నివేశం చేసుంటే బాగుండేదేమో!! బిల్డింగ్ నుంచీ దూకడం, కొశన్ పేపర్లు కొట్టేయడం నవల నుంచీ తీసుకున్నారు..

ఇక పాత్రల చిత్రీకరణల విషయానికి వస్తే హీరో పాత్రను ఎలివేట్ చేసిన విధానం బాగుంది. ఎక్కడా ఒవర్ చేస్తున్నారు అని అనిపించలేదు.. నవల లో ఉన్న తమిళియన్ పాత్రను చతుర్ రామలింగం గా బాగా అడ్జస్ట్ చేశారు.. అది కూడా కథలో ఇమిడిపోయింది.. చాంధసవాద ప్రిన్సిపల్ గా బొమన్ ఇరానీ పాత్ర సినిమాకే హైలైట్!! అలాంటి వాళ్ళను నా జీవితం లో కూడా చాలామందినే చూశాను.. (అవన్నీ "నా ఇంజినీరింగ్ రోజులు" సీరీస్ లో త్వరలో రాద్దామనుకుంటున్నాను). ఇక కరీన హీరోయిన్ గా కంటే ఒక సపోర్టింగ్ పాత్ర అంటే బాగుంటుందేమో, కానీ హీరో హీరోయిన్ రిలేషన్ బాగా చూపించాడు.. ముగ్గురు ఇడియట్స్ మధ్య జరిగే కొన్ని సంభాషణలు చాలా నచ్చాయి.. All is well ఫిలాసఫీ నాకు బాగా నచ్చింది(ఎందుకంటే అది నా ఫిలాసఫీకి చాలా దగ్గరగా ఉంటుంది కనుక :)) All is well అంటే కష్టాలు మాత్రం తీరవు కానీ వాటి వల్ల వచ్చే ఒత్తిడి మాత్రం రాదు.. ఆడియో కూడా బానే ఉంది.. 2-3 పాటలు నాకు బాగా నచ్చాయి..

ఇక నటీనటుల నటన పరంగా చూస్తే అందరూ బాగా చేశారు.. నాకు బాగా నచ్చిన నాటుడు మాత్రం బొమన్ ఇరానీయే.. పాత్రలో చక్కగా ఇండిపోయాడు.. ఆదివారం మధ్యాహ్నం నా కొడుకు చనిపోతే సోమవారం పొద్దున నేను కాలేజీకి వచ్చాను అని చెప్పే సీన్లో మాంఛి గర్వం చూపాడు.. సెంటిమెంటల్ సీన్లలో ఇడియట్స్ ముగ్గురు బాగాచేశారు. ఇక్కడ ఆ ముగ్గురి ప్రతిభ గురించీ ఎవరికీ అనుమానాలు లేవు, వాళ్ళు కూడా ఆ స్థాయికి తగ్గట్టుగా చేశారు..

అన్నీ బాగా కుదిరినా సినిమా హిట్ అయ్యేది మాత్రం డయలాగుల వల్లే, అందులో నాకెటువంటి డౌటు లేదు.. కొన్ని అంతర్జాలం లో మెయిళ్ళ నుంచీ తీసుకున్నా చాలా మటుకు కొత్త జోక్సే ఉన్నాయి.. మొత్తానికి ఆమిర్ ఖాతాలో మరో హీట్ అనుకోవచ్చు..

-కార్తీక్

పసందైన రాజకీయం..

2009-12-18T20:54:00.004+05:30

ఇప్పుడు రాష్ట్ర రాజకీయం మంచి రసకందాయం లో పడింది.. ఒక పక్క కే.సీ.ఆర్. లాంటి జిన్నాలు రాష్ట్రాన్ని విడదీయటానికి  శాయశక్తులా కృషి చేస్తున్నారు మరో పక్క తాంబూలాలిచ్చిన కేంద్రం మీరు తన్నుకు చావండి అంటూ చోద్యం చూస్తోంది. కానీ ఓలుమొత్తంగా చూస్తే ఎక్కువ నష్టం కలిగింది మాత్రం కాంగ్రెస్ పార్టీకే.. ఒక వేళ తెలంగాణ ఏర్పడితే(అశుభం ప్రతిహతమౌగాక) ఆ క్రెడిట్ తె.రా.స. కొట్టేస్తుంది. మరో పక్క మిగిలిన ప్రాంతాల్లో రాష్ట్రాన్ని విడదీశారనే అపప్రధను మూట కట్టుకుని దుకాణం మూసేయాల్సిన పరిస్థితి వస్తుంది..  ఇప్పుడు రోశయ్య ఎన్ని ఏడ్పులు ఏడ్చినా, మన్మోహన్ సింగ్ ఆవేదన వెళ్ళబుచ్చినా ఉపయోగం లేదు... ప్రజల మధ్య ఏర్పడ్డ మానసిక దూరం తగ్గే సూచనలు ఇప్పుడిప్పుడే కనపడటం లేదు.. ఇప్పుడు కాంగ్రెస్ పెద్దలు ఏమీ చెయ్యకుండా తాత్సారం చూపిస్తోంది అందుకే!! ఎటువంటి పరిస్థితిలో అయినా తన 'వర్గ బలంతో' చక్రం అడ్డువేయగల వై.యస్. ఇప్పుడు లేడు.. జగన్ వర్గాన్ని వరండా బ్యాచిగా తయారుచేసి ఒక బలమైన వర్గాన్ని అధిష్ఠానం దూరం చేసుకుంది..
మరో పక్క తెలుగుదేశం పరిస్థితి ఇంకా కామెడీగా ఉంది!! ప్రజల ఆగ్రహాలతో మైండ్ బ్లాక్ అయ్యిన బాబు నేడో రేపో "నా  అంబారీ ఏనుగుని రిక్షాలో తీసుకురండి నేను డాల్ఫిన్ హోటల్లో కాఫీ తాగి కురుక్షేత్ర యుద్దానికి పోవాలి" అనే స్టేజిలో ఉన్నాడు.. తెలంగాణ మీద ఒక కమిటీని వేసి దానిలో అభిప్రాయ భేదాలు వచ్చి దేవెందర్ గౌడ్ లాంటి నేత పార్టీని వదిలి వెళ్ళిపోయినా కూడా  ఆ అంశం లోని సంక్లిష్టతను అర్థం చేసుకోకుండా తన "ఏ ఎండకా గొడుగు" పాలసీ ఫాలో అయ్యి ఇప్పుడు సెల్ఫ్ గోల్ చేసుకున్నాడు.. బాబు విస్వనీయత అసలే అంతంతమాత్రం..ఈ దెబ్బతో బాబుకు శంకర గిరి మాన్యాలు తప్పదనిపిస్తోంది.. 
ఇక మిగిలింది చిరంజీవి, తన మెగస్టార్ స్టేటస్ ను పణంగా పెట్టి మరీ రాజకీయాలకు వచ్చిన వ్యక్తి.. ఎలాగోల అధికార పీఠానికి కూతవేటు దూరం లో అయినా ఉండాలని చాలా తాపత్రయం... ఈ కక్కూర్తితోనే కాంగ్రెస్ తో పొత్తు పెట్టుకుందామని ప్రయత్నించాడు. అదికాస్తా మీడియాలో "జెండా పీకేద్దాం" అని వచ్చేసరికీ గొంతులో పచ్చి వెలక్కాయ పడటంతో ఏడుస్తూ అదే పత్రికలకు ఎక్కాడు.. సామాజిక తెలంగాణ అని కబుర్లు చెప్పి ఇప్పుడు అకస్మాత్తుగా నిర్ణయాన్ని మార్చుకున్నాడు..   ఇది ఆలోచించాల్సిన విషయం!! నేను దీని గురించి ఆలోచించగా చించగా కొంత చినిగాక బల్బు వెలిగింది. రాష్ట్రం ఈ రోజు కాకపొయినా ఒక 4-5 ఏళ్ళల్లో అయినా విడిపోక తప్పదు.. అప్పుడు కోస్తాలో కాంగ్రెస్ దూకాణం మూసేసే పరిస్థితిలో ఉంటుంది.. పైగా అది తనకు కొద్దో గొప్పో పట్టున్న ప్రాంతం కనుక అందరికంటే ముందుగా  సమైఖ్యాంధ్రకు జై అంటే తెలుగుదేశం కు చెక్ పెట్టచ్చు అనేది ఒక లెక్క!!
ఇక్కడ నాకు అర్థం కాని విషయం ఏమిటంటే జగన్ అకస్మాత్తుగా జై సమైఖ్యాంధ్ర అని ఎందుకన్నాడు?? దీన్ని అడ్డం పెట్టుకుని మేడం కు కడప స్టైల్లో రిప్లై ఇస్తున్నాడా??  (మాదీ కడపే, మేము కొట్టడం అంటు జరిగితే ఇక దెబ్బ తిన్న వాడు మళ్ళీ లేయడు.ఎంతైనా ఉడుకు రక్తం కదా :) :)  ) ఇప్పుడు కాంగ్రెస్ నుంచీ జగన్,లగడపాటి అధికార కేంద్రాలుగా తాయారౌతే  రాజకీయం బాగుంటుంది.. ఎందుకంటే ఇప్పటిదాకా లగడపాటి వై.యస్. వర్గానికి చెందిన వాడు. ఇక నుంచీ కూడా అలానే ఉంటాడా అనేది ఆలోచించాల్సిన విషయం..ఎందుకంటే ఎక్కడైనా బావే కానీ వంగ తోట దగ్గర మాత్రం కాదు.. 
ఈ మొత్తం గొడవల్ల ఒక విషయం మాత్రం విస్పష్టంగా తెలిసొచ్చింది.. అదే మన దేశం లో ప్రజలకు, రాజకీయ పార్టిలకు ఉన్న దూరం.. ఒక కమిటీ వేసి కూడా బాబు సమైఖ్యాంధ్ర గురించి తెలుసుకోలేక పోయాడంటే అంతకంటే కామెడీ లేనే లేదు.. ప్రస్తుత పరిస్థితిలో చూశ్తే చిరంజీవికి అందరికంటే ఎక్కువ లాభం కలిగే సూచనలు కనిపిస్తున్నాయి..

జై సమైఖ్యాంధ్ర !!

2009-12-15T08:14:00.005+05:30

జై తెలుగు తల్లి!
జై తెలుగు తల్లి!

-కార్తీక్

ఎర్ర బస్సు స్వగతం

2009-12-13T22:15:00.002+05:30

నా అసలు పేరేమిటొ నేను మరిచిపోయి చాలా కాలమైంది. అందరూ నన్ను, నా జాతి వారినీ ఎర్రబస్సులనే పిలుస్తారు. మొదట మా జాతిలో 27 మంది మాత్రమే ఉండే వాళ్ళు తర్వాత భారత స్వాత్యంత్రం వచ్చాక మాజాతివారు దిన దిన ప్రవర్ధమానంగా పెరిగి ప్రస్తుతం 21 వేలమంది 7 రాష్ట్రాలలో తిరుగుతూ ఉన్నారు..  రోజు దాదాపుగా ఒకటిన్నరకోటిమంది మా జాతివారితో కలిసి తిరుగుతూ ఉంటారు. అందుకేనంట.. గిన్నేసో, గంగాళేసో రికార్డ్ మా పేరు మీదే రాశారంట.. ప్రపంచంలో ఉన్న అన్ని బస్సు జాతులలో మేము తిప్పేంతమందిని ఎవరూ తిప్పరట.. 1990ల వరకూ ఒకవెలుగు వెలిగాము.. ఒకానొక కాలంలో మా సంరక్షకులుగా పని చెయ్యటం అనేది ఒక సామాజిక హోదాలా ఉండేది.. ఆంధ్ర జ్యోతి అనే పుస్తకంలో మా సంరక్షకుల మీద చాలానే చణుకులు పేలేవి.. కానీ అదంతా గతం...
ఆ తర్వాత కొంత మా సంరక్షకుల నిర్లక్ష్యం వల్ల, ఇంకొంత రాజకీయ నాయకుల స్వార్థం వల్ల, మరికొంత సాంకేతిక విప్లవాల వల్లా ప్రస్తుతం మాజాతి అంతరించిపోయే ప్రమాదంలో పడింది. గత దశాబ్దకాలంగా మా సంరక్షకులకు తెలివొచ్చి మమ్మల్ని కాపాడుకోవాలని తీవ్రంగా ప్రయత్నిస్తున్నారు.. కానీ కొందరు పాలకులు ప్రపంచ బ్యాంకో లేక విశ్వవ్యాప్త బ్యాంకో ఇచ్చే రుణాల మీద ఆశతో మమ్మల్ని అమ్మేస్తామని మాటిచ్చారాట.. ఇవన్నీ కాక పాలకుల చిన్న చూపు వల్ల సమాజంలో పంచింగ్ బ్యాగ్స్ లాగా తయారయ్యాము. ఎవరికి ఎవరిమీద కోపం వచ్చినా నష్టం మాత్రం మాజాతికే..

ఒక నాయకుడు మరణించినా.. అన్నలకు ఖాకీలమీద కోపం వచ్చినా..స్టుడెంట్లకు క్లాసులు ఎగరగొట్టాలనిపించినా.. ఇలా చెప్పుకుంటుపోతే రాష్ట్రంలో ఎక్కడ చిన్న అలజడి జరిగినా మరణించేది మాత్రం మేమే. పరిస్థితి ఇలానే సాగితే ఐక్య రాజ్య సమితి వాళ్ళు ప్రకటించే "అంతరించిపోయే జాతుల" అనే జాబితాలో మమ్మల్ని కూడా చేర్చాలేమో!!  మా తాతలు తండ్రుల కాలంలో ఎంతో హుందాగా గర్వంగా బ్రతికిన మేము ఇప్పుడు రోడ్ల మీద దిక్కులేని చావు చావాల్సి వస్తోంది.. ఇంతా చేస్తే సగటు మనిషికి మా అవసరం చాలా ఎక్కువ. మాకు ప్రత్యామ్నాయం కానీ లేక మరొకటి కానీ కల్పించే పరిస్థితిలో ఇప్పటి ప్రభుత్వాలు లేవు..భారత రైల్వేతో సమానంగా భారం మోయగల సత్తా మాకుంది.. (ఆధారం: వీకీపీడియా)  ఇక ఇప్పటికీ చాలా గ్రామాలకు మేము తప్పే వేరే రవాణా సాధనాం లేనే లేదు.. ఐనా ఈ పంచింగ్ బ్యాగ్ సంస్కృతి తెలుగు జాతి నరనరాల్లోకి ఎక్కింది. దానిని నిలువరించడానికి ప్రభుత్వ సాయం చాలా అవసరం కానీ ప్రభుత్వం ఎవరి మీద కేసుపెడితే ఎక్కడ ఓట్లు పోతాయో అని మమ్మల్ని పట్టించుకున్న పాపాన పోలేదు.. మా పరిస్థితిలాగే మా సంరక్షకుల వెతలు కూడా చాలానే పెరిగాయి..  బోనస్సులు తీసుకునే రోజుల నుంచీ ఓవర్ టైములు చేసుకునే స్థితికి వచ్చారు. పెన్షన్లు గట్ర ఎలాగూ ఉండవు కనుక  పని చేసే రోజులలోనే నాలగు రాళ్ళు వెనక వేసుకోవాలి అని తాపత్రయపడుతూ రకరకాల స్కీములతో సంపాదన కోసం వెంపర్లాడుతూ ప్రజాసేవ అనేది క్రమంగా గాలికి వదిలేస్తున్నారు..మర్యాద వారోత్సవాలు, అమర్యాద సంవత్సరీకాలు చేసుకుంటున్నారు తప్పించి ప్రజలకు ఎలా దగ్గర కావాలి అనేదాని మీద శ్రద్ధ కనిపించదు. సమ్మెలు చేయటంలో ఉన్న నిజాయితీ ప్రజల మీద అభిమానంగా మార్చితే అదే చరిత్రలో అతి పెద్ద మార్కెటింగ్ స్కీము.. 2001 లో మా వాళ్ళు చేసిన సమ్మె గురించి తప్పకుండ చెప్పుకోవాల్సిందే.. ఎందుకంటే అది కార్మిక చరిత్రలో ఒక సువర్ణాధ్యాయం.. ఆ సమ్మె 24 రోజులు జరిగింది చాలా మంది కార్మికులకు 325 రూపాయలు నెల జీతంగా వచ్చింది. అయినా అన్నీ ఓర్చుకున్నారు...   కడకు విజయం సాధించారు.. ప్రస్తుతం కూడా నష్టాలలో కార్మికులు పస్తులతో మేమూ బ్రతుకుతున్నాం..ప్రభుత్వ సంక్షేమ కార్యక్రమాలకు ఇవ్వాల్సిన డబ్బు ఇస్తే మాకు ఈ ఆకలి చావులు తప్పవు కానీ ప్రభుత్వం ఇవ్వదు కదా!!
మరెన్ని రోజులు ఇలా అందరితో మాట్లాడుతూ చలాకీగా తిరుగుతుంటామో తెలీదు..ఒకవేళ మేము అంతరించిపోవటం అంటు జరిగితే మీ పిల్లలకు మా గురించీ కథలుగా చెబుతారు కదూ!!

రైట్ రైట్ !

-కార్తీక్

మా నాన్న గారు గత 35 సంవత్సరములుగా RTCలో పని చేస్తున్నారు..కాబట్టి నాకు సగటు  RTC ఉద్యోగి జీవితం ఎలా ఉంటుంది అనేది బాగా తెలుసు..అందుకే నేను మాత్రం ఆంధ్రాలో ఎక్కడికిపోవాలన్నా RTC బస్సులోనే పోతాను.. 

"THE WHEEL STANDS FOR COMMON ZEAL"

తెలంగాణ: నా అనుకోలు!

2009-12-10T23:52:00.003+05:30

నా తెలుగు బ్లాగులో సీరియస్ టపాలు రాయకూడదు అని నేను ఫిక్స్ అయ్యి చాలా కాలమయ్యింది.. కాని ఇప్పుడు రాయాల్సి వస్తోంది..కారణం "తెలంగాణ" ఈ టపాలో నేను తెలంగాణా చరిత్ర,మొదటి రాష్ట్రాల పునర్విభజన కమీషన్, నెహ్రూ ఇలాంటి విషయాల జోలికి పోదలుచుకోలేదు.. ఈ అంశం గురించీ నా ఆలోచనలను బ్లాగీకరించే ప్రయత్నమే ఈ టపా.

రాష్ట్రం విడిపోతే తెలంగాణా బాగుపడుతుంది అనేది తెలంగాణా వాదుల మౌలికమైన ఉద్దేశ్యం (basic idea), దానికి వారు హిమాచల్ వగైరా రాష్ట్రాలని ఉదాహరణాలుగా చూపిస్తారు. బాగుపడే అవకాశం ఎంతుందో మరొక దోపిడీ మొదలయ్యే అవకాశం కూడా అంతే ఉంది. చిన్న రాష్ట్రమైన హిమాచల్ బాగుపడితే బీహార్ నుంచీ విడిపొయిన జార్ఖండ్ పాతాళానికి పరుగులు పెడుతూ ఉంది. రేపు తెలంగాణా నేతలు మరొక మధు ఖోడాలుగా తయారు కారని నమ్మకం ఏమిటి?? కాబట్టి ఇక్కడ అర్థం చేసుకోవాల్సిన విషయం ఏమిటంటే అభివృద్ది అనేది నేతల మీద ఆధారపడి ఉంది తప్ప రాష్ట్రం యొక్క పరిణామం మీద కాదు.
ఇక ఇప్పటివరకూ ఏ తెలంగాణా వాది నుంచీ విడిపోవడానికి convincing reason వినలేదు. ఇక్కడ అత్యంత దురదృష్టకర పరిణామం ఏమిటంటే తెలంగాణా పేరు మీదా ఆంధ్రా వాళ్ళ మీద విషం కక్కడం. మేము తిట్టేది కేవలం రియల్ ఎస్టేట్లలో సంపాదించిన వాళ్ళను మాత్రమే అంటారు మరి ఆంధ్రా బ్యాంకు పేరు మార్చడం, ఆంధ్రా మీల్స్ అన్న బోర్డ్ కొట్టేయడం ఇవి దేన్ని సూచిస్తున్నాయి. మేము తిట్టేది బడా బాబులనే అని నాయకులు చెప్పొచ్చు కాని కాలిన కడుపులతో ఉన్న వారికి అంత విచక్షణ ఉంటుందా??? వాడికి ఆంధ్రా అన్న పదమే ఒక బూతైపోయింది. శరత్ గారు అన్నట్టు తెలబాన్లు అనే పదమే కరెక్టేనేమో!
ఇక హైదరాబాదు అనేది అత్యంత పెద్ద పీటముడి. అప్పుడింకెంత గొడవలు జరుగుతాయో! ఏమో? హైదరాబాదులో వీధి పోరాటాలు జరిగినా నేను ఆశ్చర్యపోను. దీన్ని ఎలా పరిష్కరిస్తారు??
రాష్ట్ర విభజన అనేది ఒక administrative process జరగాల్సింది ఒక sentimental injury అయ్యింది. అన్నిటికంటే పెద్ద సమస్య అది. ఇప్పుడు ఈ విషం కక్కే చేష్టల వల్ల ఇండియా-పాకిస్తాన్ వాతావరణం ఏర్పడుతుందేమోనని భయంగా ఉంది. ఎందుకంటే తెలంగాణా ఏర్పడ్డా లేకపొయినా నాకొచ్చే జీతం లో తేడా ఏమీరాదు. కానీ మనసులో ఎందుకో తెలియని బాధగా ఉంది.
నా పాయింట్ ఒక్కటె దేశన్ని ప్రాంతలకు అతీతంగ, పార్టీలకు అతీతంగ అందరూ దొచుకున్నారు. వాళ్ళకి తెలంగాణా ఐన, రాయలసీమ ఐన పెద్ద తేడా లేదు. సొ కనీసం మన తరమైనా అభివృద్ధి గురించి ఆలోచించాలి. ఒకరిని ఒకరు తిట్టుకుంటే ప్రయోజనం శూన్యం

చైనా వాడు మన దేశాన్ని 32 భాగాలుగా చేస్తే తన మార్కేట్కు పోటీగా రాకుండా ఉంటామని ప్లాన్ చేశాడట. (4 ఏళ్ళ క్రితం ఏదో పుస్తకం లో చదివాను). ఇక పాకిస్తాన్ గురించి ఎంత తక్కువ చెప్పుకుంటే అంత మంచిది. తాలిబన్లు మన మీద షరియా విధించటానికి యాక్షన్ ప్లాన్ తయారు చేసి పెట్టారు. ఇంత మంది ఇన్ని రకాలుగా మనమీద కత్తిగట్టి ఉంటే మన్మేమో కొత్త రాష్ట్రాలు తొక్క తోలు అని కొట్టుకుంటున్నాం!!
ఈ తప్పుకు చరిత్ర మనల్ని క్షమిస్తుందా??? i have no answer..

ఏది ఏమైనా తెలంగాణా రావటం ఫిక్స్ అయ్యింది కనుక ఆ ప్రాంత ప్రజలకు నా హార్దిక శుభాకాంక్షలు. ఇప్పటి వరకూ జరిగిన విష ప్రచారం ఇకనైనా ఆపాలని మనవి.

చివరగా:
మాతెలుగుతల్లికి క్షమాపణల దండ

మా కన్నతల్లికి పాదాభివందనములు

కడుపులో కత్తెర్లు
కనుపాపలో నెత్తుర్లు
చీదరింపుల చీకట్లు
ప్రసరించెను మాతల్లి

గణగణ తెలంగాణ కదలిపోతుంటేను
బిరబిర హైదరాబాద్ వీడిపోతుంటేను

కంగారు క్షణాలే దొర్లుతాయి
ముత్యాలమురిపాలు మోడులాయే

క్షమించు తెలుగు తల్లీ !

క్షమించు తెలుగు తల్లీ!

పాటకు కాపీరైట్ హక్కుదారు: ప్ర.పీ.స.స.

ఆశ్రునయనాలతో
-కార్తీక్

గమనిక:
కామెంట్లు రాసే ప్రజలు విషం కక్కే మాటలు రాస్తే నేను ఆమోదించను, నా బ్లాగుకి నేనే మోనార్కుని!

నా ఇంజినీరింగ్ రోజులు-5: ర్యాగింగ్ గోల

2009-11-22T19:22:00.004+05:30

నేను మా కాలేజీలో మొట్టమొదట అడుగుపెట్టినరోజు నవంబర్ 12,2001. ఆ రోజే కొందరు సీనియర్స్ ఫ్రెషర్స్ డే వరకూ ర్యాగింగ్ ఉంటుంది అని చెప్పారు. కనుక నేను ఆ ఫ్రెషర్స్ డే అనేది ఒక గొప్ప పండుగ లాంటిది ఉంటుంది అని అనుకున్నాను. ఆ తర్వాత ఫ్రెషర్స్ అందరూ చొక్కా జేబులో పెన్నులూ,డబ్బులూ వగైరా పెట్టుకోవచ్చనుకున్నాను. నేను అందరిలా కాలేజీ బస్సులో కాకుండా ఆర్.టి.సి. బస్సులో కాలేజీకి వెళ్ళేవాడిని. అందువల్ల, సీనియర్ల బెడద కొంచెం తక్కువగా ఉండేది. ఎందుకంటే, బస్సులో అందరి ముందు తిక్క వేషాలు వేయించటం అంత వీజీ కాదు కదా.. కాలేజీ మొదలైన రెండవ వారం బస్సులో ఒక సోడా బుడ్డీ సీనియర్ తగిలాడు. ఆ జీవి ముందు కూర్చున్న ఇద్దరు అమ్మాయిల గురించి తెలుసుకోమని నన్ను పంపించాడు. ఆ అమ్మాయిలు వీడి కన్నా టింగరి ప్రజానీకం ఉన్నాట్టున్నారు అందువల్ల ముందు వాడి గురించి కనుక్కుని చెప్పమన్నారు. మధ్యలో నేను తెలుగు సినిమాలో సెకండ్ హీరోయిన్లా అయిపోయాను. ఆఖరుకు ఆ అమ్మాయి దగ్గరికి వెళ్ళి ప్లీజ్ ప్లీజ్ అని బతిమాలాను. (వసుదేవుడంతటి వాడే ఎవరి కాళ్ళో పట్టుకున్నాడట నేనెంత?? :) :)) అప్పుడు ఆ అమ్మాయి నన్ను రకరకాల ప్రశ్నలు వేసి చాల సేపు అక్కడే నిలబెట్టింది. ఇంతలో బస్ స్టాండ్ రావటం తో నేను ఆ రోజుకు పారిపోయాను.
మరుసటి రోజు కూడా మన వాడు నన్ను అదే అమ్మాయి గురించి కనుక్కుని చెప్పమనటం నేను పొయ్యి ఆ అమ్మాయితో మాట్లాడుతూ టైం గడపటాం. మూడో రోజు మనవాడికి చాలా కోపం వచ్చి వాళ్ళ గ్రూప్ లో ఉన్న ప్రజలందరికీ "వీడు రోజూ ఆ అమ్మాయితో బ్యాటింగ్ పెడతాడు" అని నన్ను పరిచయం చేశాడు. దెబ్బకు ఆ ప్రజలందరూ నన్ను రకరకాలుగా ఆడుకున్నారు.
"ఏరా ఇప్పటినుంచే సీనియర్లు కావాల్సి వచ్చారా?"
"మాతోనే కాంపిటిషనా??"
"ఎక్స్ట్రాలు తగ్గిస్తే మంచిది"
వగైరా, వగైరా..
మరుసటి రోజు ఆ అమ్మయి కాలేజిలో కనిపిస్తే మాట్లాడాను. అప్పుడు తెలిసిన విషయం ఏమిటంటే ఆ అమ్మాయి కూడా మా బ్రాంచ్ లోనే చదువుతోంది. ఇంక నేను రెచ్చిపోదామనుకున్నాను. ఆ రోజు బస్సులో డైరెక్ట్గా పొయ్యి ఆ అమ్మాయిలు ఉన్న సీట్ దగ్గరే కూర్చున్నాను. కానీ అక్కడ నేను గమనించని విషయం ఏమిటంటే ఆ రోజు ఆ అమ్మాయి ఒక్కటే రాలేదు. ఇంకొక ముగ్గురు అమ్మాయిలు కూడా ఉన్నారు. నన్ను చూస్తునే గుర్తు పట్టారు వెంటనే అంతా కలిసి నన్ను ఫుట్ బాల్ ఆడుకోవడం మొదలు పెట్టారు. కొండ నాలుకకి మందేస్తే ఉన్న నాలుక ఊడినట్టు అయ్యింది నా పరిస్థితి. నేను ఇంటర్మీడియట్ చదివిన రెండేళ్ళల్లో అమ్మాయిలతో మాట్లాడిన సందర్భాలు రెండు మూడుకు మించి లేవు. ఇప్పుడు ఒక్కసారిగా ఇంతమంది అమ్మాయిలతో మాట్లాడుతుంటే కొంచెం సిగ్గేసింది (అంటే సిగ్గు వాళ్ళతో మాట్లాడినందుకు కాదు, బస్సులో అందరి ముందు పాటలు పాడాల్సి వచ్చి నందుకు) నేనిట్ల శంకరా నాధశరీరాపరా అని పాడటం మొదలు పెడుతూనే మా సోడా బుడ్డీ జీవి కూడా వచ్చెశాడు తన గ్రూప్ తో సహా. ఇక్కడ నాకు తెలియని చీకటి రహస్యం ఏమిటంటే వాళ్ళంతా బాగా తెలిసిన వాళ్ళు , మంచి దోస్తులు. :( :( అప్పటివరకూ ఫుట్బాల్ లా ఉన్న బస్సు అప్పటి నుంచీ cricket మ్యచ్ లా తయారైంది. ప్రతి రోజూ నేను బస్సు ఎక్కడం ఈ ప్రజలు బ్యాటింగుకు దిగి నన్ను ఆడుకోవడం. ఇంతలో ఫ్రెషర్స్ డే జరిగింది అదికూడా ఒక దయనీయగాధ మరో సారి చెబుతాను. ఫ్రెషర్స్ డే తరువాతా నేను వళ్ళను ఆడుకోవడం మొదలు పెట్టాను. పుస్తకాలు, రికార్డులు, తొక్క తోలు మట్టి మశానం అన్నీ తీసుకున్నాను. వాళ్ళు కాలేజి వదిలి వెళ్ళిపోయే ముందు వరకూ కూడా నేను వాళ్ళ దగ్గర ఏదో ఒకటి తీసుకుంటూనే ఉన్నాను.

ఇలాంటిదే మరొకటి కూడా జరిగింది. అది మరోసారి రాస్తాను..

-కార్తీక్

పుస్తక ప్రదర్శన !!!

2009-11-12T00:39:00.003+05:30

తెలుగు పుస్తకాలు ఎగ్జిబిషన్ లో ఉన్నాయంటే, వీకెండ్ కల్లా అయిపోతాయేమోనని కక్కూర్తి పడి ఆఫీస్ నుంచీ ముందుగానే పరిగెత్తాను. ఆ ప్యాలెస్ గ్రౌండ్స్ దారి గురించి అందరిని అడుగుతూ అది కనుక్కొని అక్కడికి చేరేసరికి దాదాపుగా గంటన్నర సేపు పట్టింది, బెంగళూరు ట్రాఫిక్కా మజాకా.. ఆ గంటన్నరలో తలప్రాణం తోకకు సారీ, కాళ్ళలోకి వచ్చింది.ఐదు రూపాయలు పార్కింగుకు, ఇరవై రూపాయలు టికెటుకు సమర్పించుకుని వెళ్ళాను. అసలు నేను అక్కడికి వెళ్ళటానికి ఒకే ఒక కారణం ఉంది. ఆ కారణం పేరు "సావిరహే". మల్లాది వెంకట కృష్ణ మూర్తి రాసిన ఒక గొప్ప నవల. దాని గొప్పతనం పూర్తిగా వివరించాలంటే ఇంకొక టపా రాయాలి.

లోపలికి వెళుతూనే కుడి వైపున అట్ట మీద సచిన్ బొమ్మ ఉన్న "వరల్డ్ కప్ 99" అనే పుస్తకం అయస్కాంతం లాగా నన్ను ఆకర్షించింది. ఆ స్టాల్ లోకి పొయి కొన్ని పుస్తకాలు చూశాను. అరవింద్ అడిగా "వైట్ టైగర్", విలియం డ్యార్లింపల్ "ముఘల్" వగైరా, వగైరా పుస్తకాలు కనిపించాయి. ఇంకాస్త ముందుకు వెళితే చాలా కన్నడ స్టాల్స్ కనిపించాయి. ఆ స్టాల్స్ లో ఇంగ్లీష్ లేదా వేరే భాషలకు సంభందించిన పుస్తకాలు చాలా తక్కువగా ఉన్నాయి. ఆ వరుస చివరలొ ఒక తెలుగు స్టాల్ కనిపించింది. లోపలికి వెళ్ళి చూశాను చాలా పుస్తకాలు ఉన్నాయి, యండమూరి "విజయానికి ఐదు మెట్లు" నుంచీ "మరణ మృదంగం" దాకా, యద్దనపూడి "సెక్రెటరీ", రమణ "సాహితీయానం" యర్రం శెట్టి శాయి "హ్యుమరాలజి", చలం రాసిన ఒక పుస్తకం (పేరు గుర్తు లేదు) వగైరా వగైరా ఉన్నాయి. "సావిరహే" గురించి అడిగితే ఆ స్టాల్ అతను ఒక తట్టుకోలేని నిజం ఒకటి చెప్పాడు. ఇప్పుడు మల్లాది వెంకట కృష్ణ మూర్తి గారు నవలలు రాయకుండా ఆధ్యాత్మిక విషయాల గురించి రాస్తున్నారంటా. అయ్యో!! ఇంకొక రాజ్ కృష్ణని, మరో ఐరావతాన్ని, వేరొక సద్దాం ఆంటీని చూడలేమా అని గుండెలొ ఎక్కడొ కళ్ళక్కు మనింది. కాలం దేన్నైనా మారుస్తుంది అని ఒక సెంటిమెంటల్ డయలాగ్ గుర్తు తెచ్చుకుని ముందుకు సాగిపోయాను. మధ్యలో చిన్న పిల్లల స్టాల్స్, ఆధ్యాత్మిక విషయాలకు సంభందించినవి, మతపరమైన విషయాలకు సంబందించినవి చాలా స్టాల్స్ ఉన్నాయి. ఇస్లామిక్ ఏడుకేషనల్ సొసైటీ, రామకృష్ణ మఠం వాళ్ళ స్టాల్ వగైరా వగైరా. అవన్నీ క్రాస్ చేసి ముందుకు వెళితే అక్కడ విశాలాంధ్ర స్టాల్ కనిపించింది. హమ్మయ్య అని లోపలికి వెళ్ళాను. ఒక్కసారిగా అన్ని బుక్కులు చూస్తే ఏమి కొనాలో అర్థం కాలేదు. దీర్ఘంగా ఆలోచించి మా నాన్నకు ఫోన్ చేశా.
"నాన్నా, నేను విశాలాంధ్ర బుక్ స్టాల్ లో ఉన్నా ఏదైనా మంచి పుస్తకాల పేర్లు చెపూ"
"ఉన్నట్లుండి పేర్లు చెప్పమంటే ఎలా? మాన్యుమెంటల్ బుక్స్ ఏమన్నా ఉంటే తీసుకో"
"శరత్ సాహిత్యం తీసుకోనా?"
"మన ఇంట్లో 'శ్రీకాంత్ ' ఉన్నాడు. శరత్ అంతకంటే మంచి బుక్కులు ఏవీ రాయలేదు కాబట్టి వద్దులే"
"విశ్వనాథ సత్యనారాయణ బుక్స్ తీసుకునేనా?"
"నీకు అంత తెలుగు అర్థం చేసుకునే సీన్ లేదు. అవి నీకు అలమరలో పెట్టి నాదగ్గర అవి ఉన్నాయని చెప్పుకోను తప్పించి మరి దేనికీ పనికి రావు"
"హతవిధి! మా నాన్నకు నా గురించి ఎంత నమ్మకం"(స్వగతం)
" అక్కడా ఎవరెవరి బుక్స్ ఉన్నాయో చెప్పు"
"భమిడిపాటి కామెశ్వర రావు అంటా"
"భరాగో కథలు తీసుకో"
"సరేలే ఏవో ఒకటి తీసుకుంటాను"
నా సంభాషణ విన్న ఆ షాప్ అతను వెంటనే భరాగో కథలు తెచ్చి ఇచ్చాడు. ఆ తర్వాత వాళ్ళ తమ్ముడు భమిడిపాటి కామేశ్వర రావు గారి బుక్కు కూడా ఒకటి తీసుకున్నాను. ఇంతలో యర్రం శెట్టి శాయి గుర్తుకు వచ్చాడు. "హ్యుమరాలజి" జెమినీ టివీలో చూశాము కదా అని ఇంకొక బుక్కు "ప్రేమకు ఫుల్ స్టాప్ లేదా" అనేబుక్కు తీసుకున్నాను. అదే చేత్తో మల్లాది "డబ్బెవరికి చేదు" కూడా కొన్నాను. రెండు నిముషాలలో నాలగు బుక్కులు ఐపోయాయి ఇంక చాలు అని వస్తూ ఉంటే చలం "స్త్రీ" కనిపించింది. అది చదవమని పొద్దునే ఒక ఉద్వేగపూరితమైన సలహా వచ్చింది :) :) కనుక అది కూడా తీసుకున్నాను. పక్కకు తిరిగితే రంగనాయకమ్మ బుక్కులు కనిపించాయి, వాటి సైజ్ చూసే నాకర్థమైపోయింది అవి నా తాలూకు కాదని.
విశాలాంధ్ర నుంచీ బయటకు వచ్చాక ఒక స్టాల్ లో ఏ బుక్కైనా వంద రూపాయలు మాత్రమే అని కనిపించింది. వెంటనే లోపలికి వెళ్ళాను. అక్కడ Don Quixote కనపడ్డాడు. నేను వదల్లేదు. గబుక్కున ఆ బుక్కును కూడా తీసుకున్నాను. అక్కడికి ఈ రోజు కొన్న బుక్కుల సంఖ్య ఆరుకు చేరింది. అన్నిట్లోకి పాపం చలం "స్త్రీ" ఒక్కటే odd book out లాగా కనిపిస్తోంది. మంచి ముహూర్తం చూసి మొదలు పెడతాను. బాగుంటే రివ్యూ రాస్తాను బాలేక పోతే మార్తాండ లాగ కథ రాస్తాను, చలం కు ఒక బరువైన పాత్ర ఇచ్చి :) :)

-కార్తీక్

బ్లాగు బస్సు..బహుబాగు బస్సు ...

2009-11-03T19:14:00.004+05:30

అది ఒక బస్సు.
డొరు తెరిచి డ్రైవర్ ఎక్కాడు.
"హల్లొ, డ్రైవర్ గారూ.. మీ గురించి కొంత చెపుతారా?"
"నా పేరు వీవెన్
నేను లెఖిని,కూడలి సృష్టించెన్
తెలుగు బ్లాగులు ఒక సెన్సేషన్"
అదుర్స్ అదుర్స్
ఇక బస్సులో మిగతా వాళ్ళ గురించి చూద్దాం.
"నమస్తే సర్, ఫస్ట్ సీట్ లో ఉన్నారు. మీ పేరు?"
"నా పేరు చావా కిరణ్. నేను అందరికంటే ముందు బస్సు ఎక్కాను"
"ఒహో అలాగా!! కంగ్రాట్స్ సర్"
రెండవ సీట్ లో ఒకాయన బిజీగా రాస్తున్నాడు.
"సర్, మీరు...??"
" నేను ఒకసారి వాడిన పెన్ను ని రెండవసారి వాడను అందుకే నా పేరు కొత్తపాళి."
ఇంతలో ఒక చిన్న పాపను ఎత్తుకుని ఒక ఆవిడ బస్సు ఎక్కింది.
"మేడం మీరు..."
"నా పేరు లక్ష్మి ఊరు హైదరాబాదు."
"మీ పాప చాల ముద్దుగా ఉంది. పేరేమిటి మేడం?"
"మా పాప పేరుతో నీకేమి పని నాయనా..
పాతబస్తీ లో పసుపు కుంకుమలు అమ్ముకునే మొహమూ నువ్వూను"
ఇంకాస్త ముందుకు వెళితే ఒకాయన ఏదో దీర్ఘంగా ఆలోచిస్తున్నాడు.
"సార్"
"సార్ మీ పేరు, తాడేపల్లి బాలసుబ్రహ్మణ్యం కదండి?"
"లలితా బాలసుబ్రహ్మణ్యం అన్నా నేనే"
"మీ గురించి ఏదో చదివాను సార్"
"నా ఆసక్తులు బహుళం. నాకు ఆలోచనలు నిత్యం. నా లక్ష్యాలు వైకల్పికం"
"తెలుగులో మాట్లాడండి సార్"
ఆ పక్కగా కూర్చున్న కండక్టర్ గారు కళ్ళు మూసుకుని ఏదో ఆలోచిస్తున్నారు.
"కండక్టర్ గారు.. ఏమిటి అంత దీర్ఘంగా ఆలోచిస్తున్నారు?"
"మాయావతి అందంగా ఉంటుందా లేక విజయకాంత్ అందంగా ఉంటాడా అని అలోచిస్తున్నాను"
"ఆ..."
"అవును దేవుడు నాకు 23 టలెంట్స్ ఇచ్చాడు. ఒకొక్కసారి ఒక్కొటి వాడుతుంటాను"
"కొంపదీసి మీరు..."
"నన్ను అందరూ the nakar అని పిలుస్తారు. కొందరు దినకర్ అని, ప్రసాద్ అని కూడా పిలుస్తారు"
ఇంతలో నన్ను తోసుకుంటు ఎవరో ముందుకు వెళ్ళారు. తిరిగి చూస్తే ఒకాయన గళ్ళ లుంగి, చారల బనీను బుర్ర మీసాలతో కనపడ్డాడు.
"హల్లో గురూ ఏ ఏరియా మనది?"
"మలక్ పేట"
"వెళ్ళి కూర్చోండి"
వెనుక సీట్లు నిండడనికి ఇంకా టైం ఉంది కదా అని లేడీస్ సీత్ల వైపు అడుగు వెనక్కు వేశాను. ఎవరో అమ్మాయి నిలుచుకుని ఉంది.
"ఏంటండీ మీకు సీట్ దొరకలేదా?"
"నా పేరు మహిత, నేను కామెంట్లు రాస్తాను కానీ టపాలు రాయను. అందుకే కూర్చోలేదు"
"ఒహో!!"
ఇంతలో ఆ పక్క సీట్లో ఉన్న కళ్ళజోడు ఆవిడ నన్నే చూస్తున్నట్టు అనిపించింది.
"ఒక్కా, మీరు..."
"నా పేరు జ్యొతి. చాలా విషయాల మీద బ్లాగులో రాస్తుంటాను"
"ఓహో అలాగా! మీ ఓపిక కి నా జోహార్లు"
"మీ పక్కన ఉన్న ఆవిడ ఎవరు జ్యోతక్కా?"
"ఈమె పేరు సౌమ్య. నిస్యాలోచనాపథం గురించి ఆలోచిస్తూ ఉంటుంది"
ఇంకొక అడుగు ముందుకు వేస్తే ఒకమ్మాయి తనలోతనే మాట్లాడుకుంటు కనిపించింది.
"మీరు..."
"నేను నేనే.. నాలో 'నేను' మాట్లాడుకుంటూ ఉంటాను తప్పించి బయటి వాళ్ళతో ఎవరితో మాట్లాడను"
"మీ పేరు మేధ కదూ!!"
వెనకల నుంచి ఎవరో పిలిచినట్టు అనిపిస్తే చూశాను. ఒక పెద్ద వెలుగు కనిపించింది.
"మీరూ.."
"కూడలి జల్లెడా తెలికీ కనిపిచే మూడు సిమ్హాలైతే, ఆ కనిపించే నాలుగో సింహమే ఈ బ్లాగాగ్ని"
"సూపర్ సూపర్"
ఇంతలో ఎవారో వెనుక సీట్లోకి పరిగెత్తూకుంటు వచ్చి కూర్చున్నారు.
అక్కడికి వెళ్ళి చూడగా ఎర్ర ప్యంటూ ఎర్ర షర్ట్ ఎర్ర కళ్ళజోడు తో ఒక వ్యక్తి కూర్చోని ఉన్నాడు.
"మీ పేరు...."
"ఆస్తిక,అగ్రవర్ణ,భూస్వామ్య వర్గాలకు వ్యతిరేకంగా ఇప్పుడే ఒక కథ రాస్తాను"
"'ఓహో మీరు కథలు రాస్తారా?"
"బైరాగి తెలితేటలు అంటే అవే మరి"
"నేను బైరాగినా?"
"నా పేరు ప్రవీణ్/మార్తాండ/ISP Administrator/నాదెండ్ల/PKMCT"
"చాలు బాబూ చాలు. నీ డ్రస్ చూసినప్పుడే నిన్ను గుర్తుపట్టాల్సింది"
"నా పేరు మార్తాండ
ఇంటి పేరు మూర్ఖాండ
నా తోటి ఉన్నసేన మూలిగేటి ఎర్రసేన"
"అయ్య బాబోయ్..నీ పాటలు ఆపు బాబూ.."
"సరే ఐతే. పాటలు ఆపి కథ రాస్తాను"
"హమ్మయ్య బ్రతికిపోయాను"
వెనకాల ఎవరో కూర్చొని నా వైపు సందేహంగా చూస్తూ ఉన్నాడు.
"ఇంత సందేహంగా చూస్తూ ఉన్నావంటే నువ్వు కచ్చితంగా నాగప్రసాద్ అయ్యుంటావు"
"అవును. ఇంతకూ నీ గురించి చెప్పలేదు"
"నా పేరు కార్తీక్..
నేను పుట్టింది రాయలసీమలో..చదివింది ఉత్తరభారత దేశం లో
ప్రస్తుతం ఉండేది ఉద్యాన నగరిలో
ఎక్కడ ఉన్నా...పదహారణాల తెలుగు బిడ్డని... ఒక భాషాభిమానిని"
-----------------------------------------------------------------------------------------------
సమకాలిన సామాజిక/రాజకీయ అంశాల మీద టపాలు రాసే కత్తి మహెష్ గారిని, చదువరి గారిని బస్సులో ఇమద్చలేకపోయాను.

నేను తెలుగు బ్లాగు రాయటం మొదలు పెట్టి రెండేళ్ళా కొన్ని నెలలు అయ్యింది. ఈ రెండేళ్ళ కాలంలో నేను రెగులర్గా చదివే బ్లాగులతో ఈ టపా రాశాను. ఏదో సరదాకి రాశాను తప్పించి ఎవరిని నొప్పించే ఉద్దేస్యం నాకు లేదు. అందరికంటే చిన్న వాడిని కదా అందుకని క్షమించెయ్యండి. మనసుబాగాలేకపొయినా, లేక నిద్ర రాకపొయినా నేను చేసే మొదటి పని బ్లాగులు చదవటం. నాకు ఎన్నో సార్లు సహాయపడ్డ బ్లాగ్ మిత్రులందరికి బ్లాగుముఖంగా నెనర్లు తెలుపుకుంటున్నాను.

-కార్తీక్

ప్రమాదవనం: హోస్టే ఘోస్టైతే!!!

2009-10-05T19:13:00.003+05:30

ఈ టపా గురించి పెద్ద ఉపోద్ఘాతాలు అవసరం లేదు. టైటిల్ చూస్తే చాలు!!!
అవును నిజం. ఈ సారి ప్రమాదవనం లో వాళ్ళూ వీళ్ళూ కాకుండా ఏకంగా మన మలక్పేట్ రౌడీ నే ఇంటార్వ్యు సారీ తుంటర్వ్యు చేశాం.

ఈ సారి మన రెగులర్ హోస్ట్ విస్కాన్సిన్ విశాలక్షి గారు నివార్య కారణల వల్ల రాలేక పోయారు దానికి ప్రజలందరూ ఆమెకు ధన్య వాదాలు తెలుపుతున్నారు. ఇక ఆమె స్థానం లో మన స్పెషల్ హోస్ట్ బెంగుళూరూ బనజ గారు వచ్చారు. ఈమె అసలు పేరు వనజ, బెంగాలీలు ఎక్కువగా ఉన్న ఆఫిస్ లో పని చేసి "వ" మర్చిపోయారు.

బనజ గారు మైక్ ముందుకు వచ్చి తన ముక్కు తో నేలను తాకి తనదైన శైలిలో అందరికి నమస్కారం చేశారు. అందరూ ఆమె కింద పడ్డ చిల్లర ఏరుకుంటున్నారని భ్రమ పడ్డారు. అది గమనించి ఆమె జీవితమే ఒక భ్రమ అని ఒక గొప్ప నిజాని చెప్పి ప్రజల కళ్ళు తెరిపించి, కాళ్ళు విరకొట్టి జ్ఞానొదయం చేశారు.
ఇక తుంటర్య్వు షురు...
బె.బ: ఈ రోజు మన కార్యక్రమం లో వచ్చేది ఎవరో మీకు తెలుసా? (బ్యాక్ గ్రౌండ్ లో తెలుసా తెలుసా తెలుసా)
ఎవరైతే ఆంధ్రా లో పుట్టి అమెరికాలో ఉన్నారో,
ఎవరైతే ఒకానొక లండన్ సర్జన్ ఆన్ లైన్ జీవితాన్ని కుక్కలు చింపిన విస్తరి చేశారొ...
ప్రజలు: ఇంత ఓవర్ అక్షన్ వద్దు. మలక్పేట్ రౌడీ అని ముందే చెప్పారు.
మ.రౌ: అందరికి కెలికాస్కారం, నా గురించి పెద్దగా చెప్పుకోవల్సిన పని లేదు.
బె.బ: అవును సార్.. మీ గొప్ప మీరు చెప్పుకుంటే బావోదు.
మ.రౌ: మరి ఇక మొదలు పెడదామ?
బె.బ: సార్, మీరు ఇంతమందిని తుంటర్వ్యు చేఆరు కద, మీకు ఎవరైనా తుంటర్య్వు ఇస్తాం అని చెప్పి పారిపోయారా?
మ.రౌ: ఓ, ఎందుకు లేదు. ప్రతీ వారం ఇద్దరు ముగ్గురు పారిపోతుంటారు..
బె.బ: సార్, మీరు చేసిన అన్ని తుంటర్వ్యులలొ అతి గొప్ప తుంటర్వ్యు ఏది?
మ.రౌ: (కొద్దిగా ఎమోషనల్ అయ్యి) ఏదని చెప్పనూ, ఎన్నని చెప్పనూ...
బె.బ: ఒకటి చెప్తే చాలు సాఇ. మిగతావి బ్లాగులో చదువుకుంటాం.
మ.రౌ: అక్కడే మీరు నన్ను మరీ మొహమాట పెడుతున్నారు. నేను కనీసం ఒక పది చెప్పాలని ప్లాన్ చేసాను. ప్చ్..
బె.బ: (స్వగతం లో) ఓరి నాయనో.. చక్కగా వచ్చి చిక్కగా ఉన్న రెల్లు పొదల్లో కాలు పెట్టినట్లు ఉన్నాను.
మ.రౌ: ఐనా మీరు ఒక్కటి అని అంత వీజీగా చెప్తే ఎలా? నెత్తి మీద ఉన్న జుట్టులో ఏది నచ్చిన వెంట్రుక అంటే ఏమని చెప్పను??
బె.బ: (కళ్ళల్లో నీళ్ళతో) సార్, నాకళ్ళు తెరిపించారు సార్, తెరిపించారు....
మ.రౌ: సరే సరే ఇంత చిన్న విషయానికే ఇలా ఐపోతే మీరు ఇక తుంటర్వ్యు ఏం చేస్తారు? ముందు ఒక బ్రేక్ చెప్పండి..
బె.బ: (తెలుగు సినిమాలో సెకండ్ హీరోయిన్లా) బ్రేక్. చూస్తునే ఉండండి నిరంతర వార్తా స్రవంతి, టీ.వీ.0.5
------------------------------------------------------------------------------------------
వాణిజ్య ప్రకటన:
పని మనిషితో సమస్యా??
పాల వాడితో గొడవ???
పేపర్ వాడితో గాభరా??
ఐతే వెంటనే మీరు తుస్ సబ్బుని కొనండీ. లక్కీ డ్రాలో గెలిస్తే ప్రముఖ నటి కొయ్యా కరన్ గారితో మీ ఇంటి పనులన్నీ చేయించుకోండి.
తుస్ సబ్బు..మీ వంటినే కాదు..ఇంటిని కూడా శుభ్ర పరుస్తుంది.
------------------------------------------------------------------------------------------

బె.బ: మొదటి బ్రేక్ తట్టుకున్న ప్రజలకు మరోసారి కెలికాస్కారం..
మ.రౌ: అక్కో జల్దీగా కానీ రాదేం?
బ.బె: వస్తున్నా మలకన్నా, మీ దగ్గరికే వస్తున్నా..

బె.బ: ఇప్పుడు మలక్న్న గారితో మాట్లాడ్డానికి ఒక స్పెషల్ వ్యక్తిని పిలుస్తున్నాను...
మ.రౌ: ???
(బ్యక్ గ్రౌండ్లో ఎవరు? ఎవరు? ఎవరు?)
బె.బ:
ఎవరైతే శ్రీకాకుళం లో పుట్టి యావత్ బ్లాగ్లోక ప్రజలందరి అభిమానం చూరగొన్నారో?
ఎవరైతే బ్లాగ్లోకంలో ఫేక్ ఐ.డి. లను తుడిచిపెట్టాలనే సంకల్పంతో తన పొలాన్ని అమ్మకానికి పెట్టారో
ఎవరైతే ఇస్త్రి వాద కథలను పుంఖానుపుంఖాలుగా రాస్తున్నారో
ప్రజలు: యెహె.. మాయదారి సోది..తొందరగా చెప్పి చావండి
బె.బ: కార్మిక హృదయ నేత, జన విజ్ఞాన ప్రదాత, మలక్పేట్ మెంటల్ మన విశిష్ట అతిధి.
మ.మె: సాధారణంగా నేను ఇలాంటి భూస్వామ్య వర్గాల ప్రోగ్రాంలలో పాల్గొనను. కానీ దీనిలొ పాల్గొంటాను ఎందుకంటే ఈ హోస్టుకు నాకు ఎటువంటి జాతి వైరం లేదు కనుక.
బె.బ: (స్వగతం లో) జాతి వైరమా!!! అది జంతువుల మధ్య కదా ఉండేది
బె.బ: సార్ మీ గురించి కొంత ఇంట్రడక్షన్ ఇస్తారా?
మ.మె: ఎవరనుకున్నావు, నన్నేమనుకున్నావు???
బె.బ: మనిషివైతే కాదని ఇందాకే తేలిపోయింది. ఎవరో చెప్పు
మ.రౌ: మా తుగ్లక్ ఎమోషనల్ ఐతే ఇలానే ఉంటుంది. కోపం వస్తే మిమ్మలని లేడీ విలన్ గా పెట్టి కథ రాసేయగలడు.
బె.బ: వీడి *%$@
మ.మె: ఓయ్ రౌడి, నువ్వు ఏకలింగం ఒకరేనని ఎందుకు ఒప్పుకోవ్??
మ.రౌ: వెరీ సింపుల్. ఒకరే కాదు కాబట్టి.
మ.మె: ఇది నీలాంటి సామ్రాజ్యవాద, భుస్వామ్య, పెట్టుబడిదారి, ఆస్తిక, అగ్రకుల వర్గాలకు అలవాటే..
మ.రౌ: నీ సరసం పాడుగాను..నా ఆర్కుట్ కమ్యునిటీలు కూడా అనీ లేవు కదరా
మ.మె: అసలు ఈ రౌడీ ఒక రౌడీనే కాదు. కేడి కూడా.. లేకపోతే మీ బుర్ర తింటానని ఒపన్ గా బ్లాగులో రాస్తాడా..
మ.రౌ: అబ్బ చా?
మ.మె: అసలు ఈ రౌడి రౌడీ, హైదరాబాదుకు చెందిన వాడు. అసలు హైదరాబాదు ఒక ఊరేనా? ఆ ఊరిలో అందరూ అచ్చా అచ్చా అంటూ కచ్చ కచ్చగా పుచ్చిపొయిన హింది మాట్లాడుతారు.
మ.రౌ: పిచ్చి నా తుగ్లకూ, అక్కడ మాట్లాడేది హిందీ కాదు.. ఉర్దూ.
మ.మె: అసలు ఈసారి నా కథలో హైదరాబాదునే విలన్ గా చేస్తాను.
మ.రౌ: పండగ చేసుకో..
మ.రౌ: ఒక విషయం చెప్పు, దేవుడంటే ఎందుకు నీకంతా కోపం?
మ.మె: ఎందుకంటే.... మాకు ఎవరో ఒకరిని వ్యతిరేకించకపోతే మాకు నిద్ర పట్టదు. దేవుడైతే నోరు లేని వాడు కనుక ఎమన్నా పర్లేదు.
మ.రౌ: అబ్బో చాల గొప్ప లాజిక్. కులగజ్జికి మీరు వ్యతిరేకులు కద మరి నువ్వు "కర్మ" అని ఎందుకు తగిలించుకున్నావ్?
మ.మె: అది నాకు నేనే ఇచ్చుకున్న బిరుదు. నాకు టెక్నాలజీలో తెలియనిది అంటూ ఏమి లేదు అందుకని.
బె.బ: ఇప్పుడు ఒక పెద్ద బ్రేక్. నాకు తల తిరుగుతొంది.
-------------------------------------------------------------------------------------------------------------------------------------------------------------------
గర్ర్ర్ర్ బుర్ర్ర్ర్ర్ తుర్ర్ర్
గర్ర్ర్ర్ బుర్ర్ర్ర్ర్ తుర్ర్ర్
గర్ర్ర్ర్ బుర్ర్ర్ర్ర్ తుర్ర్ర్
అంతే మరి, ప్రకటనలు ఇచ్చే సాహసం ఎవరూ చేయలేదు.
--------------------------------------------------------------------------------------------------------------------------------------------------------------------------
బె.బ: వామ్మో, అప్పుడే బ్రేక్ ఐపోయిందా? నాకు తల నొప్పి ఇంకా తగ్గలేదు.
మ.మె: మీలాంటి, ఆస్తికులకు ఇలాంటి నొప్పులు వీజీగా వస్తాయి.
మ.రౌ: మీలాంటి నాస్తికులకు రానేరావు. ఎందుకంటే తల అనేది ఉన్నా లోపల ఏమీ ఉండదు కద.
మ.మె: ఓయ్ రౌడీ, నీ తిక్క ఎలాకుదర్చాలో నాకు బాగా తెలుసు. అందుకే ఇప్పుడు ఒక గొప్ప వ్యక్తిని పిలుస్తున్నాను. సార్ రండి సార్..
ఇంతలో ఒక తారు డబ్బా లాంటి వ్యక్తి ఒకతను వచ్చాడు. అతని పేరు "చికాగో చిన్నయ్య"
బె.బ: నే పోతున్నా, ఇతని జన అజ్ఞాన వేదిక దెబ్బకు ఇప్పటికే మెదడు బ్లాక్ అయ్యింది.
మ.రౌ: ఏంటి చిన్నయ్య గారు ఇలా వచ్చారు.
చి.చి: ఏం లేదు. ఈ మధ్య ప్రజలు మమ్మలని గుర్తు పట్టడం లేదు. అందుకని ఏదో ఒక చోట దూరాను. మా శిష్యుడి ప్రజ్ఞ చూసి సంతోషంతో పొంగిపోతున్నాను.
మ.మె: (కళ్ళ నిండా నీళ్ళతో) అది మీ గొప్పతనం సార్...
మ.రౌ: ప్రజ్ఞా?? దేని గురించి మాట్లాడుతున్నావ్ బాబూ?
చి.చి: అదే మా వాడి కథల గురించి. ఇస్త్రీ వాద కథలు అంత గొప్ప ఎవరు రాశారు?
మ.రౌ: మీ వాడి కథలలో ఏ అమ్మాయికి చదువు ఎందుకు రాదు?
మ.మె: అది ఈ పురుషాధిక్య సమాజంలో ఆడది చేసుకున్న పాపం.
మ.రౌ: ఈ తుగ్లక్ గాడు ఇలాగే బుర్ర తింటూ ఉంటాడు, మీరెళ్ళి పని చూస్కోండి. ఇప్పటి వరకు ఈ ప్రొగ్రాం చూసిన అందరికి వసుదేవుడి పాదాభివందనం.
-కార్తీక్

గణేష్: కేవలం గణేష్..

2009-09-29T22:41:00.004+05:30

మొన్న పండగకి ఇంటికి పొయినప్పుడు ఈ సినిమా చూశాను. "బాణం" "శంఖం" వగైరా వగైరా ఉన్నా ఈ సినిమానే ఎందుకు చూశానంటే, ముందు రోజు ఈనాడు పేపర్లో ఈ సినిమా నిర్మాత, దర్శకుడు " మా హీరో పేరుకు ముందు ఇంటి పేరు వెనుక కులం పేరు చెప్పుకోని కుర్రోడు" అని స్తేట్మెంట్ ఇచ్చారు. ఇదేదో అర్థం కాకున్నా వినడానికి ఇంటరెస్టింగా వుందే అని వెళ్ళాము.
ఫస్ట్,ఫస్ట్ లోనే సూపర్ సీన్ అని అనుకుంటున్నారా? కానే కాదు. ఫస్ట్ పేర్లు పడతాయి ఆ తరువాత సినిమా మొదలు. హీరోని ఎస్టాబ్లిష్ చేసేందుకు తగ్గ పిచ్ తయారు చేయలికద, అందుకని ఒకావిడ ఆమె చంకలో బిడ్డని ఆటోలో కూర్చోబెడుతుంది. ఆమె కూరగాయలు బేరమాడుతుంటే ఇంకొక వైపు ఆటో వెళ్ళిపోయింది. అప్పుడు హీరో ఆ ఆటో వెంట పరిగెత్తి ఆ బిడ్డని రక్షిస్తాడు. ఏంటీ? ఆటో వెనకాల పరుగెత్తడం కంటే ఇంకో ఆటోలో వెళ్ళడం మేలు కద అనుకుంటున్నారా? అలా ఆలోచిస్తే తెలుగు సినిమా దర్శకులుగా మీరు డిస్క్వాలిఫై అవుతారు. తర్వాత నా మీదికి మాట రాకూడదు కాబట్టి చెబుతున్నా.
తరువాత సీన్లో హీరోని అందరూ వీడు ఏమనుకుంటే అది చేస్తాడు, పర్యవసానాలు ఆలోచించడు అని అంటుంటారూ. అప్పుడు హీరో మొబైల్ కు కాల్ వస్తుంది. ఈ సినిమాకు రెమునరేషన్ ఇవ్వనని నిర్మాత చెప్పాడేమో, హీరో సీరియస్ గా మొహం పెడతాడు. కట్ చేస్తే ఒక ఇంట్లో బెడ్ మీద ఒక అమ్మాయి ఏడుపు మొహం పెట్టుకుని వుంతుంది. ఆ బెడ్ పక్కనే సన (ఆమేనండీ పూర్వాశ్రమంలో దూరదర్శన్ కేంద్రం హై. సీరియల్స్ లో ఉండేది.) వుంటుంది. కెమెరా హీరో మొహం మీద, సన మొహం మీద, ఒక ప్లేట్లో ఉండే ఒక ముద్ద అన్నం మీదా ఫోకస్ అవుతుంది. అన్నం సరిపోలేదని కొట్టుకుంటున్నారేమో అనుకున్నాను. కానీ విషయం చాలా సీరియస్. విషయం ఏమిటంటే, ఆ అమ్మాయి ఒకడిని ప్రేమించింది. ఆ వేస్టు గాడికి ఒక మేనత్త కూతురు ఉంటుంది అలవాటుగా ఇంట్లో వాళ్ళు వీళ్ళీద్దరి పెళ్ళి చిన్నప్పుడే కుదిర్చి ఆ తర్వాత పోట్లాడుకుని విడిపోతారు.

అప్పుడు హీరో చాలా షార్ప్ గా ఆలోచించి ఆ మేనత్త కూతురిని నేను ప్రేమలో పడేస్తాను అంటాడు. నాకొక విషయం చెప్పండి, అమ్మాయిలను ప్రేమలో అయినా/బురదలో అయినా పడెయడం అంత వీజీనా? 30 ఇయర్స్ ఇండస్ట్రీ అంటే నేనేమీ చెప్పలేను.

"బాబూ నీ డౌట్లకు ఇంకొక పోస్టు రాసుకో ముందు సినిమా గురించి రాయి"

వస్తున్నా, వస్తున్నా.. ఇంక హీరొయిన్ తన అపార్ట్మెంట్ లో ఉండే రౌడీ పిల్లలకు ట్యుషన్ చెపుతు ఉంటుంది. అర్థిక మాంద్యం తెలుగు హీరోయిన్ లకు కూడా తాకింది ఉద్యోగాలు లేక ఇలా ట్యుషన్లు చెప్పుకుంటున్నారు. హీరో ఆ రౌడీ పిల్లలతో కలిసి హీరొయిన్ ని పడెస్తాడు. అనాథ అయిన హీరోకి అంత రిచ్ అపార్ట్మెంట్ కు రెంట్ ఎలా కట్ట గలడు అని మీకు డౌట్ రాకుడదు. వచ్చిందంటే మరోసారి ఫెయిలైపోతారు. సెకండ్ హాఫ్ అంతా మాములే ముడు అపర్థాలూ ఆరు క్షమాపణలటో కథ నడుస్తుంది, సారీ కథ కాదు, సమయం గడుస్తుంది ఇందులో కథ అనేది లేదు కదా మరి.

హోలు మొత్తంగా ఆలోచిస్తే, దర్శకుడు ఏమి చెప్పదలచుకున్నాడో నాకు అర్థం కాలేదు. కథ అనే ప్రాణి బుతద్దం వేసి వెతికినా కనిపించదు. ఇంక నటన పరంగా చూస్తే, హీరోయిన్ ఫస్ట్ హాఫ్ బాగానే చేసింది అంటే పళ్ళికిలించడం తప్ప వేరే ఏమీ లేవు. ఇక సెకండ్ హాఫ్ లో ఆ సెంటిమెంటల్ సీన్స్ ఇద్దరు ముందు నుయ్యి, వెనక గొయ్యి టైపులో చేశారు.
the hero is pathetic. In many scenes he seems to have been making a spoof of Pawan Kalyan. It will be too much if he expects to be a big star with this kind of copied acting. Particularly in sentimental scenes you will recall Pawan Kalyan time and again.

"బాబూ ఇది తెలుగు బ్లాగు. ఇంగ్లీషులో రాయాలంటే ఇంకొక బ్లాగు ఉంది కదా, అందులో రాసుకో"
సరే సరే, హీరోయిన్ ఫస్ట్ హాఫ్ లోనూ, పాటలప్పుడూ బాగుంది. సెకండ్ హాఫ్ లో రక్త కన్నీరే. ఇంక పాటల గురించి ఎంత తక్కువ చెప్పుకుంటే అంత మంచిది. 2,3 పాటలు ఏ భాషవో కూడా అర్థం కాదు.
ఇక ఈ సినిమాలో ఏదైనా చూడ తగ్గ విషయం అంటే, అవి ఆ పిల్లల అల్లరి మరియు బ్రహ్మి కామెడీ. బ్రహ్మి చాలా ఈజీగా ఒక మంచి రోల్ చేశాడు. ఆ పిల్లలు వచ్చి రానీ మాటలతో ముద్దుగా వున్నారు.

ఇంతకూ ఆ దర్శక నిర్మాతలు పేపర్లో ఎందుకు అలా వేయించారో నాకు అసలు అర్థం కాలేదు. ప్రజలకు ఎవరికైన అర్థం ఐతె తెలుపగలవారు.

-కార్తీక్

పాహిమాం పాహి

2009-09-25T21:27:00.003+05:30

మహిషాసురిడిని సమ్హరించిన మైసురు చాముండీ దేవి అందుకొ మా ప్రణామాలు..
బెజవాడలో భక్తుల కొంగుబంగారమైన ఓ దుర్గమ్మా ఇవే మా నమస్సులు
వారణాసిలో వెలసిన ఓ విశాలాక్షీ ఇదుగోనమ్మా మా వందనాలు
కాంచీపురమునకు ఏతెంచిన ఓ కామాక్షీ పాహిమాం పాహి
మీనాక్షిగా మధురైనేలుతున్న ఓ మహశక్తి ప్రణమామ్యహం
గంగమ్మను భువి మీదకు సాగనంపుతూ రుషీకేశమున వెలసిన ఓ చండీదేవి నమోనమ:
భక్తుల మనవిని మన్నించుటకు హరిద్వారమున వెలసిన ఓ మనసా దేవి శరణు శరణు.
మహంకాళిగా ఉజ్జైనీ నగరాన వెలసిన ఓ జగన్మాతా జేజేలు
ముంబై మాహానగరాన వెలసిన ఓ మహాశక్తీ శరణు తల్లీ శరణు..
గంగా సంగమానికి సాక్షీభూతంగా నిలిచిన ఓ కలకత్తా కాళీ వందనం అభివందనం

ఏ ఊరికేగినా ఏ వాడన వెలసినా తల్లీ పరాశక్తీ నువ్వే దిక్కు,
రక్షమాం రక్ష
పాహిమాం పాహి
రేపు దుర్గాష్టమి. ఈ సందర్భంగా సకల ప్రాణి కోటికీ మంచి జరగాలని, ఆ అమ్మ కరుణ అందరి మీద ఉండాలని ప్రార్థిస్తున్నాను.

సర్వేజనా సుఖినోభవంతు
-కార్తీక్

ఈ చందమామ!!

2009-08-05T19:30:00.003+05:30

భరత జాతికి దేవుడిచ్చిన వరం ఈ చందమామ!!
భారత దేశ చరిత్రలో నిలిచిపోయింది ఈ చందమామ

ముగ్గురు మాంత్రికులతో చిన్నారులని మంత్రముగ్దులని చేసింది ఈ చందమామ
పెద్దల ఆశీర్వాదంతో రాకాసిలోయ నుంచి క్షేమంగా తిరిగొచ్చింది ఈ చందమామ
తోకచుక్కకు తోడువెళ్ళింది ఈ చందమామ
మకరదేవత కటాక్షాన్ని పొందింది ఈ చందమామ

భరత జాతికి దేవుడిచ్చిన వరం ఈ చందమామ
భారత దేశ చరిత్రలో నిలిచిపోయింది ఈ చందమామ

ఖడ్గ వర్మ కరవాలపు వాడిని వేడి వేడిగా వండి వార్చింది ఈ చందమామ
అరేబియా సిందుబాదును ఆంధ్రాలో నిలబెట్టింది ఈ చందమామ
అవంతీ నగర పింగళుడిని అఖిలాంద్రకోటికి పరిచయం చేసింది ఈ చందమామ
రూపధరుడి యాత్రలను తెలుగు రాష్ట్రానికి పొడిగించింది ఈ చందమామ

భరత జాతికి దేవుడిచ్చిన వరం ఈ చందమామ
భారత దేశ చరిత్రలో నిలిచిపోయింది ఈ చందమామ

పౌరాణికేతిహాసాల నెలవు ఈ చందమామ
చారిత్రకవివరణల నిధి ఈ చందమామ
నీతికథల నిలయం ఈ చందమామ
భేతాళ కథల భాండాగారం ఈ చందమామ

భరత జాతికి దేవుడిచ్చిన వరం ఈ చందమామ
భారత దేశ చరిత్రలో నిలిచిపోయింది ఈ చందమామ

చందమామా! ఓ చందమామా!
సాహితీసాగరంలో ఎన్నో ఆణిముత్యాలనిచ్చిన స్వాతిచినుకు ఓ చందమామ
నీ ప్రభ పొగడ తెలుగు జాతి తరమా?

నేను గత 30 సంవత్సరాల నుంచి వచ్చిన అన్ని చందమామలు చదివాను. ఈ మధ్య బ్లాగాగ్ని, శివ గార్ల వల్ల ఇంకొన్ని పాత కథలు చదివాను. నాకు చందమామ చదవటం అలవాటు చేసిన మా నాన్న గారికి జన్మ జన్మలకు రుణ పడి ఉంటాను.

-కార్తీక్